- కార్యకర్తల కుటుంబాలకు భువనేశ్వరి భరోసా
- రూ. 3 లక్షల చొప్పున ఆర్థిక సాయం అందజేత
- యలమంచిలి నియోజకవర్గంలో నిజం గెలవాలి
యలమంచిలి(చైతన్యరథం): టీడీపీ అధినేత చంద్రబాబు కోసం ప్రాణాలు సైతం లెక్కచేయకుండా పని చేసే కార్యకర్తలకు ఎల్లవేళలా,అన్ని విధాలుగా అండగా ఉంటామని ఆయన సతీమణి నారా భువనేశ్వరి స్పష్టం చేశారు. సొంత కుటుంబాల కన్నా పార్టీనే మిన్నగా భావించే కార్యకర్తలుండటం టీడీపీ అదృష్టమన్నారు. అలాంటి కార్యకర్తల కుటుంబాలు ఇబ్బందుల్లో ఉంటే ఆదుకోవటం తమ కర్తవ్యంగా భావిస్తున్నానన్నారు. స్కిల్‌ డెవలప్‌మెంట్‌ కేసులో టీడీపీ అధినేత చంద్ర బాబు అక్రమ అరెస్ట్‌ను తట్టుకోలేక మనస్తాపానికి గురై మృతి చెందిన పార్టీ కార్యకర్తల కుటుంబాలను ఓదార్చి, ధైర్యం చెప్పేందుకు భువనేశ్వరి నిజం గెలవాలి పేరుతో రాష్ట్ర వ్యాప్తంగా పర్యటిస్తున్న విషయం తెలిసిందే. ఈ కార్యక్రమంలో భాగంగా శుక్రవారం అనకాపల్లి పార్ల మెంటు పరిధిలోని యలమంచిలి నియోజకవర్గంలో ముగ్గురు కార్యకర్తల కుటుంబాలను భువనేశ్వరి పరా మర్శించారు. మృతి చెందిన కార్య కర్తల చిత్రపటాలకు నివాళులర్పించి, కుటుంబసభ్యులను ఓదార్చి, దైర్యం చెప్పారు. ఆయా కుటుంబాలను పరామర్శించటంతో పాటు,ఒక్కో కుటుంబానికి రూ.3 లక్షల చొప్పున అర్థిక సాయం అందించారు.
భువనేశ్వరి తొలుత యలమంచిలి నియోజకవర్గం, మునగపాక మండలం, కాకర్లపల్లి గ్రామంలో గత ఏడాది అక్టోబర్‌ 4వ తేదీన గుండెపోటుతో మృతిచెం దిన వస అప్పారావు కుటుంబాన్ని పరామర్శించారు. తరువాత అదే మండలం, గవర్ల అనకాపల్లి గ్రామంలో గత ఏడాది అక్టోబర్‌ 1వ తేదీన గుండెపోటుతో మృతి చెందిన మతుర్తి వెంకటరావు కుటుంబాన్ని పరామర్శిం చారు. చివరగా అదే గ్రామంలో గత ఏడాది సెప్టెంబర్‌ 26న గుండెపోటుతో మృతిచెందిన పెంటకోట వెంకటరమణ కుటుంబాన్ని భేవనేశ్వరి పరామర్శించారు.
