మాజీ ముఖ్యమంత్రి నారా చంద్రబాబు పర్యటన విజయవంతం చేసినందుకు మాజీ మంత్రి పత్తిపాటి పుల్లారావు పుల్లారావు పల్నాడు జిల్లా ప్రాంత టిడిపి శ్రేణులకు, నాయకులకు ఆయన ప్రత్యేకమైన ధన్యవాదాలు తెలియజేశారు. శుక్రవారం ఆయన పాత్రికేయులతో మాట్లాడుతూ చంద్రబాబుకు అన్ని వర్గాల ప్రజలు అడుగడుగునా హర్షద్వానాలతో స్వాగతం పలికారని, మహిళా మణులు సైతం పెద్ద సంఖ్యలో తరలివచ్చారని, ఆయా సమస్యలు చెప్పుకునేందుకు చంద్రబాబు దగ్గరికి రావడం గొప్ప విశేషం అని ఆయన పేర్కొన్నారు.
చంద్రబాబు ప్రసంగం వినేందుకు అర్ధరాత్రులు దాగా సమయం కేటాయించడం చంద్రబాబుపై అమితమైన ప్రేమ, గౌరవం, నమ్మకం అన్నారు. ముసలివాడని తండ్రి స్థానంలో ఉన్న చంద్రబాబును అవహేళన చేయడం సీఎం జగన్మోహన్‌ రెడ్డి పరాకాష్టకు నిదర్శనం అన్నారు. ఎన్నికలు ఎప్పుడు జరిగిన గెలిచేది టిడిపి ప్రభుత్వమే అన్నారు.
