మరో ప్రభుత్వ పథకం పేరు మార్పు

• ‘జగనన్న శాశ్వత భూ హక్కు-భూ రక్షణ పథకం’ పేరు మారింది
• ‘ఏపీ రీ సర్వే ప్రాజెక్టు’గా మారుస్తూ రెవెన్యూ శాఖ ఉత్తర్వులు

అమరావతి(చైతన్యరథం): ఏపీలో ఇంతకుముందు వైసీపీ ప్రభుత్వం తీసుకువచ్చిన పలు పథకాల పేర్లను కూటమి ప్రభుత్వం ఇప్పటికే మార్చిన విషయం తెలిసిందే. ఇదే కోవలో ఇప్పుడు మరో పథకం పేరును మార్చింది. జగన్‌ సర్కార్‌ అమలు చేసిన ‘జగనన్న శాశ్వత భూ హక్కు-భూ రక్షణ’ పథకం పేరును ‘ఏపీ రీ సర్వే ప్రాజెక్టు’గా మార్పు చేస్తూ నిర్ణయం తీసుకుంది. ఈ మేరకు తాజాగా రెవెన్యూ శాఖ ఉత్తర్వులు జారీ చేసింది.
కాగా, ఈ స్కీమ్‌ను గ్రామాల్లో భూవివాదాలు, తగాదాలు లేకుండా చేయాలనే ఉద్దేశంతో తీసుకువచ్చామని అప్పట్లో జగన్‌ ప్రభుత్వం పేర్కొంది. దీనిలో భాగంగా భూముల సమగ్ర రీ సర్వే చేపట్టారు. కానీ, ఈ పథకం ఆచరణలోకి వచ్చేసరికి భారీ ఎత్తున అవకతవకలు చోటు చేసుకున్నట్టు ఆరోపణలు వెల్లువెత్తాయి. దీంతో బాధితులు ‘శాశ్వత భూ హక్కు-భూ రక్షణ’ పథకంపై ఆగ్రహం వ్యక్తం చేశారు.
ఈ నేపథ్యంలో, ఈ స్కీమ్‌ అమలు తీరును అప్పటి ప్రతిపక్షం టీడీపీ తీవ్రంగా ఖండిరచింది. తాము అధికారంలోకి వస్తే ఈ స్కీమ్‌ను పూర్తిగా ప్రక్షాళన చేస్తామని పార్టీ అధినేత చంద్రబాబు నాయుడు అన్నారు. ప్రస్తుతం రాష్ట్రంలో కూటమి ప్రభుత్వం అధికారంలోకి రావడంతో ‘శాశ్వత భూ హక్కు-భూ రక్షణ పథకం’ పేరును మారుస్తూ ఉత్తర్వులు జారీ అయ్యాయి.
`