విజయవాడ: విజయవాడ నగరం గుణదలలో ఉన్న మేరీమాతను టీడీపీ అధినేత చంద్రబాబు, ఆయన భార్య భువనేశ్వరి గురువారం దర్శించుకున్నారు. అనంతరం అక్కడ జరిగిన సెమీ క్రిస్మస్‌ వేడుకల్లో చంద్రబాబు దంపతులు పాల్గొన్నారు. ఈ సందర్భంగా ప్రత్యేక ప్రార్థనలను నిర్వహించారు. చంద్రబాబు దంపతులతో పాటు టీడీపీ పొలిట్‌బ్యూరో సభ్యులు వర్ల రామయ్య, కొల్లు రవీంద్ర, మాజీ మంత్రులు దేవినేని ఉమా, జవహర్‌, ఎమ్మెల్సీ అశోక్‌ బాబు, పార్టీ నాయకుడు నాగుల్‌ మీరా, తదితరులు కూడా ప్రార్థనల్లో పాల్గొన్నారు. అంతకు ముందు విశాఖ నుంచి గన్నవరం విమానాశ్రయం చేరుకున్న చంద్రబాబుకు టీడీపీ నేతలు ఘన స్వాగతం పలికారు. అనంతరం అక్కడి నుంచి మేరీమాత చర్చికి వెళ్లారు.
మేరీమాత సమక్షంలో చంద్రబాబు దంపతుల ప్రత్యేక ప్రార్థనలు
ప్రార్థనల్లో పాల్గొన్న పలువురు టీడీపీ నేతలు
