అమరావతి: టీడీపీ జాతీయ అధ్యక్షులు నారా చంద్రబాబునాయుడు సమక్షంలో వివిధ నియోజకవర్గాలకు చెందిన నేతలు టీడీపీలో చేరారు. పార్టీ జాతీయ కార్యాల యంలో గురువారం రైల్వేకోడూరు వైసీపీ నేత ముక్కా రూపానందరెడ్డి, చీపురుపల్లి మాజీ ఎమ్మెల్యే గద్దెబాబురావు, శ్రీకాకుళం నకు చెందిన రెడ్డి చిరంజీవి, కదిరికి చెం దిన పీ.వీ.పవన్‌కుమార్‌రెడ్డి, మడకశిరకు చెందిన యం.వీ రమేష్‌రెడ్డి, తదితరులు టీడీపీ తీర్థం పుచుకున్నారు. వీరికి చంద్ర బాబునాయుడు పార్టీ కండువాలు కప్పి సాదరంగా ఆహ్వానించారు.దానికి ముందు ఎన్టీఆర్‌ వర్ధంతి సందర్భంగా పార్టీ కార్యాల యంలో నేతలతో కలిసి ఆయన విగ్రహానికి ఘన నివాళులర్పించారు. అనంతరం ఎన్టీ ఆర్‌ ట్రస్టు ఆధ్వర్యంలో ఏర్పాటు చేసిన రక్త దాన శిబిరాన్ని సందర్శించి రక్త దాతలను అభినందించారు.
ఈ కార్యక్రమంలో టీడీపీ రాష్ట అధ్యక్షుడు కింజరాపు అచ్చెన్నాయుడు, ఎంపీలు కనకమేడల రవీంద్రకుమార్‌, రామ్మోహన్‌నాయుడు, పొలిట్‌ బ్యూర్‌ సభ్యులు యనమల రామకృష్ణుడు, ఎంఏ. షరీఫ్‌, కళావెంకట్రావు, ఎమ్మెల్యే ఉండవల్లి శ్రీదేవి, ఎమ్మెల్సీలు పరుచూరి అశోక్‌బాబు, పంచుమర్తి అనురాధ, భూమిరెడ్డి రాంగోపాల్‌రెడ్డి, పార్టీ నేతలు గుండారపు లక్ష్మీదేవి, బత్యాల చెంగల్‌రాయుడు, తదితరులు పాల్గొన్నారు.
చంద్రబాబునాయుడు సమక్షంలో పార్టీలో చేరికలు
ఎన్టీఆర్‌ వర్ధంతి సందర్భంగా టీడీపీ జాతీయ కార్యాలయంలో నేతల ఘన నివాళి
