అమరావతి: తెలుగుయువత చంద్రగిరి మండల అధ్యక్షుడు భానుప్రకాష్‌రెడ్డి(బన్ని), టీడీపీ చిత్తూరు పార్ల మెంటు కార్యనిర్వాహక కార్యదర్శి గంగపల్లి భాస్కర్‌ రోడ్డు ప్రమాదంలో మరణించిన వార్త విని తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు తీవ్ర దిగ్బ్రాంతికి గురయ్యారు. తెలుగుదేశం పార్టీ కోసం ఎంత గానో శ్రమించిన నిబద్ధతగల నాయకులు ఇలా కనుమరుగు కావడం విచారకరమన్నారు. వారి మృతికి సంతాపం తెలియజేశారు. వారికుటుంబ సభ్యులకు తన ప్రగాఢ సానుభూతి తెలిపారు. ఆ ప్రమాదంలో తీవ్రంగా గాయపడిన ఐటీడీపీ నియోజకవర్గ ఇన్‌చార్జి సోమశేఖర్‌ రెడ్డి త్వరగా కోలుకోవాలని భగవంతుడిని ప్రార్థించారు.
భానుప్రకాష్‌, భాస్కర్‌ల మరణం తీరని విషాదం: నారా లోకేష్‌
తెలుగు యువత చంద్రగిరి మండల అధ్యక్షుడు భానుప్రకాష్‌రెడ్డి(బన్ని), టీడీపీ చిత్తూరు పార్లమెంటు కార్య నిర్వాహక కార్యదర్శి గంగపల్లి భాస్కర్‌ రోడ్డు ప్రమాదంలో మరణించడం తీరని విషాదంగా తెలుగుదేశంపార్టీ జాతీ య కార్యదర్శి నారా లోకేష్‌ పేర్కొన్నారు. వారి కుటుంబ సభ్యులకి ప్రగాఢ సానుభూతి తెలిపారు. తీవ్రంగా గాయపడిన ఐ-టీడీపీ నియోజకవర్గ ఇన్‌చార్జ్‌ సోమశేఖర్‌ రెడ్డి త్వరగా కోలుకోవాలని దేవుడిని ప్రార్థించారు.
పార్టీ బలోపేతానికి కృషి చేసిన భానుప్రకాష్‌, భాస్కర్‌: అచ్చెన్నాయుడు
తెలుగుయువత చంద్రగిరి మండల అధ్యక్షుడు భానుప్రకాష్‌ రెడ్డి(బన్ని), చిత్తూరు పార్లమెంటు కార్యనిర్వాహక కార్యదర్శి గంగపల్లి భాస్కర్‌ ల మృతికి తెలుగుదేశం పార్టీ రాష్ట్ర అధ్యక్షులు కింజరాపు అచ్చెన్నాయుడు సంతాపం తెలిపారు. తెలుగుదేశం పార్టీ బలోపేతానికి వారు చేసిన కృషి మరచిపోలేనిదన్నారు. మరణించిన వారి ఆత్మశాంతించాలని కోరుకున్నారు. కుటుంబ సభ్యులకు ప్రగాఢ సానుభూతిని తెలిపారు. తీవ్ర గాయాల పాలైన సోమశేఖర్‌ రెడ్డి త్వరగా కోలుకోవాలని భగవంతుడిని ప్రార్థించారు.
రోడ్డు ప్రమాదంలో టీడీపీ నేతలు మృతి
టీడీపీ నేతల మృతికి చంద్రబాబు సంతాపం
