- కొత్త సంవత్సరం..కొత్త ఆలోచనలతో సాగుదాం
- 2025 అతిపెద్ద మార్పునకు గేమ్ చేంజర్ కావాలి
- పేదల జీవన ప్రమాణాలు పెంచేలా పనిచేయాలి
- నూతనత్వం, సాంకేతికతతో అద్భుత ఫలితాలు
- ప్రభుత్వంపై నమ్మకంతో పెట్టుబడులు వస్తున్నాయి
- పేదల జీవితాలను మార్చేలా సంస్కరణలు ఉండాలి
- ప్రజల ఆకాంక్షలను నెరవేర్చేలా నిర్ణయాలు చేద్దాం
- స్మార్ట్ వర్క్ చేయండి..సాంకేతికను జోడిరచండి
- స్వర్ణాంధ్ర విజన్ లక్ష్యాల సాధనకు కృషిచేయాలి
- బనకచర్ల ప్రాజెక్టు రాష్ట్ర దశ దిశ మారుస్తుంది
- సచివాలయంలో ముఖ్య అధికారులతో చంద్రబాబు
- ఆలోచనలు, ప్రాధాన్యతలు, లక్ష్యాలు వివరించిన సీఎం
అమరావతి(చైతన్యరథం): కొత్త సంవత్సరం సందర్భంగా ముఖ్యమంత్రి చంద్రబాబు బుధవారం సచివాలయంలో అధికారులతో కొద్ది సేపు ముచ్చటించారు. ఈ సమావేశాని కి సీఎస్, డీజీపీ, సీఎంవో అధికారులతో పాటు ఆయా శాఖల ముఖ్యకార్యదర్శులు హాజ రయ్యారు. రోజువారీ సమీక్షలకు భిన్నంగా జరిగిన మాటామంతీలో తన ఆలోచనలు, ప్రభు త్వ ప్రాధాన్యతలు, లక్ష్యాలు వివరించిన సీఎం…ఆ అంశాలపై అధికారుల అభిప్రాయాలు తెలుసుకున్నారు. కొత్త సంవత్సరం కొత్త ఉత్సాహంతో పనిచేద్దాం ఒక టీంగా కలిసి పని చేద్దాం.. ప్రజల జీవితాలు మారుద్దామని తన ఆలోచనలను పంచుకు న్నారు. పేదల జీవన ప్రమాణాలు పెంచేలా సంస్కరణలు అమలు చేయాల్సిన అవసరం ఉందన్న ఆయన మార్పు తేవాలనే సంకల్పానికి నూతనత్వం, సాంకేతికత జోడిస్తే శాఖ ల్లో అద్భుత ఫలితాలు సాధించవచ్చని సూచించారు. ముందుగా అధికారులకు, వారి శాఖలలో పనిచేసే ఉద్యోగులకు నూతన సంవత్సర శుభాకాంక్షలు తెలిపారు. కొత్త సంవత్సరం కొత్త ఉత్సాహంతో ఒక పాజిటివ్ ఎనర్జీతో పనిచేస్తే మంచి ఫలితాలు వస్తాయని సూచించారు. ఈ సందర్భంగా వివిధ ప్రభుత్వ పాలసీలకు సంబంధించి తన అనుభవాలను గుర్తు చేసి వారికి సూచనలు చేశారు. 2025 సంవత్సరం లక్ష్యాలు ఏమి టి, పనితీరు ఎలా ఉండాలనేది వారికి వివరించి కార్యాచరణ అమలు చేయాలని సూచిం చారు. ప్రతి శాఖలో కూడా ఫలితాలు సాధించేలా పని జరగాలని అభిప్రాయపడ్డారు.
