తిరుపతి : టీడీపీ జాతీయ అధ్యక్షుడు నారా చంద్రబాబు నాయుడు శుక్రవారం ఉదయం కుటుంబ సభ్యులతో కలిసి తిరుమల శ్రీవేంకటేశ్వర స్వామిని దర్శించుకోనున్నారు. తిరుమల శ్రీవారి దర్శనం కోసం వచ్చిన చంద్రబాబు నాయుడుకి గురువారం రేణిగుంట ఎయిర్‌ పోర్ట్‌లో ఘనస్వాగతం పలికిన పార్టీ నేతలు, కార్యకర్తలు. టీడీపీ అధినేత రాకతో విమానాశ్రయం వద్ద భారీ కోలాహలం నెలకొంది. శ్రీవారి దర్శనం అనంతరం తిరుమల నుంచి బయలుదేరి మధ్యాహ్నం గన్నవరం విమానాశ్రయానికి చేరుకుని ఉండవల్లిలోని తన నివాసానికి వెళతారు. డిసెంబర్‌ 2వ తేదీన విజయవాడలో ఇంద్రకీలాద్రిపై కొలువైఉన్న కనకదుర్గ అమ్మవారిని దర్శించుకుంటారు. 3వ తేదీన విశాఖ వెళ్లి సింహాచలం అప్పన్న స్వామి దర్శనం చేసుకుంటారు. అదే విధంగా ఈ నెల 5వ తేదీన శ్రీశైలం వెళ్లి మల్లన్న స్వామిని దర్శించుకుంటారు.
