నేడు పల్నాడులో చంద్రబాబు పర్యటన

అమరావతి (చైతన్యరథం): టీడీపీ అధినేత చంద్రబాబు శనివారం పల్నాడు జిల్లా పెదకూరపాడు, సత్తెనపల్లి నియోజకవర్గాల్లో ప్రజాగళం సభల్లో పాల్గొంటారు. శుక్రవారం రాత్రి పశ్చిమగోదావరి జిల్లా పాలకొల్లు పట్టణంలో బసచేసిన చంద్రబాబు శనివారం 10.30 నుంచి మధ్యాహ్నం ఒంటిగంట వరకు స్థానికంగా పార్టీ నాయకులతో సమావేశమవుతారు. భోజన విరామం అనంతరం పాలకొల్లు నుండి హెలికాప్టర్‌లో బయలుదేరి మధ్యాహ్నం 3 గంటలకు పెదకూరపాడు నియోజకవర్గం క్రోసూరు చేరుకుంటారు. మధ్యాహ్నం 3.30 నుండి సాయంత్రం 5 గంటల వరకు క్రోసూరులోని ఎన్టీఆర్‌ విగ్రహం వద్ద జరిగే ప్రజాగళం సభలో చంద్రబాబు పాల్గొంటారు. అక్కడ నుండి రోడ్డు మార్గాన బయలుదేరి సత్తెనపల్లి చేరుకుంటారు. సాయంత్రం 6 గంటల నుండి రాత్రి 7.30 వరకు సత్తెనపల్లి బస్టాండ్‌ సెంటర్‌లో జరిగే ప్రజాగళం సభలో పాల్గొంటారు. రాత్రికి సత్తెనపల్లిలోనే బసచేస్తారు.