- అధికారంలో ఉన్న ఐదేళ్లూ నియంతలా పాలన
- పదవి పోయాక పిచ్చి ప్రేలాపనలు
- తల్లి,చెల్లిని బూతులు తిట్టించి పైశాచికానందం
- జగన్‌ రెడ్డిపై మంత్రి పార్థసారథి ధ్వజం
అమరావతి (చైతన్యరథం): రాష్ట్రంలో లా అండ్‌ ఆర్డర్‌ని నీచస్థితికి దిగజార్చింది వైసీపీ ప్రభుత్వమే అని రాష్ట్ర గృహనిర్మాణ, సమాచారశాఖల మంత్రి కొలుసు పార్థసారథి ధ్వజమెత్తారు. శుక్రవారం మంగళగిరిలోని తెలుగుదేశం పార్టీ కేంద్ర కార్యాలయంలో నిర్వహించిన విలేకరుల సమావేశంలో ఆయన మాట్లాడుతూ అధికారంలో ఉండగా అరాచక, నియంతృత్వ పాలన సాగించిన నేడు జగన్‌ మోహన్‌ రెడ్డి ప్రజాస్వామ్యం గురించి మట్లాడుతుంటే ప్రజలు ఆశ్చర్యపోతున్నారన్నారు. ప్రతిపక్షంలోకి వచ్చే సరికి జగన్‌కు ప్రజాస్వామ్యం, ప్రశ్నించే గొంతులు గుర్తుకు వచ్చాయా అని మంత్రి పార్థసారథి ప్రశ్నించారు. నియంత మాదిరిగా జీవిత కాలం వైసీపీకి జగన్‌ అధ్యక్షుడిగా ఉండాలని తీర్మానం చేయించుకున్నారు. కానీ ప్రజాస్వామ్యంలో అది సాధ్యం కాదని ఎలక్షన్‌ కమిషన్‌ చెప్పింది. రాష్ట్రంలో కొంత మంది పోలీసులను ఉపయోగించుకొని జగన్‌ రెడ్డి చేసిన అరాచకాలను దేశ ప్రజలందరూ చూశారు. వైసీపీ అరాచకాలను ప్రశ్నిస్తున్నారని ఒక ఎంపీని అతి క్రూరంగా హింసించారు. ఇలాంటి ఘటన దేశ చరిత్రలో ఎప్పుడూ జరగలేదు. జగన్‌ పాదయాత్రకు అప్పటి టీడీపీ ప్రభుత్వం ఎలాంటి అడ్డంకులు సృష్టించలేదు.
కానీ టీడీపీ యువనేత లోకేష్‌ పాదయాత్రకు జగన్‌ అనేక అడ్డంకులు సృష్టించారు. వైసీపీ సోషల్‌ మీడియా నీచమైన పోస్టింగులు పెడుతోంది. సొంత తల్లి, చెల్లిపై కూడా వైసీపీ సోషల్‌ మీడియాలో నీచంగా పోస్టులు పెడితే కనీసం వారిపై చర్యలు తీసుకోలేదు. వైసీపీ నాయకులు అప్పటి ప్రతిపక్ష సభ్యులను బూతులు తిడుతుంటే జగన్‌ కనీసం ఖండిరచకుండా ప్రోత్సహించారు. వైసీపీ నాయకుడు జోగి రమేష్‌ అప్పటి ప్రతిపక్ష నేత చంద్రబాబు ఇంటిపై దాడికి వెళితే చర్యలు తీసుకోపోగా మెచ్చుకుని మంత్రి పదవి కట్టబెట్టారు. వైసీపీ హయాంలో లెక్కలేనన్ని దౌర్జన్యాలు చేశారు. బీసీలపై 300, ఎస్సీలపై 192, ఎస్టీలపై 58, మైనార్టీలపై 11, మహిళలపై 2027, టీడీపీ కార్యకర్తలపై 2005 దాడులు జరిగాయి. ఎన్నికల కోడ్‌ ఉన్న సమయంలోనూ 13 హత్యలు చేశారు. అసలు వైసీపీ ప్రభుత్వంలో నోటీసులు ఇచ్చి చట్టబద్ధంగా, రాజ్యాంగ బద్ధంగా ఎప్పుడైనా చర్యలు తీసుకున్నారా అని మంత్రి పార్థసారథి ప్రశ్నించారు.
సోషల్‌ మీడియా సైకోలపై కచ్చితంగా చర్యలు
సైకోలుగా మారి అరాచకవాదులుగా వ్యవహరిస్తున్న వైసీపీ సోషల్‌ మీడియా వారిపై కచ్చితంగా చర్యలు తీసుకుంటాం. వైసీపీ ప్రభుత్వాన్ని ప్రశ్నించిన 150 మంది టీడీపీ కార్యకర్తలపై, సోషల్‌ మీడియా వారిపై 100 కేసులు పెట్టి కనీసం మంచినీరు కూడా ఇవ్వకుండా హింసించారు. 70, 80 సంవత్సరాల వృద్ధులను కూడా చిత్రహింసలు పెట్టారు. వైసీపీ హయాంలో ప్రతిపక్ష నాయకులను హింసించడానికి సీఐడీని ఉపయోగించుకున్నారు తప్ప ప్రజలకు మేలు చేయడానికి ఉపయోగించలేదు. కుటుంబ సభ్యులపై నీచంగా మాట్లాడితే ఖండిస్తారా లేదా.. అనేది జగన్‌ సమాధానం చెప్పాలి. కూటమి ప్రభుత్వంలో కక్షపూరిత రాజకీయాలు, కక్షసాధింపులు ఉండవు. ప్రజాస్వామ్య విలువలను గౌరవిస్తూ ప్రజల అభివృద్ధి కోసం ప్రభుత్వం పని చేస్తోందని మంత్రి పార్థసారథి స్పష్టం చేశారు.
