మంగళగిరి: స్వర్గీయ నందమూరి తారక రామారావు వర్ధంతి సందర్భంగా మంగళగిరి నియోజకవర్గ టీడీపీ కార్యాలయం ఎంఎస్‌ఎస్‌ భవన్‌లో ఆయనకు టీడీపీ జాతీయ ప్రధాన కార్యదర్శి నారా లోకేష్‌ ఘనంగా నివాళులర్పించారు. ఎన్టీఆర్ విగ్రహానికి పూలమాల వేసి నివాళులర్పించిన అనంతరం మాజీ మంత్రి, స్వర్గీయ ఎంఎస్‌ఎస్‌ కోటేశ్వరరావు విగ్రహానికి పూల మాల వేసి నివాళులర్పించారు. ఈ కార్యక్రమంలో మంగళగిరి నియోజకవర్గం సమన్వయకర్త నందం అబద్దయ్య పాల్గొన్నారు. తెలుగుజాతి ఖ్యాతి మహా నాయకుడు ఎన్టీఆర్ వర్ధంతి సందర్భంగా నివాళులు అర్పిస్తున్నానని అంతకుముందు ఎక్స్‌లో లోకేష్‌ పేర్కొన్నారు. కోట్లాది హృదయాల్లో కొలువైన కారణ జన్ముడికి జోహార్లు చెబుతున్నానన్నారు.
రక్త దానం..
స్వర్గీయ ఎన్టీఆర్ వర్ధంతి సంధర్భంగా ఎన్టీఆర్ ట్రస్ట్‌ ఆధ్వర్యంలో గురువారం ఉండవల్లి లోని తన నివాసం లో ఏర్పాటు చేసిన శిబిరంలో టీడీపీ జాతీయ ప్రధాన కార్యదర్శి నారా లోకేష్‌ రక్త దానంచేశారు.రక్త దానం చేసేందుకు ముందుకు వచ్చిన వారిని అభినందిం చారు. ఎన్టీఆర్ స్ఫూర్తితో ఆయన పేరిట ఏర్పాటు చేసిన ట్రస్ట్‌ ఆధ్వర్యంలో సమాజ సేవా కార్యక్రమాలు నిర్వహిస్తున్నామన్నారు.
తెలుగుజాతి ఖ్యాతి ఎన్టీఆర్: లోకేష్‌
ఎన్టీఆర్ కి ఘనంగా నివాళులర్పించిన టీడీపీ జాతీయ ప్రధాన కార్యదర్శి నారా లోకేష్‌
