హైదరాబాద్‌: వైసీపీ రౌడీమూకల దాడిలో తీవ్రం గా గాయపడిన టిడిపి రాష్ట్ర కార్యదర్శి చెన్నుపాటి గాంధీని హైదరాబాద్‌లో టిడిపి జాతీయ ప్రధాన కార్య దర్శి నారా లోకేష్‌ పరామర్శించారు. కంటికి జరుగుతున్న చికిత్స గురించి ఆరా తీశారు. అన్ని విధాలా పార్టీ అండగా వుంటుందని లోకేష్‌ హామీ ఇచ్చారు. అధైర్యపడొద్దని త్వరగా కోలుకుంటారని ఆకాంక్షించారు. మీకు అండగా 60లక్షల మంది కార్యకర్తలు ఉన్నారని భరోసాని ఇచ్చారు. మీపై దాడిచేసిన వారిని వదిలే ప్రసక్తిలేదు. ఈ సంఘటనలో ఉన్నవారు ఎంతటివారైనా న్యాయస్థానం ముందు దోషులుగా నిలబెడతామని లోకేష్‌ పేర్కొన్నారు.
నేడు కావలిలో లోకేష్‌ పర్యటన
అమరావతి: నెల్లూరు జిల్లా కావలి నియోజక వర్గంలో టిడిపి జాతీయప్రధాన కార్యదర్శి నారా లోకేష్‌ బుధవారం పర్యటించ నున్నారు. మధ్యాహ్నం 2 గంటలకు కావలి నియోజకవర్గం ముసునూరు గ్రామంలో వైసిపినేతల వేధింపులతో ఆత్మహత్య చేసుకున్న దళిత యువకుడు కరుణాకర్‌ చిత్రపటానికి నివాళులర్పించి కుటుంబసభ్యులను పరామర్శిస్తారు.
