నరసరావుపేట: మిసైల్ మ్యాన్ డా.ఏపీజే అబ్దుల్ కలాం మహోన్నత వ్యక్తి అని నరసరావుపేట నియోజకవర్గం తెలుగుదేశం పార్టీ ఇంఛార్జ్ డా.చదలవాడ అరవింద బాబు అన్నారు. నరసరావుపేట తెలుగుదేశం పార్టీ కార్యాలయంలో డాక్టర్‌ ఏపీజే అబ్దుల్ కలాం 8వ వర్ధంతి ఘనంగా నిర్వహించారు. డా.చదలవాడ అరవింద బాబు, టీడీపీ రాష్ట్ర కార్యదర్శి గోనుగుంట్ల కోటేశ్వరావు, టీడీపీ నాయకులు, తదితరులు కలాం చిత్రపటానికి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ భారతదేశ గొప్పతనాన్ని ప్రపంచ దేశాలకు చాటి చెప్పిన మహోన్నత వ్యక్తి డాక్టర్‌ ఏపీజే అబ్దుల్ కలాం అని కొనియాడారు. ఆయనను ఆదర్శంగా తీసుకొని యువత ముందుకు సాగాలని సూచించారు.ఈ కార్యక్రమంలో టీడీపీ నాయకులు మన్నన్ షరీఫ్, మీరావలి, మాబు, బడే బాబు, కొవ్వూరి బాబు, ఉమ్మర్, పెరికాల రాయప్ప, కొర్నేపాటి సంజీవరావు, చితిరాల బాలు, మదిన రసూల్, బాషా, రఫీ, నాగూర్, రమేష్, వంశీ తదితరులు పాల్గొన్నారు.
దేశంలోనే మహోన్నత వ్యక్తి అబ్దుల్ కలాం
నరసరావుపేట నియోజకవర్గ టీడీపీ ఇంఛార్జ్ డా.చదలవాడ
