- నంద్యాల, శ్రీశైలం నియోజకవర్గాల్లో నిజం గెలవాలి
- ఐదు కుటుంబాలకు భువనమ్మ పరామర్శ
నంద్యాల, శ్రీశైలం(చైతన్యరథం): పార్టీ అంటే ప్రాణం పెట్టే కార్యకర్తలుండటం తెలుగుదేశం పార్టీ అదృష్టమని టీడీపీ అధినేత చంద్రబాబు సతీమణి నారా భువనేశ్వరి అన్నారు. కార్యకర్తల కుటుంబాలను కష్టకాలంలో ఆదుకోవటం తమ కర్తవ్యమన్నారు. కార్యకర్తలు ఏ విధంగా పార్టీని కాపాడుకుంటున్నారో.. అదే విధంగా వారి కుటుంబాలకు తాము అండగా ఉంటామని భువనేశ్వరి అన్నారు. నిజం గెలవాలి కార్యక్రమంలో భాగంగా శుక్రవారం నంద్యాల, శ్రీశైలం నియోజకవర్గాల్లో భువనేశ్వరి పర్యటించారు. స్కిల్‌ డెవలప్‌మెంట్‌ కేసులో చంద్రబాబు అక్రమ అరెస్ట్‌ సమయంలో మనస్తాపానికి గురై గుండెపోటుతో మృతి చెందిన పార్టీ కార్యకర్తల కుటుంబాలను పరామర్శించి, ఆర్థికసాయం పత్రాలు అందచేసేందుకు నిజం గెలవాలి పేరుతో భువనేశ్వరి రాష్ట్ర వ్యాప్తంగా పర్యటిస్తున్న విషయం తెలిసిందే. నంద్యాల, శ్రీశైలం నియోజకవర్గాల్లో ఐదుగురు కార్యకర్తల కుటుంబ సభ్యులను భువనేశ్వరి పరామర్శించారు. మృతి చెందిన కార్యకర్తల చిత్రపటాలకు పూలమాలలు వేసి నివాళులర్పించారు. తనను చూసి భావోద్వేగానికి గురైన కుటుంబ సభ్యులను ఓదార్చి పార్టీ అండగా ఉంటుందని ధైర్యం చెప్పారు.
నంద్యాల పట్టణం, వెంకటాచలం కాలనీ, 34వ వార్డులో గత ఏడాది సెప్టెంబర్‌ 13న మృతి చెందిన అబ్దుల్‌ రహీమ్‌ (58), నంద్యాల పట్టణం, 13వ వార్డులో గత ఏడాది సెప్టెంబర్‌ 20న మృతిచెందిన గురువరాజు (37), శ్రీశైలం నియోజకవర్గం, మహానంది మండలం, బుక్కపురం గ్రామంలో గత ఏడాది సెప్టెంబర్‌ 13న మృతి చెందిన నల్లబోతుల చిన్నమద్దిలేటి (62), శ్రీశైలం నియోజకవర్గం, బండి ఆత్మకూరు మండలం, నారాయణపురం గ్రామంలో గత ఏడాది సెప్టెంబర్‌ 12న మృతి చెందిన కందుకూరి నరసింహాచారి (39), అదే గ్రామంలో గత ఏడాది అక్టోబర్‌ 1వ తేదీన మృతి చెందిన కశినేని వెంకటేశ్వర్లు (67) కుటుంబాలను భువనేశ్వరి పరామర్శించారు.
నిజం గెలవాలి, 06-04-2024 షెడ్యూల్‌…
ఉదయం 10:00 ` నంద్యాల పట్టణం, ఎస్.ఎన్‌.ఫంక్షన్‌ హాల్‌ నుండి పర్యటన ప్రారంభం.
10:00 ` ఎస్.ఎన్‌.ఫంక్షన్‌ హాల్‌ వద్ద ముస్లిం మైనారిటీలతో భువనేశ్వరి మాటామంతి కార్యక్రమం.
మధ్యాహ్నం 12:40 ` పాణ్యం నియోజకవర్గం, కల్లూరు టౌన్‌, వెనకబడిన తరగతుల కాలనీ, 37వ వార్డులో కార్యకర్త కుటుంబానికి పరామర్వ.
2:55 `నందికొట్కూరు నియోజకవర్గం, మిడ్తూరు మండలం, నాగులూటి గ్రామంలో కార్యకర్త కుటుంబానికి పరామర్శ.
సాయంత్రం 4:30 ` కర్నూలు విమానాశ్రయం నుండి తిరుగు ప్రయాణం.
