అమరావతి (చైతన్య రథం): ‘దేశ, విదేశాల్లోని తెలుగు ప్రజలకు విజయదశమి శుభాకాంక్షలు. ప్రజలంతా సుఖ శాంతులతో వర్థిల్లేలా చూడాలని కనకదుర్గమ్మ తల్లిని వేడుకుంటున్నా. చెడుపై మంచి సాధించిన విజయానికి ప్రతీకగా నిర్వహించుకునే దసరా పండుగ మన జీవితాల్లో కొత్త వెలుగు నింపాలని ఆకాంక్షిస్తున్నా. దుష్ట సంహారం తర్వాత శాంతి, సౌభ్రాతృత్వంతో అందరూ కలిసిమెలిసి జీవించాలన్నదే దసరా పండుగ సందేశం. ఇదే స్ఫూర్తితో శాంతియుత, అభివృద్ధికారక సమాజం కోసం కృషి చేద్దాం. శక్తి ఆరాధనకు ప్రాధాన్యతనిచ్చే ఈ పండుగ దినాల్లో అమ్మవారి దివ్యమంగళ రూపాన్ని తొమ్మిది అవతారాల్లో దర్శించుకున్నాం. మరోవైపు ఆ దేవదేవుడైన తిరుమల వేంకటేశ్వరుడి బ్రహ్మోత్సవాలు వైభవంగా జరుపుకున్నాం. ఇదే ఒరవడితో సర్వజన సంక్షేమాన్ని కొనసాగిద్దాం. మరొక్కమారు అందరికి మనస్ఫూర్తిగా దసరా శుభాకాంక్షలు తెలుపుతున్నాను’ అంటూ ముఖ్యమంత్రి చంద్రబాబు ప్రజలకు విజయదశమి శుభాకాంక్షలు తెలిపారు.
మనం గెలవాలి.. కొత్త వెలుగులు రావాలి
ప్రజలకు విజయదశమి శుభాకాంక్షలు ముఖ్యమంత్రి చంద్రబాబు నాయుడు
