- టీడీపీ-జనసేనల పొత్తు ధర్మం చూసి బెంబేలు
- నిన్ను తరిమికొట్టేందుకు ప్రజలు ‘సిద్ధం’గా ఉన్నారు
- జగన్‌రెడ్డిపై కింజరాపు అచ్చెన్నాయుడు ధ్వజం
అమరావతి,చైతన్యరథం: ఎన్నికల ముందు ఎన్ని సమావేశాలు పెట్టుకున్నా రాబోయే ఎన్నికల్లో వైసీపీ ఖాళీ అవ్వటం తథ్యమని, ఎన్ని కుతంత్రాలు, ఎత్తుగడలు, వ్యూహాలు వేసైనా తిరిగి అధికారంలోకి రావాలనుకుంటున్న జగన్‌ మోహన్‌ రెడ్డి కల కలగా మిగిలిపోతుందని టీడీపీ రాష్ట్ర అధ్యక్షుడు కింజరాపు అచ్చెన్నాయుడు అన్నారు. ఈమేరకు మంగళవారం ఆయన ఒక ప్రకటన విడుదల చేశారు. ఆ ప్రకటనలో ‘‘మంగళగిరిలో జరిగిన వైసీపీ సమన్వయకర్త సమావేశంలో జగన్‌ రెడ్డి మాటలు చూస్తుంటే ఎన్నికల ముందే ఓటమిని అంగీకరించనట్లుంది. వైసీపీ అంతర్గత సమావేశంలో కూడా చంద్రబాబు నాయుడు గారి పేరు స్మరించకుండా ఉండలేని దుస్థితిలో జగన్‌ రెడ్డి ఉన్నాడు.
సిద్ధం సిద్ధం అంటూ సభలు నిర్వహించుకొని ప్రజల నుంచి స్పందన కరువవ్వడంతో చివరికి గెలుపు కష్టమని జగన్‌ రెడ్డికి అర్థమయ్యింది. అందుకే అతని భజన మిత్ర మండలితో సమావేశం నిర్వహించి రాష్ట్రం నుంచి పారిపోవడానికి సిద్ధంగా ఉండండని పిలుపునిచ్చాడు. ప్రజల యొక్క విశ్వాసాన్ని జగన్‌ రెడ్డి కోల్పోయాడు. భూటకపు హామీలు ఇచ్చి అన్నివర్గాల ప్రజలను మోసం చేసిన వ్యక్తి జగన్‌ మోహన్‌రెడ్డి. ఎక్కడి గొంగళి అక్కడే అన్నట్లు ఎటువంటి అభివృద్ధి లేని ఆంధ్రప్రదేశ్‌గా రాష్ట్రాన్ని మూడు ముక్కలుగా చేసి ప్రాంతాల మధ్య చిచ్చు పెట్టాడు. రాష్ట్రానికి మంచి చేస్తామని వచ్చిన వారిని కూడా రాష్ట్రం నుంచి తరిమేశాడు.
జగన్‌ రెడ్డి! ధైర్యముంటే మాతో చర్చకు రా..!!
