అమరావతి: కుప్పంలో వైసిపి ప్రభుత్వం తప్పుడు కేసులతో అరెస్టుచేసిన టిడిపి నేతలను యువనేత నారా లోకేష్‌ మంగళవారం పరామర్శించనున్నారు. మధ్యాహ్నం 1.45కి నారా లోకేష్‌ రేణి గుంట ఎయిర్‌ పోర్ట్‌కి చేరుకోనున్నారు. అక్కడ నుండి రోడ్డు మార్గాన బయలుదేరి మధ్యాహ్నం 3.30 నిమి షాలకు చిత్తూరు సబ్‌ జైలుకి చేరుకుంటారు. కుప్పం అన్న క్యాంటిన్‌పై వైసిపి గూండాలు దాడి ఘటనలో ప్రతిఘటించి అరెస్టయిన మాజీ ఎమ్మెల్సీ గౌనివారి శ్రీనివాసులుతో సహా ఇతర నాయకులు, కార్యకర్త లను లోకేష్‌ పరామర్శించనున్నారు. అనంతరం సాయంత్రం 5.30కి చంద్రగిరి చేరుకుని ఇటీవల రోడ్డు ప్రమాదంలో చనిపోయిన టిడిపి నాయకులు భాస్కర్‌, భాను ప్రకాష్‌రెడ్డి చిత్రపటాలకు నివాళులర్పించి వారి కుటుంబసభ్యులను పరామర్శిస్తారు. సాయంత్రం 6.15కి పెరుమాలపల్లె చేరుకొని రోడ్డు ప్రమాదంలో గాయపడిన టిడిపి నేత సోమనాధ్‌ రెడ్డిని పరామర్శిస్తారు.
నేడు చిత్తూరులో నారా లోకేష్‌ పర్యటన
