హైదరాబాద్‌ : సామాజిక విప్లవకారుడు మహాత్మా జ్యోతిబా పూలే వర్థంతి సందర్భంగా ఆయన చిత్రపటానికి తెలుగు దేశంపార్టీ అధినేత నారా చంద్రబాబునాయుడు హైద రాబాద్‌లోని ఆయననివాసంలో పూలమాలవేసి ఘనం గా నివాళులర్పించారు. అణగారిన వర్గాల కోసం అహరహం పాటుపడిన పూలే నేటితరం యువతకు ఆదర్శంగా నిలుస్తారని కొనియాడారు.
లోకేష్‌ నివాళులు
సామాజిక విప్లకారుడు, అణగారిన వర్గాల ఆశా జ్యోతి జ్యోతిబా ఫూలే వర్థంతి సందర్భంగా ఆయన చిత్రపటానికి యువనేత నారా లోకేష్‌ ఘనంగా నివా ళులర్పించారు. తన జీవితమంతా అణగారిన వర్గాల అభ్యున్నతికి అంకితంచేసిన మహనీయుడు ఫూలే. సమాజంలో నిరక్షరాస్యత, మూఢ విశ్వాసాలు, అంట రానితనంపై అలుపెరుగని పోరాటంసాగించారు. మహిళోద్ధరణకి ఉద్యమించిన ఫూలే మహాశయుని ఆశ యసాధనకి కృషి చేయడమే ఆయనకి మనం ఇచ్చే ఘననివాళి అని అన్నారు.
