- టెలీకాన్ఫరెన్స్లో పాల్గొన్న 56 వేలమంది కార్యకర్తలు, నాయకులు
- పొత్తు ప్రయోజనాలు, లక్ష్యాలు వివరించిన చంద్రబాబు
- రాష్ట్ర పునర్నిర్మాణం కోసమే మూడుపార్టీల పొత్తు అని స్పష్టీకరణ
- ఎన్నికల సన్నద్ధత, పొత్తులు, అభ్యర్థుల పనితీరుపై చర్చ
- పలు సర్వేలు, నివేదికల ఆధారంగా వివిధ అంశాలపై నేతలకు, కార్యకర్తలకు దిశానిర్దేశం
- సూపర్ -6 ఇంటింటి ప్రచారంలో పనితీరు కనబరిచిన వారిని అభినందించిన పార్టీ అధినేత
అమరావతి: రాష్ట్రంలోని ప్రతి ఓటూ, సీటూ ముఖ్య మేనని టీడీపీ అధినేత చంద్రబాబునాయుడు స్పష్టం చేశారు. రాష్ట్ర పునర్నిర్మాణం కోసమే మూడు పార్టీల పొత్తు అని టీడీపీ అధినేత చంద్రబాబునాయుడు స్పష్టం చేశారు. రాష్ట్ర వ్యాప్తంగా టీడీపీ బూత్లెవల్ కార్యకర్తలు, నాయకులతో చంద్రబాబు మంగళవారం టెలీకాన్ఫరెన్స్ద్వారా మాట్లాడుతూ వైసీపీ విధ్వంస పాలన నుంచి రాష్ట్రాన్ని కాపాడుకోవడం కోసం మూడు పార్టీలు మళ్లీ చేతులు కలిపాయన్నారు. జగన్ రాష్ట్రాన్ని పూర్తిగా విధ్వంసం చేశాడు. ప్రజాస్వామ్య వ్యవస్థలను నిర్వీర్యం చేశాడు. జగన్ రివర్స్ పాలనలో నష్టపోయిన రాష్ట్రంపై బాధ్యతతో… దుష్ట పాలనను అంతం చేయడానికి బీజేపీ, టీడీపీ, జనసేన కలిసి పోటీ చేస్తున్నాయన్నారు. మళ్లీ రాష్ట్రాన్ని గాడిన పెట్టాలి అంటే కేంద్ర సహకారం అవసరం అన్నారు. తెలుగు దేశం పార్టీ ఎన్డీఏలో గతంలో భాగస్వామిగా ఉంది. 25ఏళ్ల క్రితమే ఎన్టీఏలో కీలక భాగస్వామిగా తెలుగు దేశం పని చేసింది. పోలవరం పూర్తికి, రాజధాని నిర్మా ణానికి, పెట్టుబడులు, ఉద్యోగాలు, మౌలిక సదుపాయా ల కల్పనకు కేంద్రసాయం ఎంతో అవసరం. మన ప్రభుత్వ హయాంలో కేంద్ర నిధులతో అనేక అభివృద్ది కార్యక్రమాలు చేపట్టాం. ఈరోజు గ్రామాల్లో కనిపిస్తున్న ప్రతి రోడ్డు నాడు మన హయాంలో వేసినదే. కేంద్ర ప్రభుత్వంలో మనం భాగస్వామిగా ఉన్న ప్రతి సంద ర్భంలో రాష్ట్రానికి న్యాయం జరిగిందని చంద్రబాబు అన్నారు.
స్వప్రయోజనాలు చూసుకోని పార్టీ టీడీపీ
రాష్ట్ర ప్రయోజనాలు తప్ప స్వప్రయోజనాలు ఆశిం చని పార్టీ తెలుగుదేశం అని అందరికీ తెలుసు. మూడు పార్టీల పొత్తు జగన్ను ఓడిరచడం కోసమే కాదు.. రాష్ట్రాన్ని గెలిపించడం కోసం. రాష్ట్ర విస్తృత ప్రయో జనాల కోసం మూడు పార్టీలు చేతులు కలిపాయి… కింది స్థాయిలో నేతలు, కార్యకర్తలు కూడా కలిసి పనిచేయాలి. విభేదాలను పక్కన పెట్టి… గెలుపు ఒక్కటే లక్ష్యంగా పనిచేయాలి. ఈ ఎన్నికల్లో ప్రతి ఓటూ…ప్రతి సీటూ ముఖ్యమే. వాడవాడలా మూడు జెండాలు కలిసి సాగాలి. అనేక సర్వేలు చేసి, నూతన విధానాల ద్వారా అభ్యర్థులు ఎంపిక చేశాం… నియోజకవర్గాల్లో పార్టీ ప్రకటించిన అభ్యర్థికి ప్రతిఒక్కరూ మద్దతుగా నిలవాలి. వచ్చే ఎన్నికల్లో వైసీపీని చిత్తు చిత్తుగా ఓడిరచాలి… కూటమి 160పైగా సీట్లు సాధించాలి. అభ్యర్థుల ప్రక టనతో పార్టీలో జోరు పెరిగింది… క్షేత్రస్థాయిలో జోష్ వచ్చిందని చంద్రబాబు చెప్పారు.
