అమరావతి: మాజీ ప్రధాని అటల్ బిహారీ వాజ్‌పేయి జయంతి సందర్భంగా టీడీపీ అధినేత చంద్రబాబు నాయుడు నివాళులు అర్పించారు. వాజ్‌ పేయితో తన అనుబంధాన్ని ఆయన జయంతి సందర్భంగా గుర్తు చేసుకుంటూ చంద్రబాబు ట్వీట్‌ చేశారు. రాజకీయాలకు అతీతంగా అందరూ కీర్తించే వ్యక్తిత్వం ఉన్న నేత వాజ్‌ పేయి అన్నారు. వాజ్‌ పేయితో గడిపిన ప్రతి క్షణం తాను నేర్చుకోవడానికి లభించిన గొప్ప అవకాశం అన్నారు. రాజనీతి, దేశం పట్ల ప్రేమలో వాజ్‌ పేయి ఉన్నతమైన స్థానం పొందారని చంద్రబాబు కొనియాడారు.
ఆయన కీర్తి రాజకీయాలకతీతం
వాజ్‌పేయికి చంద్రబాబు నివాళులు
