- అంగన్వాడీ పిల్లలతో సరదాగా గడిపిన మంత్రి
విశాఖపట్నం (చైతన్యరథం): విశాఖపట్నం నెహ్రూ బజార్‌ మున్సిపల్‌ ఎలిమెంటరీ పాఠశాలలను రాష్ట్ర విద్య, ఐటీ శాఖల మంత్రి నారా లోకేష్‌ శనివారం ఆకస్మికంగా తనిఖీ చేశారు. ఈ సందర్భంగా అంగన్వాడీ బాలల గదిని సందర్శించిన లోకేష్‌… కొద్దిసేపు వారితో సరదాగా గడిపారు. ఏబీసీడీలు, రైమ్స్‌ వచ్చా అని అడగ్గా… వారు ఆడుతూ పాడుతూ సమాధానాలు ఇచ్చారు. గుడ్లు, పౌష్టికాహారం సరఫరాపై టీచర్లను ఆరా తీశారు. విద్యార్థులకు చాక్లెట్లు పంచి, వారితో కలిసి లోకేష్‌ ఫోటో దిగారు.
