- ప్రభుత్వ, ప్రైవేట్‌ వైద్యసేవల్లో లోపాలు సరిదిద్దాలు
- సేవల నాణ్యతకు సిబ్బంది పునరంకితం కావాలి
- ఆరు నెలల అధ్యయనంతో ఫలితాలు సాధించాలి
- ఆరోగ్య, ఆనందాంధ్రప్రదేశ్‌కు ప్రజారోగ్యం ముఖ్యం
అమరావతి(చైతన్యరథం): నూతన సంవత్సర దినోత్సవ సందర్భంగా వైద్యఆరోగ్య మంత్రి సత్యకుమార్‌ యాదవ్‌ ప్రభుత్వ, ప్రైవేట్‌ రంగ వైద్యులు, వైద్య సిబ్బందికి బుధవారం బహిరంగ లేఖ రాశారు. వైద్య సేవల్లో ఎదురవుతున్న లోపాలను తక్షణమే సరిచేసుకుని పనిచేయాలని అందులో పేర్కొన్నారు. తన రెండు పేజీల బహిరంగ లేఖలో ప్రభుత్వ, ప్రైవేట్‌ ఆసుపత్రులకు సంబంధించి ప్రజల మనసుల్లో నెలకొన్న ఆలోచనలు, ఆందోళలను వివరించి వాటిని పరిష్కరించాలని సూచించారు. నూతన సంవత్సర దినో త్సవం సందర్భంగా వైద్యసేవల నాణ్యతను పెంచి ముఖ్యమంత్రి చంద్రబాబు ఇటీవల విడుదల చేసిన స్వర్ణ ఆంధ్రప్రదేశ్-2047 విజన్‌ డాక్యుమెంట్‌ మేరకు ఆరోగ్య, సంప న్న, ఆనంద ఆంధ్రప్రదేశ్ ఆవిష్కరణకు వైద్యులు, ఇతర సిబ్బంది పునరంకితం కావాలని కోరారు. ప్రభుత్వాసుపత్రులకు సంబంధించి ప్రజల్లో నెలకొన్న అభిప్రాయాలు, ఆందోళ నలను వివరిస్తూ రోగులపై వైద్యులు, నర్సింగ్‌ సిబ్బందితో సహా ఇతర వైద్య సిబ్బంది వైఖరి, సకాలంలో రోగులను పరిశీలించడం, నిర్దేశిత పనివేళల్లో వైద్యులు, ఇతర సిబ్బం ది అందుబాటులో ఉండడం, స్పెషలిస్టు..సీనియర్‌ వైద్యులు నిర్దేశించిన విధంగా ఓపీ, ఐపీ సేవలను అందించడం, రోగ నిర్ధారణ పరికరాల పనితీరు, ప్రైవేట్‌ పరీక్షా కేంద్రా లకు రోగులను పంపడం, పరిశుభ్రత వంటి విషయాల్లో లోపాలున్నాయని మంత్రి వివ రించారు.
అయినా ప్రభుత్వాసుపత్రుల్లో రోజురోజుకీ పెరుగుతున్న ఓపీ, ఐపీ రిజిస్ట్రేషన్లు వాటిపై ప్రజలకున్న నమ్మకాన్ని వెల్లడిస్తున్నాయని వ్యాఖ్యానించారు. మంత్రిగా బాధ్యతల ను స్వీకరించినప్పటి నుంచి ప్రభుత్వాసుపత్రుల్లో సమస్యలను పలు మార్లు సమీక్షించి వాటి పరిష్కారానికి స్పష్టమైన ఆదేశాలిచ్చామని మంత్రి తెలిపారు. గత ఆరు నెలలుగా రాష్ట్రంలోని ఎన్డీయే ప్రభుత్వం వ్యవస్థీకృతం చేసిన ఉన్నత స్థాయి పర్యవేక్షణ, క్రమాను గత సమీక్షలతో ప్రభుత్వ వైద్య సేవల్లో నాణ్యత మెరుగుపడటం పట్ల మంత్రి విశ్వాసాన్ని వ్యక్తం చేశారు. ప్రైవేట్‌ ఆసుపత్రులకు సంబంధించి ఖర్చుతో కూడిన వైద్యం, రోగ నిర్ధారణ కోసం అనవసరమైన పరీక్షలు చేయించడం, రోగులతో వైద్యులు అతి తక్కువ సమయాన్ని గడపడం, నర్సింగ్‌ ఇతర సాంకేతిక సిబ్బందికి తక్కువ వేతనాల చెల్లింపు వంటి అంశాలు ప్రైవేట్‌ వైద్య రంగంలో నెలకొన్న వ్యాపార దృక్పథానికి అద్దం పడు తున్నాయని పేర్కొన్న ఆయన ఈ అంశాలకు సంబంధించి ప్రైవేట్‌ ఆసుపత్రుల యాజ మాన్యాలు దృష్టి సారించాలని కోరారు. వైద్యులు, ఇతర వైద్య సిబ్బంది రోగుల పట్ల సానుభూతి, సదవగాహన, ఆర్ద్రత, నిబద్ధతలతో వ్యవహరిస్తూ వైద్యో నారాయణో హరి అన్న సూక్తికి అనుగుణంగా నడుచుకుంటూ సేవల నాణ్యతను పెంపొందించాల్సిన ఆవశ్యకతను లేఖలో ఉద్ఘాటించారు.
