జగన్‌ అరాచకపాలనతో దెబ్బతిన్న ఏపీ బ్రాండ్‌!

• అభివృద్ధిలో భాగస్వాములైన ఉద్యోగులనూ వేధించారు
• చంద్రబాబుతోనే రాష్ట్ర పునర్నిర్మాణం సాధ్యం
• మేం వచ్చాక ప్రభుత్వ కార్యాలయాలకు సొంత భవనాలు
• ఎన్నికల ప్రచారంలో యువనేత లోకేష్‌

మంగళగిరి(చైతన్యరథం): జగన్‌ అరాచకపాలనతో ఏపీ బ్రాండ్‌ దెబ్బతిందని, జె-ట్యాక్స్‌, కక్షపూరిత విధానాల కారణంగా రాష్ట్రానికి ఆదాయం సమకూర్చే అమర్‌రాజా వంటి పరిశ్రమలు పొరుగు రాష్ట్రాలకు తరలివెళ్లాయని యువనేత నారా లోకేష్‌ విమర్శించా రు. ఎన్నికల ప్రచారంలో భాగంగా మంగళగిరి నియో జకవర్గం కుంచనపల్లి అపర్ణ అపార్ట్‌మెంట్‌లో బుధవా రం బ్రేక్‌ఫాస్ట్‌ విత్‌ లోకేష్‌ కార్యక్రమం ద్వారా అక్కడి నివాసితులను కలుసుకున్నారు.ఈ సందర్భంగా లోకేష్‌ మాట్లాడుతూ… 2014లో రాష్ట్ర విభజన తర్వాత కనీ సం నిలువ నీడకూడా లేని ఏపీకి ముఖ్యమంత్రిగా బాధ్యతలు చేపట్టిన చంద్రబాబునాయుడు అహోరా త్రులు శ్రమించి గుజరాత్‌, కర్నాటక, మహారాష్ట్ర వంటి అభివృద్ధి చెందిన రాష్ట్రాలకు దీటుగా తీర్చిదిద్దారు. ఒక్కఛాన్స్‌ మాయలో పడి జగన్‌ను గెలిపించినందుకు నేడు 5కోట్లమంది ప్రజలు మూల్యం చెల్లించుకోవాల్సి వస్తోంది.

2019లో ప్రజావేదిక కూల్చివేతతో ప్రారంభ మైన విధ్వంసం ఇప్పటికీ కొనసాగుతూనే ఉంది. జగన్‌ దెబ్బకు ఏపీలో తప్ప వెనుకబడిన రాష్ట్రాలకైనా వెళతా మనే పరిస్థితికి పారిశ్రామికవేత్తలు వచ్చారు. దేశంలో వ్యాక్సిన్‌ తయారీలో అగ్రగామి సంస్థగా ఉన్న భారత్‌ బయోటెక్‌ ఒడిశాలో తమయూనిట్‌ను ఏర్పాటుచేసింది. రాష్ట్రఖజానాకు అత్యధికంగా పన్నుల రూపంలో ఆదా యం సమకూర్చే అమర్‌రాజా పరిశ్రమను వేధించడం తో తెలంగాణాకు వెళ్లి యూనిట్‌ స్థాపించారు. దీనివల్ల అంతిమంగా నష్టపోయింది ఏపీలోని చదువుకున్న నిరు ద్యోగ యువత. రాష్ట్రప్రజలు ఆలోచించి ఈ ఆరాచక విధానాలకు ఓటుద్వారా చెక్‌ పెట్టాల్సిన ఆవశ్యకత ఉంది. గత ప్రభుత్వ హయాంలో చంద్రబాబునాయుడు రాష్ట్రంలోని ప్రతిజిల్లాకు ఒక్కో రంగంపై దృష్టిపెట్టి ప్రణాళికాబద్ధంగా అభివృద్ధి చేసేందుకు కృషిచేశారు.

అనంతపురంలో ఆటోమొబైల్‌, చిత్తూరులో ఎలక్ట్రానిక్స్‌, కర్నూలులో సోలార్‌ ఎనర్జీ, విశాఖలో ఐటి, గోదావరి జిల్లాల్లో ఆక్వా, పామాయిల్‌.. ఇలా ప్రతిజిల్లాకు అక్కడ ఉన్న వనరులను గుర్తించి పరిశ్రమలను ప్రోత్సహిం చారు. ఫలితంగా చంద్రబాబు హయాంలో 40వేల పరిశ్రమలు, 6లక్షల ఉద్యోగాలు వచ్చాయని జగన్‌ ప్రభుత్వమే చెప్పింది.
సంక్షేమం, అభివృద్ధికి సమప్రాధాన్యతనిస్తూ ముందుకు నడిపించాలన్నది టీడీపీ విధానం. అభివృద్ధి చేయకుండా ఎడాపెడా అప్పులు చేయడంవల్ల ఆ భారం రాష్ట్ర ప్రజలంతా మోయాల్సి వస్తుంది. ఇప్పుడు ఏపీలో జరుగుతున్నది ఇదే. సంక్షోభాలను సవాల్‌ గా స్వీకరించి అభివృద్ధికి బాటలు వేయడం చంద్రబాబుకి వెన్నతోపెట్టిన విద్య. 1995, 2014లో కూడా గడ్డు పరిస్థితుల్లోనే రాష్ట్రపగ్గాలు చేపట్టిన చంద్రబాబు నాయుడు నిరంతరం అవిశ్రాంతంగా శ్రమించి రాష్ట్రా న్ని అభివృద్ధి పట్టాలెక్కించారు.

జగన్‌ పాలనలో అస్త వ్యస్తంగా మారిన రాష్ట్రాన్ని ఎన్నికలయ్యాక చంద్రబాబు నాయుడు ఖచ్చితంగా గాడిలో పెడతారు. రాష్ట్రాభివృద్ధి లో ఉద్యోగుల పాత్ర కీలకమైంది, వారు పనిచేసే ఆఫీసుల్లో సరైన సౌకర్యాలు లేక ఇబ్బందులు పడుతు న్నారు. రాష్ట్రాభివృద్ధిలో భాగస్వాములైన ఉద్యోగులను కూడా దొంగలుగా చిత్రీకరించి వేధింపులకు గురి చేశారు. పదవీవిరమణ చేసినవారికి రిటైర్మెంట్‌ బెనిఫిట్స్‌ కూడా ఇవ్వకుండా ఇబ్బంది పెట్టారు. ప్రజా ప్రభుత్వం అధికారంలోకి వచ్చిన వెంటనే రాష్ట్రంలోని అన్ని ప్రభుత్వ కార్యాలయాలకు పూర్తి సౌకర్యాలతో సొంతభవనాలు నిర్మిస్తామని యువనేత లోకేష్‌ చెప్పారు.