అమరావతి: సార్వత్రిక ఎన్నికల ఫలితాల పట్ల టాలీవుడ్‌ సూపర్‌స్టార్‌ మహేష్‌బాబు స్పందించారు. ప్రధాని నరేంద్ర మోదీ, టీడీపీ అధినేత చంద్రబాబు, జనసేనాని పవన్‌ కల్యాణ్‌లకు శుభాకాంక్షలు తెలియజేశారు.
మరోసారి మహత్తర విజయం సాధించారంటూ నరేంద్ర మోదీకి మహేష్ బాబు శుభాభినందనలు తెలియజేశారు. శక్తిమంతమైన, ఉజ్వలమైన భారతదేశాన్ని నిర్మించడంలో మీ విజయ పరంపరను కొనసాగిస్తారని ఆశిస్తున్నాను అంటూ ట్వీట్ చేశారు.
ఏపీ ముఖ్యమంత్రిగా ఘనవిజయం సాధించిన చంద్రబాబుకి హృదయపూర్వక అభినందనలు. అభివృద్ధి, సంక్షేమం వెల్లివిరిసేలా మీ పదవీకాలం విజయవంతం కావాలని కోరుకుంటున్నానంటూ చంద్రబాబును ఉద్దేశించి మరో ట్వీట్ చేశారు.
పవన్‌ కల్యాణ్‌… మీ అద్భుత విజయానికి అభినందనలు. ప్రజలు మీపై ఉంచిన నమ్మకం, విధేయతకు మీ విజయమే నిదర్శనం. ప్రజాసేవ దిశగా మీ కలలు సాకారం కావాలని, మీ పదవీకాలం విజయవంతం అవ్వాలని ఆకాంక్షిస్తున్నానంటూ మహేష్‌బాబు ఎక్స్ లో స్పందించారు.
