- ప్రభుత్వ ఆసుపత్రిలో కోడికత్తి శ్రీను తల్లి, సోదరుడికి పరామర్మ
- వివేకా హత్య కేసు నిందితులంతా బయట తిరుగుతున్నారు
- ఛార్జ్షీట్ ఫైల్ చేసిన కేసులో మాత్రం బెయిల్ రావడం లేదు
- ప్రభుత్వ ఆసుపత్రిలో కోడికత్తి శ్రీను తల్లి, సోదరుడికి పరామర్మ
అమరావతి, చైతన్యరథం: ఐదేళ్లుగా జైల్లో మగ్గి పోతున్న కొడికత్తి శ్రీనును బయటకు తీసుకొచ్చేందుకు సిఎం జగన్రెడ్డి కోర్టుకెళ్లి సాక్ష్యం చెప్పాంలంటూ కోడికత్తి శ్రీను తల్లి, సోదరుడు చేస్తున్న ఆమరణ నిరాహార దీక్షను పోలీసులు ఆదివారం రాత్రి భగ్నం చేసి వైద్యం కోసం విజయవాడ ప్రభుత్వాసుపత్రికి తర లించారు. ఈ నేపథ్యంలో విజయవాడ ప్రభుత్వ ఆసు పత్రిలో వారిని మాజీ మంత్రి, టీడీపీ పొలిట్బ్యూరో సభ్యులు నక్కా ఆనందబాబు పరామర్శించి ధైర్యం చెప్పారు. ఆనంతరం ఆయన మాట్లాడుతూ ‘‘జగన్మో హన్రెడ్డి ప్రభుత్వంలో హత్యలు చేసిన వ్యక్తులు మూడు నెలల్లో బయటకు వస్తున్నారు. ఎమ్మెల్సీ అనంతబాబు తన డ్రైవరు దళితుడైన సుబ్రహ్మణ్యాన్ని హత్య చేసి డోర్ డెలివరీ చేసిన అనంత బాబు ఆరు నెలల్లో బయటకు వస్తే రెడ్ కార్పెట్ వేసి స్వాగతం పలికారు. జగన్మోహన్ రెడ్డిపై కోడి కత్తితో దాడి జరిగిందని మా దళిత సోద రుడు జన్నుపల్లి శ్రీనివాసరావు గత ఐదు సంవత్సరాల నుంచి జైల్లో మగ్గుతున్నాడు. బహుశా భారత దేశంలో ఏ పీనల్ కోడ్ ప్రకారం జైల్లో ఉంచారో అర్థం కాని విషయం. అది 307 కేసు కూడా కాదు. చిన్న దాడి. తాను జగన్మోహన్ రెడ్డి గారి అభిమానిని, ఇలా ఏదైనా చిన్న దాడి జరిగితే అది సింపతిగా మారి ఎక్కువ సీట్లు వస్తాయి అన్న ఉద్దేశంతో తాను చేశాను అని కోడికత్తి శ్రీను ఆనాడే చెప్పాడు. అదే సింపతీతో జగన్మోహన్రెడ్డి అధికారం లోకి వచ్చాడు.
కోడి కత్తి శ్రీనివాసరావు గత ఐదు సంవత్సరాలుగా రాజమండ్రి విశాఖపట్నం జైల్లో మగ్గిపోతున్నాడు. ఘటన జరిగినప్పుడు జగన్రెడ్డి కోర్టు కు వెళ్లి కేంద్రదర్యాప్తు సంస్థ సిబిఐతో విచారణ చేయిం చాడు. సిబిఐ విచారణ చేసి ఛార్జిషీట్ ఫైల్ చేసిన ఈ కేసులో ఇంకా బెయిల్ రాకపోవటం విచిత్రంగా కనిపి స్తుంది. దీన్ని ఏవిధంగా అడ్డుకుంటున్నాడో జగన్మోహ న్రెడ్డి సమాధానం చెప్పాలి. జగన్మోహన్ రెడ్డి బాబాయ్ ని అడ్డంగా గొడ్డలి పెట్టి నరికిన ముద్దాయిలు అందరూ బయట తిరుగుతున్నారు. ఆ హత్యలో భాగం ఉంది అని ఆరోపణ ఎదుర్కొంటున్న జగన్మోహన్రెడ్డి బాగానే ఉన్నాడు. తన మీద దాడి చేసిన శ్రీనివాసరావు మాత్రం జైల్లో ఉండిపోయాడు. కోర్ట్ కి వెళ్లి సాక్ష్యం చెప్పు అంటే సాక్ష్యం చెప్పడు. నువ్వు ముఖ్యమంత్రి అయితే ఎవరికి ఎక్కువ? నీ మీద దాడి జరిగిందా లేకపోతే హత్యా యత్నం జరిగిందా? ఏది జరిగితే అది చెప్పు… నువ్వు ఎందుకు చెప్పవు? మా దళిత సోదరుడు జైల్లో మగ్గి పోతున్నాడు. అతనితో పాటు అతని కుటుంబం, స్నేహి తులు ఎంతో బాధలు పడుతున్నారు. నువ్వు ఎందుకు సాక్ష్యం చెప్పవు? అతనే చేసాడని చెప్పినా కూడా ఐదు సంవత్సరాల శిక్ష పడదు. సాక్షి అనేవాడు ఒకటికి పది సార్లు తప్పించుకుంటూ ఉంటే కోర్ట్ లు నాన్ బెయిల్బుల్ వారెంట్ ఇష్యూ చేయాలి. తీసుకొచ్చి సాక్ష్యం చెప్పించాలి. 43వేల కోట్ల అక్రమంగా దోచు కున్న కేసులు ముఖ్యమంత్రి పదవి అడ్డం పెట్టుకొని తప్పించుకొని తిరుగుతున్నాడు. అతని మీద దాడి చేశా డు అని ఒక అమాయక వ్యక్తిని జైల్లో పెట్టించి సాక్ష్యం చెప్పకుండా తప్పించుకుని తిరుగుతున్నాడు. ఇంకా ఎంతకాలం తప్పించుకో తిరుగుతావ్ జగన్మోహన్రెడ్డి? ప్రజాక్షేత్రంలో ప్రజల నుంచి తప్పించుకోగలవా? రాబో యే 80రోజుల్లో నువ్వు ఇంటికి వెళ్ళిపోతున్నావు. ఇప్పు డైతే తప్పించుకోగలవేమోగాని అప్పుడు మాత్రం నువ్వు తప్పించుకోలేవు అని హెచ్చరిస్తున్నాము’’ అని పేర్కొ న్నారు. వారిని పరామర్శించిన వారిలో నక్కా ఆనంద బాబుతోపాటు తెదేపా రాష్ట్ర కార్యదర్శి దేవతోటి నాగ రాజు, తెదేపా రాష్ట్ర ఎస్సి సెల్ ఉపాధ్యక్షులు జ్యోతి బసు, జయపాల్, సమతా సైనిక్ దళ్ సభ్యులు, దళిత సంఘాలు తదితరులు ఉన్నారు.
