విజయవాద: స్కిల్‌ కేసులో టీడీపీ అధినేత చంద్రబాబుకు ఏపీ హైకోర్టు మధ్యంతర బెయిల్‌ మంజూరు చేయడంపై ఏపీ బీజేపీ అధ్యక్షురాలు పురంధేశ్వరి సంతోషం వ్యక్తం చేశారు. చంద్రబాబుకు బెయిల్‌ రావడాన్ని స్వాగతిస్తున్నామని చెప్పారు. చంద్రబాబును అరెస్ట్‌ చేసిన విధానాన్ని తాము ముందు నుంచి తప్పుపడుతున్నామని… నోటీసులు ఇవ్వకుండా, విచారణ జర పకుండానే ఆయనను అరెస్ట్‌చేశారని విమర్శించారు. ఎఫ్‌ఐఆర్‌ లో పేరు లేకుండానే ఎలా అరెస్ట్‌ చేస్తారని విమర్శించారు. బాబుకు బెయిల్‌ రావడం మంచి పరిణామమని చెప్పారు. మరోవైపు వైసీపీ ప్రభుత్వంపై పురంధేశ్వరి విమర్శలు గుప్పిం చారు. నాణ్యత లేని మద్యాన్ని అమ్ముతూ, ప్రజల ఆరోగ్యాన్ని రాష్ట్ర ప్రభుత్వం నాశనం చేస్తోందని మండిపడ్డారు. మద్యం అమ్మకాల ద్వారా జేబులు నింపుకోవడమే ప్రభుత్వ లక్ష్యమని దుయ్యబట్టారు.
చంద్రబాబుకు బెయిల్‌ రావడం మంచి పరిణామం: పురంధేశ్వరి
ఆయన అరెస్ట్‌ను తాము ముందు నుంచీ తప్పుపడుతున్నామని వ్యాఖ్య