సంస్కరణలు పేదలకు వ్యతిరేకం కాదు
ఉమ్మడి రాష్ట్రంలో ఉన్న సమయంలో సంస్కరణలు అంటే పేదలకు వ్యతిరేకం అనే ప్రచారం ఉండేది. కానీ నాడు ధైర్యంగా సంస్కరణలు అమలు చేశాం. వెనుకడుగు వేయ కుండా కొత్త పాలసీలు తీసుకువచ్చి అమలు చేశాం. సంస్కరణలు పేదలకు వ్యతిరేకం కాదు.. పేదల జీవితాలు మార్చేవి అని నాడు తీసుకున్న నిర్ణయాలు నిరూపించాయి. అందుకే పేదల జీవితాలను మార్చే సంస్కరణల అమలులో ఎప్పుడూ చొరవ చూపు తాను. వాజ్పేయి ప్రధానిగా ఉన్న సమయంలో రాష్ట్రంలో కూడా సంస్కరణలు మొదలు పెట్టాం. నేషనల్ హైవేల విషయంలో నాడు తీసుకున్న నిర్ణయంతో స్వర్ణచతుర్భుజి రోడ్లు వచ్చాయి. ఓపెన్ స్కై పాలసీ వల్ల విమానయాన రంగంలో అనూహ్య మార్పులు వచ్చా యి. పీపీపీ విధానం వల్ల సంపద సృష్టి జరిగింది. ఉద్యోగ, ఉపాధి అవకాశాలు లభిం చాయి. నాడు హైదరాబాద్లో చేసిన ప్రతి అభివృద్ధి నేడు అద్భుత ఫలితాలను ఇస్తోంది. ఆయా నిర్ణయాల సమయంలో తాను ఎదుర్కొన్న విమర్శలను కూడా గుర్తుచేసుకున్నారు. అయినా సరే మంచి సంకల్పంతో తీసుకున్న నిర్ణయాల వల్ల ఫలితాలు వచ్చాయని తెలిపారు.
2019లో కొనసాగి ఉంటే…
విభజన తరువాత మళ్లీ ఏపీలో పెద్దఎత్తున అభివృద్ది, సంక్షేమ కార్యక్రమాలు చేప ట్టాం. 2019లో ప్రభుత్వం కొనసాగి ఉంటే రాష్ట్రం ఎంతో పురోగతి సాధించేది. రాష్ట్రాల అభివృద్దిలో సుస్థిర ప్రభుత్వం అనేది కూడా ముఖ్యం. అప్పుడే అనుకున్న విధంగా ప్రాజె క్టులు పూర్తి అవుతాయి. ప్రజలకు మేలు జరుగుతుంది. 2024 ఎన్నికల్లో ప్రజలు తిరుగు లేని తీర్పు నిచ్చారు. ప్రభుత్వంపై అనేక ఆశలు, ఆకాంక్షలు ఉన్నాయి. వీటిని నెరవేర్చే క్రమంలో అనేక నిర్ణయాలు తీసుకున్నాం. పథకాలు, అభివృద్ధి కార్యక్రమాలు, పాలసీలు తెచ్చాం. ప్రభుత్వంపై నమ్మకంతో పెట్టుబడులు వస్తున్నాయి. ఇది మంచి పరిణామం. మనకున్న పేరుతో, కొత్తపాలసీతో మళ్లీ పెట్టుబడులు వస్తున్నాయి. ఒకప్పుడు ఈజ్ ఆఫ్ డూయింగ్ బిజెనెస్ అన్నాం…ఇప్పుడు స్పీడ్ ఆఫ్ డూయింగ్ బిజెనెస్ అంటున్నాం. దీనికి అనుగుణంగా సమస్త అధికార యంత్రాంగం పనిచేయాలని సూచించారు.
వేగంగా నిర్ణయాలు..తొందరగా ఫలితాలు
రాష్ట్రం ఉన్న పరిస్థితుల నేపథ్యంలో వేగంగా నిర్ణయాలు తీసుకోవాలి. తొందరగా ఫలితాలు రాబట్టాలి. టెక్నాలజీ సాయంతో చాలా మంచి ఫలితాలు వస్తాయి. ప్రతి శాఖ లో టెక్నాలజీ వాడకాన్ని పెంచాలి. రానున్న రోజుల్లో 150 సర్వీసులు వాట్సాప్ ద్వారా ఇవ్వనున్నాం. దీనికి సమాయత్తం కావాలి. ఆధార్ను సమర్థవంతంగా ఉపయోగిస్తాం. ప్రతి ఇల్లు జియో ట్యాగ్ చేస్తాం. పింఛన్లు ఇంటి వద్దనే ఇచ్చారా లేదా అనేది రియల్ టైంలో తెలిసిపోతుంది. ఆర్టిఫిషియల్ ఇంటిలిజెన్స్, సీసీ కెమేరాలు, డ్రోన్లు, రియల్ టైం డాటాను సమర్థవంతంగా వినియోగిస్తే అద్భుతాలు సృష్టించవచ్చు. రెవెన్యూ శాఖలో చాలా సమస్యలున్నాయి. వీటన్నింటికి పరిష్కారం చూపాలి. రాత్రింబవళ్లు పనిచేయాల్సిన అవసరం లేదు. స్మార్ట్ వర్క్ చేయండి. టెక్నాలజీని వాడండి కచ్చితంగా ఫలితాలు వస్తాయి అని తెలిపారు.
