తెలుగుదేశంపార్టీ ధాటికి అధికార పార్టీ ఉక్కిరిబిక్కిరి అవుతోంది. టిడిపి అధినేత చంద్రబాబు నాయుడు, పార్టీ జాతీయ ప్రధాన కార్యదర్శి నారా లోకేష్ లు లక్ష్యంగా అధికార పార్టీ చేస్తున్న ఫేక్ ప్రచారాలు బెడిసికొడుతున్నాయి. వాటిని సమర్థించుకునే మార్గం లేక వైసీపీ ఆత్మరక్షణలో పడింది. దీంతో అధికారపార్టీ ప్రజాక్షేత్రంలో నవ్వుల పాలవుతోంది. ఇదేం ఖర్మ మన రాష్ట్రానికి అంటూ పార్టీ అధినేత చంద్రబాబు నాయుడు జరుపుతున్న పర్యటనలకు ప్రజల నుంచి అద్భుత స్పందన లభిస్తుండటంతో అధికార పార్టీ నాయకులకు కంటిమీద కునుకు కరవైంది. అదే సమయంలో గత రెండున్నర మాసాలుగా పార్టీ జాతీయ ప్రధాన కార్యదర్శి నారా లోకేష్ జరుపుతున్న యువగళం పాదయాత్ర వైసీపీ నాయకుల గుండెల్లో రైళ్లు పరిగెత్తిస్తోంది.
యువగళం యాత్రను అడ్డుకునేందుకు అధికార పార్టీ సర్వశక్తులూ ఒడ్డుతున్నప్పటికి అది ప్రభంజనం లా సాగుతుంది. వంద రోజులైనా కాక ముందే యువగళం జన సునామీగా మారింది. ముందుముందు అదెంత ప్రభంజనం సృష్టిస్తుందో అంచనాలకు అందకుండా వుంది. ఒకవైపు చంద్రబాబు, మరోవైపు లోకేష్ లు ఇరువురూ వైసీపీ నాయకులపై పదునైన అస్త్రాలు సంధిస్తున్నారు. బాధితులకు అండగా వుండి భరోసా ఇస్తున్నారు. అదేవిధంగా అభివృద్ధి, సంక్షేమం విషయంలో టిడిపి హయాంలో మేము ఇలా చేశాం, మీరేం చేస్తున్నారు చెప్పండి అంటూ సెల్ఫీ ఛాలెంజ్ లు విసురుతున్నారు. అధికార పార్టీ పత్రిక లోకేష్ పై విషం చిమ్ముతూ రాసిన కథనాలపై రాష్ట్రవ్యాప్తంగా టిడిపి శ్రేణులు ఆగ్రహం వ్యక్తం చేశాయి.
లోకేష్ వ్యాఖ్యలను వక్రీకరిస్తూ దళితులను కించపరిచారనే విష ప్రచారానికి తెరదీసింది. దానిపై లోకేష్ తాను మాట్లాడిన అసలు వీడియోను బహిరంగంగా విడుదల చేశారు. సాక్షి యాజమాన్యాన్ని సవాల్ చేశారు. వీటిలో ఏ ఒక్క దానికీ జవాబు చెప్పే స్థితిలో అధికార పార్టీ నాయకులు లేరు. సాక్షి పత్రిక యాజమాన్యం పై రాష్ట్ర వ్యాప్తంగా వివిధ పోలీసు స్టేషన్ లలో పోలీసులకు ఫిర్యాదు అందజేశారు. కేసులు నమోదు చేయని పక్షంలో న్యాయపోరాటానికి సైతం టిడిపి శ్రేణులు సిద్ధమయ్యాయి. అదేవిధంగా చంద్రబాబు పై గతంలో వైసీపీ నాయకులు చేసిన ప్రచారాలు అన్నీ అభూత కల్పనలు అని ఉన్నతస్థాయి దర్యాప్తు సంస్థలే నిగ్గు తేల్చాయి. కోడి కత్తి కేసులో ఏవిధమైన కుట్ర కోణం లేదని కేంద్ర దర్యాప్తు సంస్థ ఎన్ ఐ ఎ నిగ్గు తేల్చింది. అదేవిధంగా పింక్ డైమండ్, నారాసుర రక్త చరిత్ర కథనాలు పూర్తిగా కట్టుకథలేనన్న విషయం స్పష్టమైంది. వీటన్నింటి పై చంద్రబాబు పరువునష్టం దావా వేశారు. ఒకవైపు చంద్రబాబు, మరో వైపు లోకేష్ లు ఇరువురూ ప్రజాక్షేత్రంలో అధికార పక్షాన్ని నిలదీస్తూనే, న్యాయపోరాటాలకు సన్నద్ధం అయ్యారు. దీంతో పార్టీ శ్రేణులకు సైతం మనో స్థైర్యం పెరిగింది. మరింత తెగింపుతో పోరాటాలకు సన్నద్ధం అవుతున్నారు.
