- ఉగాది రోజు సీఎం చంద్రబాబు కీలక నిర్ణయం
- రూ.38 కోట్ల సహాయ నిధి ఫైలుపై సీఎం సంతకం
- 3,456 మంది పేదలకు లబ్ధి
- ఇప్పటివరకు సీఎంఆర్‌ఎఫ్‌ ద్వారా రూ.281 కోట్లు విడుదల
అమరావతి (చైతన్యరథం): తెలుగు సంవత్సరాది తొలిరోజు ఉగాది సందర్భంగా పేదల జీవితాల్లో వెలుగు నింపేలా సీఎం చంద్రబాబు కీలక నిర్ణయం తీసుకున్నారు. పేదల ఆరోగ్య సంరక్షణకు సాయం అందించేలా, వైద్యం చేయించుకుని ఆర్థికంగా ఇబ్బందుల్లో ఉన్న పేద కుటుంబాలను ఆదుకునేందుకు సీఎం సహాయ నిధి (సీఎంఆర్‌ఎఫ్‌) ఫైలుపై తెలుగు కొత్త సంవత్సరంలో తొలి సంతకం చేశారు. సీఎంఆర్‌ఎఫ్‌ ద్వారా రూ.38 కోట్లు విడుదలకు ఆమోదం తెలిపారు. దీంతో 3,456 మంది పేదలకు లబ్ధి కలుగనుంది. కూటమి ప్రభుత్వం అధికారంలోకి వచ్చాక ముఖ్యమంత్రి సహాయ నిధి ద్వారా ఇప్పటివరకు 23,418 మంది పేదలకు రూ.281.38 కోట్లను ప్రభుత్వం అందించింది.