పనితీరు బాగాలేకుంటే మార్చేస్తాం
టిక్కెట్ పొందిన నేతల పనితీరుపై చివరి నిమిషం వరకు సమీక్షిస్తాం. ప్రజల్లో లేకపోయినా, మంచిపేరు తెచ్చుకోకపోయినా మార్చడానికి వెనుకాడను. రా.. కదలి రా, శంఖారావం కార్యక్రమాలు సూపర్ హిట్ అయ్యాయి. కార్యకర్తల్లో నమ్మకం నింపాయి. ప్రజలను చైతన్య పరిచాయి. ప్రభుత్వంపై ప్రజా తిరుగుబాటుకు బాటలు వేశాయి. నిజం గెలవాలి కార్యక్రమం ద్వారా భువనేశ్వరి బాధిత కార్యకర్తల కుటుంబాలకు అండగా నిలుస్తున్నారు. ఇప్పటికి 149మంది బాధిత కుటుంబా లకు భువనేశ్వరి ఆర్థిక సాయం అందించారు. ప్రతి బాధిత కుటుంబాన్ని ఆదుకునే వరకూ నిజం గెలవాలి కార్యక్రమం కొనసాగుతుందని చంద్రబాబు స్పష్టం చేశారు.
కొత్త చరిత్ర సృష్టించాలి
చిలకలూరిపేటలో 17వ తేదీ జరిగే సభకొత్త చరిత్ర సృష్టించాలి. ప్రజల భాగస్వామ్యంతో కనీవినీ ఎరగని రీతిలో సభను సక్సెస్ చేసి సత్తా చాటాలి. విధ్వంస పాలనలో శిథిóలంగా మారిన రాష్ట్రాన్ని నిల బెట్టడంలో తొలి అడుగే ఉమ్మడి సభ. ప్రధాని పాల్గొనే సభను ప్రతిష్టాత్మకంగా తీసుకోవాలని ప్రతి ఒక్కరిని కోరుతు న్నా. రాష్ట్రాన్ని కాపాడుకునేందుకు మూడు పార్టీలు చేస్తున్న ప్రయత్నానికి ప్రతి పౌరుడు మద్దతుగా నిల వాలని కోరుతున్నానని చంద్రబాబు అన్నారు.
అక్రమాలనే నమ్ముకున్న జగన్
జగన్ జనాన్ని నమ్ముకోలేదు… పోలింగ్లో అక్రమా లనే నమ్ముకున్నాడు. పార్టీ నేతలు, అభ్యర్థులు ప్రతి అంశాన్ని ఎన్నికల కమిషన్ దృష్టికి తేవాలి. ప్రతి అభ్యర్థి ఒక న్యాయవాదిని నియమించుకుని ప్రభుత్వ కుట్రలను తిప్పి కొట్టాలి. ఎన్నికల షెడ్యూల్ వచ్చిన తరువాత వైసీపీ ఆగడాలు… తప్పుడు అధికారుల ఆటలు సాగవు. ఇప్పటికే ఆర్టీసీ అధికారులు బస్సులు ఇచ్చేందుకు అంగీకరించారు…అధికారులు అంతా ఆలోచించుకోవాలి. మాకు మద్దతుగా ఉండమని కోర డం లేదు… చట్టబద్దంగా పని చేయమని కోరుతున్నా మని చంద్రబాబు స్పష్టం చేశారు.
పోలింగ్ ముగిసేవరకు విశ్రమించొద్దు
ప్రజలు మూడు పార్టీల పొత్తును స్వాగతిస్తున్నారు. వారికి నాయకత్వాన్ని ఇచ్చి ఓట్లు వేయించుకోవాల్సిన బాధ్యత మనపై ఉంది. పోలింగ్ ముగిసే రోజు వరకు ఏ కార్యకర్తా… ఏ నాయకుడు విశ్రమించవద్దు… టీడీపీ, బీజేపీ, జనసేన గెలుపు ఇప్పుడు చారిత్రక అవసరం అని చంద్రబాబు స్పష్టం చేశారు. కాగా ఈ టెలికాన్ఫరెన్స్లో క్లస్టర్, యూనిట్, బూత్ లెవల్ వరకు 56 వేల మంది పార్టీ యంత్రాంగం పాల్గొన్నారు. సూపర్ సిక్స్ డోర్ టు డోర్ ప్రచారంలో పనితీరు కనబరిచిన వారిని ఈ సందర్భంగా చంద్రబాబు నాయుడు ప్రత్యేకంగా అభినందించారు.