కుప్పం నియోజకవర్గానికి నేను అది చేశాను..ఇది చేశాను అని కట్టుకథలు చెప్పడం కాదు. కుప్పం నియోజకవర్గానికి నువ్వు చేసిన అభివృద్ధి ఏంటో.. చంద్రబాబు గారు చేసిన అభివృద్ధి ఏంటో తేల్చుకుందా రా..! నీలో ఇప్పటివరకు నువ్వు ఇచ్చిన హామీల్లో ఎన్ని అమలు చేశావో లెక్కలు తెల్చుకుందాం రా..! మేము చేసిన రాష్ట్రాభివృద్ధి ఏంటో.. నువ్వు చేసిన రాష్ట్రాభి వృద్ధి ఏంటో చర్చించుకుందాం రా..! అన్నపూర్ణ ఆంధ్ర ప్రదేశ్‌ను గంజాయి ఆంధ్రప్రదేశ్‌గా మార్చింది నువ్వు కాదా..! నువ్వు చేసిన మంచి పనులు ఇంటింటికి చెప్పాలంటే అసలు నువ్వు చేసిన మంచి పనేంటో చెప్పండనీ నీ ఎమ్మెల్యేలే నిన్ను అడుగుతుంటే నీకు సిగ్గుగా లేదా..! ముఖ్య మంత్రిగా కానీ, రాజకీయ నాయకుడిగా కానీ ఎందుకు పనికి రానీ వ్యక్తివి నువ్వు. చంద్రబాబు గురించి మాట్లాడే స్థాయి నీది కాదు. తల కింద తపస్సు చేసిన కుప్పంలో కాదు కదా కనీసం ఈసారి పులివెందు లలో కూడా గెలువలేవు.
సంక్షేమ పథకాలకు కేరాఫ్‌ అడ్రస్‌ తెలుగుదేశం ప్రభుత్వం…
మేము అమలు చేసిన అద్భుతమైన 120 సంక్షేమ పథకాలను జగన్‌రెడ్డి ప్రభుత్వం రద్దుచేసింది. కనీసం వాటిని రద్దు చేయకుండా సక్రమంగా అమలు చేసి వుంటే ఈరోజు వైకాపా ఎమ్మెల్యేలు దేహీ అని ప్రజ లను అడుక్కునేందుకు అర్హత ఉండేది. గడపగడపకు వెళ్ళాలంటేనే వైకాపా ఇన్‌చార్జులు భయపడుతున్నా రు. దొరికినచోట దొరికినంత దోచుకున్న వ్యక్తి జగన్‌ మోహన్‌రెడ్డి. ల్యాండ్‌, స్యాండ్‌,వైన్‌, మట్టి, చివరికి పసిపిల్లలు చదువుకునే పాఠ్యపుస్తకాల్లో కూడా దోపిడి చేసిన వ్యక్తి జగన్‌ మోహన్‌రెడ్డి.. ఇవాళ ప్రభుత్వ బడుల గురించి మాట్లాడుతుంటే హాస్యస్పదంగా ఉంది.
ప్రతి పథకం అమలు సమ యంలో పత్రికల్లో భారీ ప్రకటనలు గుప్పిస్తూ.. ఏదో ఉద్దరించేస్తున్నాం అన్నట్లు ప్రచారం చేసుకుంటూ.. క్షేత్రస్థాయిలో ప్రజల్ని ఇన్ని రోజులు దగా చేసుకుంటూ వచ్చారు. తెలుగుదేశం ప్రభుత్వ హయాంలో సుమారు 16 లక్షల మంది విద్యార్ధులకు ఫీజు రీయిం బర్స్‌మెంట్‌ అమలు చేస్తే.. జగన్‌రెడ్డి 11లక్షల మందికి కుదించి, జీవో నెం.77తో ప్రైవేటు పీజీ విద్యార్ధులకు రీయిం బర్స్‌మెంట్‌ దూరం చేసి.. తిరిగి తెలుగుదేశం ప్రభుత్వంపై విమర్శలుచేశాడు. జగన్‌రెడ్డి అరాచకా లు, దోపీడీలను ఎండగడుతున్న పాత్రికేయులు, పత్రి కా సంస్థలుపై దాడులు చేస్తున్నారు. ఇదేనా నాడు-నేడు అంటే? ఇకనీ గారడీలు చాలు జగన్‌రెడ్డి. మరో 45 రోజుల్లో నిన్ను చిత్తు చిత్తుగా ఓడిరచి నీకు నీ జే-గ్యాంగ్‌కు గుణపాఠం చెప్పి మరీ రాష్ట్రం నుంచి బహిష్కరిస్తారు’’ అని అచ్చెన్నాయుడు పేర్కొన్నారు.
