కడప: టీడీపీ నేత, మాజీ ఎమ్మెల్సీ బీటెక్‌ రవిని కస్టడీకి ఇవ్వాలని పోలీసులు దాఖలు చేసిన పిటిషన్‌ను కడప కోర్టు కొట్టివేపసింది. బీటెక్‌ రవిని కడప జిల్లా పోలీసులు ఈ నెల 14న అరెస్ట్‌ చేసిన సంగతి తెలిసిందే. గతంలో లోకేశ్‌ పర్యటన సందర్భంగా కడప ఎయిర్‌ పోర్టు వద్ద అధికారులతో దురుసుగా ప్రవర్తించారంటూ బీటెక్‌ రవిపై వల్లూరు పోలీసులు కేసు నమోదు చేశారు. పెండిరగ్‌ లో ఉన్న ఈ కేసులోనే బీటెక్‌ రవిని అరెస్ట్‌ చేశారు.
కాగా, బీటెక్‌ రవి కేసులో పోలీసులకు శుక్రవారం కోర్టులో చుక్కెదురైంది. ఆయనను కస్టడీకి ఇవ్వాలంటూ పోలీసులు దాఖలు చేసిన పిటిషన్‌ ను న్యాయస్థానం కొట్టివేసింది. బీటెక్‌ రవిని 5 రోజులు కస్టడీకి అప్పగించాలని పోలీసులు తమ పిటిషన్‌ లో కోరారు. దీనిపై విచారణ చేపట్టిన కడప కోర్టు పోలీసుల కస్టడీ పిటిషన్‌ ను తోసిపుచ్చింది. బీటెక్‌ రవి బెయిల్‌ పిటిషన్‌ పైనా న్యాయస్థానం విచారణ జరిపింది. తదుపరి విచారణను ఈ నెల 21కి వాయిదా వేసింది.
