పోలేపల్లి: దళితులకు చరిత్రలో ఎన్నడూలేని విధంగా ద్రోహం చేసిన జగన్‌రెడ్డిని మొత్తం దళిత జాతి ఛీకొట్టాలని టీడీపీ పొలిట్‌బ్యూరో సభ్యుడు వర్ల రామయ్య అన్నారు. విజయనగరం జిల్లా పోలిపల్లిలో బుధవారం జరిగిన యువగళం`నవశకం బహిరంగసభకు వ్యాఖ్యాతగా వ్యవహరించిన వర్ల రామయ్య మాట్లాడుతూ రాష్ట్రచరిత్రలో కనీవినీ ఎరుగని రీతిలో యువగళం-నవశకం సభ జరిగిందన్నారు. యువనేత లోకేష్‌ యువగళంలో 3123 కిలోమీటర్లు పాదయాత్ర చేసి రాష్ట్ర ప్రజలకు నేనున్నానని భరోసా కల్పించారన్నారు. ప్రత్యర్థులకు, రాష్ట్రంలోని అవినీతి పాలకులకుయువగళం పాదయాత్ర సింహస్వప్నంలా మారిందన్నారు. రాబోయే రోజుల్లో టీడీపీ-జనసేన పార్టీలు సాధించబోయే అద్భుత విజయానికి ఈ సభకు హాజరైన ప్రజలే నిదర్శనం. రాష్ట్రంలోని దళితులకు.. ఇక్కడికి వచ్చిన టీడీపీ-జనసేన పార్టీల్లోని దళితులకు ఒక్కటే విజ్ఞప్తి. ఈ ముఖ్యమంత్రి అసత్యాలు.. అబద్ధాలతో గత ఎన్నికల్లో దళితుల ఓట్లు దండుకొని అధికారంలోకి వచ్చాడు. దళితులు తనకు మేనమామలని చెబుతూ ఈ ముఖ్యమంత్రి మనల్ని తన ఇనుప పాదాలతో అణచివేశాడు. అలాంటి నాయకుడిని దళితులు త్యజించాలి. మన నాయకుడు. మన అభివృద్ధికి ఎంతో దోహదం చేసిన చంద్రబాబునాయుడికి దళితులంతా మద్దతుగా నిలవాలి. దళితులంతా జగన్‌ రెడ్డిని ఛీకొట్టాలని వర్ల రామయ్య పిలుపు ఇచ్చారు.
దళితులు జగన్‌ రెడ్డిని ఛీకొట్టాలి… చంద్రబాబుకు మద్దతుగా నిలవాలి: వర్ల
చరిత్రలో కనీవినీ ఎరుగని రీతిలో నవశకం సభ విజయవంతమయిందని వ్యాఖ్య
