- మెగా డీఎస్సీపై తొలి సంతకం
- మొత్తం ఐదు సంతకాలు
అమరావతి: ముఖ్యమంత్రి చంద్రబాబు నాయుడు గురువారం సాయంత్రం 4.41 గంటలకు బాధ్యతలు స్వీకరించనున్నారు. బుధవారం ఉదయం గన్నవరం సమీపంలోని కేసరపల్లి ఐటీ పార్క్‌లో ముఖ్యమంత్రిగా ప్రమాణ స్వీకారం చేసిన తరువాత సాయంత్రం ఆయన కుటుంబ సమేతంగా తిరుమల వెళ్లారు. గురువారం ఉదయం తిరుమలలో స్వామివారిని దర్శించుకున్న అనంతరం అమరావతి తిరిగివస్తారు. సాయంత్రం 4.11 గంటలకు సచివాలయంలోని మొదటి బ్లాక్‌ లోని ఛాంబర్‌లో ముఖ్యమంత్రిగా బాధ్యతలు చేపడతారు. బాధ్యతల స్వీకారం అనంతరం ఎన్నికల్లో ఇచ్చిన పలు కీలక హామీల అమలుకు సంబంధించిన ఫైళ్లపై సంతకాలు చేస్తారు. ఎన్నికల ప్రచారంలో ఇచ్చిన హామీ మేరకు మెగా డీఎస్సీ నోటిఫికేషన్‌ విడుదల ఫైల్‌పై తొలి సంతకం చేస్తారు. వైసీపీ ప్రభుత్వం తెచ్చిన వివాదాస్పద ల్యాండ్‌ టైటలింగ్‌ యాక్ట్‌ రద్దు చేసే ఫైల్‌పై రెండో సంతకం పెడతారు. సామాజిక పింఛన్‌ను రూ. 4000 వేలకు పెంచుతూ ఫైల్‌ పై మూడో సంతకం చేస్తారు. అదే విధంగా స్కిల్‌ సెన్సన్స్‌ (నైపుణ్య గణన) ప్రక్రియ చేపట్టడం, అన్న క్యాంటీన్‌ల ఏర్పాటు ఫైళ్లపైనా చంద్రబాబు సంతకాలు చేస్తారు.