విజన్ 2047 లక్ష్యాల సాధనకు కృషి
ప్రజలకు ఐదేళ్ల కాలంలో ఏం చేయాలి అని మాత్రమే కాదు… భవిష్యత్ అవసరా లను గుర్తించి విజన్ 2047ను తీసువచ్చాం. ఇందులో పేర్కొన్న 10 లక్ష్యాలను సాధిం చేందుకు అధికారులు కృషిచేయాలి. అన్ని కార్యక్రమాలకు డబ్బుతోనే కాదు… కొత్త ఆలోచనలతో కొత్త మార్గాల్లో ప్రయాణం చేయాలి. మంచి చేయాలనే తపన, ఆలోచన ఉంటే చాలా అంశాల్లో ప్రజలకు మేలు చేయవచ్చు. 2025 సంవత్సరం ఆ తరహా ఆలో చనలకు వేదిక కావాలని కోరుకుంటున్నా. 2025 గేమ్ చేంజర్లో కీలకం కావాలి. అతిపెద్ద మార్పుకు ఈ ఏడాదిలో నాంది పడాలి. రూ.80 వేల కోట్లతో గోదావరి నీళ్లు బనకచర్లకు సాధ్యమా అని అడుగుతున్నారు. అర్థికంగా అతి పెద్ద ప్రాజెక్ట్.. అయినా సరే దీన్ని చేపట్టాలి. ఇది రాష్ట్ర దశ దిశ మారుస్తుంది. ఇప్పుడు చేపట్టకపోతే ఈ ప్రాజెక్టును ఇక ఎప్పటికీ చేపట్టలేం. ఇవన్నీ ప్రజల జీవితాల్లో నేరుగా మార్పులు తెచ్చే కార్యక్రమా లు అని తెలిపారు.
మార్పు, వేగం, పాలనలో కొత్త పుంతలు
నేను మీ నుంచి వినూత్న ఆలోచనలు కోరుకుంటున్నా. 1995లో మా దగ్గర డబ్బు లేదు. కానీ ఆలోచనలతో మార్పు తెచ్చాం. అధికారులు సరికొత్త ఆలోచనలతో పనిచేస్తే ఫలితాలు వస్తాయి. కలిసి సమష్టిగా, వేగంగా అడుగులు వేద్దాం. మనం ఎంత వేగంగా, సమర్థవంతంగా పనిచేస్తే అంత త్వరగా ఫలితాలు వస్తాయి. ఈ సందర్భంగా పాలనా అంశాలపై అధికారులు కొందరు తమ అభిప్రాయాలు చెప్పారు. అతి పెద్ద పెట్టుబడులు పెట్టే సంస్థల కార్యకలాపాలు వేగంగా కార్యరూపం దాల్చడం కోసం ఒక సీనియర్ ఐఏఎస్ అధికారిని నోడల్ ఆఫీసర్గా నియమించాలని సూచించారు. ఈ సూచనను సీఎం స్వాగతించారు. అలాగే ఆయా శాఖలకు సంబంధం ఉన్న పెద్ద పెద్ద సంస్థలు సీఎస్ఆర్ కోసం నిధులు ఖర్చు చేస్తాయని… వాటిని ఒక గొడుగుకిందకు తెచ్చి మంచి ఫలితాలు వచ్చేలా వాటిని ఖర్చు చేసేలా చూడాలని సూచించారు. దీనికి కూడా సీఎం అంగీకారం తెలిపారు. 2025 మార్పునకు, వేగానికి, పాలనను కొత్త పుంతలు తొక్కించ డానికి, ప్రజల సంతృప్తిని పెంచడానికి వేదిక కావాలి. ఆ దిశగా అన్ని స్థాయిల్లో సిబ్బం ది, అధికారులు, పనిచేయాలని సూచించారు.
