- మొదటి వంద రోజుల్లో ఆర్‌ఎంపీల సమస్యలు పరిష్కరిస్తాం
- మెరుగైన ఇసుక పాలసీతో భవన నిర్మాణ కార్మికులను ఆదుకుంటాం
- ఆర్‌ఎంపీలు, భవన నిర్మాణ కార్మికులు, హమాలీలతో లోకేష్‌ భేటీ
అమరావతి:యువగళం పాదయాత్రలో ఆర్‌ఎంపీలు ఎదుర్కొంటున్న సమస్యలను ప్రత్యక్షంగా చూశానని, టీడీపీ ప్రభుత్వం ఏర్పడిన మొదటి వందరోజుల్లోనే వారి సమస్యలు పరిష్కరిస్తామని యువనేత నారా లోకేష్‌ పేర్కొన్నారు. ఉండవల్లిలోని నివాసంలో ఆర్‌ఎంపీలు, మెడికల్‌ షాప్స్‌ అసోసియేషన్‌ ప్రతినిధులతో యువనేత ముఖాముఖి సమావేశమయ్యారు. ఈ సం దర్భంగా లోకేష్‌ మాట్లాడుతూ.. మొదటి వందరోజుల్లోనే ఆర్‌ఎంపీలు ఎదుర్కొంటు న్న సమస్యలను పరిష్కరిస్తాం. ఆర్‌ఎంపీ లకు మెరుగైన శిక్షణ, గుర్తింపు కోసం గత టీడీపీ ప్రభుత్వం జీవో నెం.429 విడుదల చేస్తే వైసీపీ వచ్చిన తర్వాత నిలిపివేశారు. జీవోను పునరుద్దరించడంతో పాటు మెడి కల్‌ అసోసియేషన్‌తో చర్చించి సమస్యలు పరిష్కరిస్తాం. మెడికల్‌ షాపులపై వేధింపు లకు అడ్డుకట్టవేస్తాం. పన్నుల భారం తగ్గి స్తామని లోకేష్‌ హామీ ఇచ్చారు. ఆర్‌ఎంపీ లు, మెడికల్‌ దుకాణదారులు ఎదుర్కొం టున్న సమస్యలను ఈ సందర్భంగా లోకేష్‌ దృష్టికి తీసుకువచ్చారు. ప్రభుత్వ వైద్య, ఆరోగ్య కార్యక్రమాల్లో ఆర్‌ఎంపీలను భాగ స్వాములను చేయాలని కోరారు. ఆర్‌ఎంపీ లపై పోలీసుల వేధింపులను ఆపాలి.టీడీపీ ప్రభుత్వంలో జీవో 429 ద్వారా ఆర్‌ఎంపీ లకు సాయం చేస్తే జగన్‌ ఆ జిఓ రద్దుచేసి ఇబ్బందులకు గురి చేస్తున్నారు. 429 జీవో ను పునరుద్దరించాలి.మెడికల్‌ దుకాణాలపై పన్నులభారం తగ్గించాలి, మెడికల్‌ షాప్స్‌ అసోసియేషన్‌కు భవనం నిర్మించాలని విజ్ఞప్తి చేశారు.
