ఉండవల్లి (చైతన్యరథం): ముఖ్యమంత్రి నారా చంద్రబాబు నాయుడు పెద్ద మనసు చూపించుకున్నారు. కాన్వాయ్‌ ఆపి మరీ సామాన్య ప్రజలను కలిసి వినతులు స్వీకరించారు. ఉండవల్లిలోని తన నివాసం నుంచి శుక్రవారం సచివాలయానికి వెళుతున్న సమయంలో కరకట్టపై ఉన్న ప్రజలను చూసి తన కాన్వాయ్‌ను ఆపారు. సమస్యలపై వినతులు అందించేందుకు వచ్చిన ప్రజలను పిలిచి మాట్లాడారు. వివిధ జిల్లాల నుంచి వచ్చిన పలువురు తమ సమస్యలు చెప్పుకున్నారు. అనంతరం వారి నుండి వినతిపత్రాలు తీసుకున్నారు. సమస్యలను పరిష్కరిస్తానని సీఎం చంద్రబాబు నాయుడు స్వయంగా కారుదిగి వచ్చి హామీ ఇవ్వడంతో బాధితులు సంతోషం వ్యక్తం చేశారు.
సీఎం చంద్రబాబు పెద్దమనసు
కాన్వాయ్‌ ఆపి వినతులు స్వీకరణ