మెరుగైన ఇసుక పాలసీ తెస్తాం
అధికారంలోకి వచ్చాక మెరు గైన ఇసుక పాలసీతో ఇసుక అందు బాటులోకి తెస్తాం, అమరావతి పనులు కొనసాగించి అందరికీ చేతి నిండా పనికల్పిస్తాం, భవన నిర్మాణ కార్మికులను ఆదుకుంటామని యువనేత నారా లోకేష్‌ చెప్పారు. ఉండవల్లి నివాసం లో భవన నిర్మాణ కార్మికులతో లోకేష్‌ సమావేశమయ్యారు.ఈసందర్భంగా యువ నేత మాట్లాడుతూ.. టీడీపీ ప్రభుత్వ పాలన లో ట్రాక్టర్‌ ఇసుక రూ.1500 ఉంటే నేడు రూ.5వేల నుంచి రూ.7వేలకు పెరిగింది. రాష్ట్రంలో మొట్టమొదట ఆత్మహత్యలు ప్రారంభమైంది భవన నిర్మాణ కార్మికుల తోనే. ఇసుక కొరత వల్ల భవన నిర్మాణ కార్మికుల దగ్గర నుంచి పురోహితుల వర కు ఇబ్బందులు పడుతున్నారు. చంద్రబాబు పాలనలో భవన నిర్మాణరంగం కార్మికుల కోసం చంద్రన్న బీమా అమలు చేశారు. నేడు ఆ పథకాన్ని నిలిపి వేశారు. టీడీపీ అధికారంలోకి వస్తే బీమాపథకం అమలు తోపాటు భవన నిర్మాణ కార్మికుల సంక్షేమ బోర్డును ప్రక్షాళన చేస్తాం. భవిష్యత్‌లో భవన నిర్మాణ కార్మికుల నైపుణ్యం పెంచేం దుకు శిక్షణ కార్యక్రమాలు నిర్వహించి ఆదాయం రెట్టింపు చేస్తాం. భవన నిర్మాణ కార్మికులు తమ సమస్యలను లోకేష్‌ దృష్టికి తెస్తూ…ఇసుక కొరత వల్ల పనుల్లేక ఇబ్బం దులు ఎదుర్కొంటున్నాం. కరెంట్‌ ఛార్జీల భారం తగ్గించాలి. భవన నిర్మాణ కార్మికుల బోర్డు ద్వారా గతంలో మాదిరిగా సంక్షేమ కార్యక్రమాల ను పునరుద్ధరించాలి.ఇళ్లులేని పేదలకు ఇంటి పట్టాలతోపాటు ఇళ్లు నిర్మించి ఇవ్వాలని కోరారు.
సొంత కాళ్లపై నిలబడేలా ఉపాధి కల్పిస్తాం
ప్రజలు సొంత కాళ్లపై నిలబడేలా ఉపాధి కల్పించాలన్నదే టీడీపీ లక్ష్యమని యువనేత నారా లోకేష్‌ పేర్కొన్నారు. దుగ్గి రాల పసుపు మార్కెట్‌యార్డ్‌ హమాలీలతో లోకేష్‌ ముఖాముఖి నిర్వహించారు. దుగ్గి రాల పసుపు మార్గెట్‌ యార్డ్‌ను ఆన్‌లైన్‌ చేయడం వల్ల తమకు పనులు లేకుండా పోయాయని హామాలీలు లోకేష్‌ వద్ద ఆవే దన వ్యక్తం చేశారు. లోకేష్‌ మాట్లాడుతూ.. జగన్‌రెడ్డి పాలనలో రైతులు తీవ్ర సంక్షో భంలో ఉన్నారు. పంటలకు గిట్టుబాటు ధరలు లభించడం లేదు. జగన్‌ నిర్వాకం కారణంగా కౌలు రైతుల ఆత్మహత్యల్లో దేశంలోనే రాష్ట్రం 2వ స్థానం, రైతు ఆత్మ హత్యల్లో 3వ స్థానంలో నిలిచింది. టీడీపీ హయాంలో 120 సంక్షేమ కార్యక్రమాలు అమలుచేస్తే జగన్‌రెడ్డి వచ్చిన తర్వాత రద్దు చేశారు. టీడీపీ అధికారంలోకి వచ్చిన తర్వాత అమరావతిని కొనసాగించి ప్రతి ఒక్కరికి చేతినిండా పనికల్పిస్తాం. దుగ్గిరాల పసుపు మార్కెట్‌యార్డ్‌ను అభివృద్ధి చేస్తాం. హామాలీలు తాము ఎదుర్కొంటున్న సమస్య లను లోకేష్‌ దృష్టికి తెస్తూ… దుగ్గిరాల పసుపు మార్కెట్‌ యార్డులో పనులు లేవని, పనులు కల్పించి, సౌకర్యాలు మెరుగుపర్చా లని కోరారు. హామాలీల విశ్రాంతి కోసం భవన నిర్మించాలని విజ్ఞప్తి చేశారు. అధికా రంలోకి వచ్చాక సమస్యలను పరిష్కరిస్తా నని లోకేష్‌ హామీ ఇచ్చారు.
