- తెదేపా బీసీ డిక్లరేషన్‌ నేడు విడుదల
- సదస్సుకు హాజరుకానున్న చంద్రబాబు, పవన్‌ కల్యాణ్‌
- బీసీల ప్రత్యేక సమస్యలకు పరిష్కారం
- రాజకీయ, ఆర్థిక, సామాజిక ప్రగతికి బాటలు
- డిక్లరేషన్‌పై తెదేపా, జనసేన అగ్ర నేతల సుదీర్ఘ చర్చలు
అమరావతి: జనాభాలో సగానికి పైగా ఉండే వెనుక బడిన తరగతుల వారి సమగ్రాభివృద్ధికి నేటి తరుణంలో చేపట్టవలసిన చర్యలతో తెదేపా-జనసేన కూటమి నేడు ‘బీసీ డిక్లరేషన్‌’ విడుదల చేయనున్నది. దీనికోసం ‘జయహో బీసీ’ సదస్సును ఆచార్య నాగా ర్జున విశ్వ విద్యాలయం సమీపంలో నిర్వహిస్తున్నారు. తెలుగుదేశం జాతీయ అధ్యక్షుడు నారా చంద్రబాబు నాయుడు, జనసేన అధినేత పవన్‌కల్యాణ్‌, తెదేపా రాష్ట్రశాఖ అధ్యక్షుడు కింజరాపు అచ్చెన్నాయుడు, సీనియర్‌ నేత, మాజీ మంత్రి యనమల రామకృష్ణుడు, టీడీపీ బీసీ సాధికార కమిటి ఛైర్మన్‌ కొల్లు రవీంద్రతో పాటు రెండు పార్టీలకు చెందిన అగ్ర నాయకులు, కార్యకర్తలు సదస్సులో పాల్గొంటారు.
నేడు విడుదల చేయనున్న ‘బీసీ డిక్లరేషన్‌’కు సం బంధించిన వివిధ అంశాలను చర్చించేందుకు సోమ వారం తెదేపా కేంద్ర కార్యాలయంలో యనమల రామ కృష్ణుడు ఆధ్వర్యంలో విస్తృతస్థాయి సమావేశం జరిగిం ది. దాదాపు 3 గంటలపాటు జరిగిన ఈ సమావేశంలో తెదేపా నాయకులు అచ్చెన్నాయుడు, కొల్లు రవీంద్ర, అనగాని సత్యప్రసాద్‌, దువ్వారపు రామారావు, పంచు మర్తి అనురాధ, కాల్వ శ్రీనివాసులు, బీద రవిచంద్ర యాదవ్‌, వీరంకి గురుమూర్తి, జనసేన నాయకులు పోతుల మహేష్‌తో పాటు ఇతర నాయకులు, వివిధ బీసీ కులాల ప్రతినిధులు పాల్గొన్నారు.
బీసీలు తెదేపాకు వెన్నెముక
తెదేపా ఆవిర్భావం నుంచి బీసీలు పార్టీకి బలమైన మద్దతుదారులుగా నిలబడ్డారని, వారి ఉన్నతి కోసం తెదేపా ప్రభుత్వాలు పలుచర్యలు చేపట్టాయని, నేటి తరుణంలో బీసీల సమగ్రాభివృద్ధి కోసం చేపట్టాల్సిన నిర్దిష్ట విధానాలు, చర్యలతో ఒక సమగ్ర బీసీ డిక్లరేషన్‌ ను మంగళవారంనాడు చంద్రబాబునాయుడు, పవన్‌ కల్యాణ్‌లు విడుదలచేస్తారని పార్టీ రాష్ట్రశాఖ అధ్యక్షుడు అచ్చెన్నాయుడు తెలిపారు. విస్తృత చర్చల ఆధారంగా ఈడిక్లరేషన్‌ను రూపొందిస్తామని ఆయన అన్నారు. నేడు జరగనున్న ‘జయహో బీసీ’ సభను విజయ వంతం చేయాలని ఆయన పిలుపునిచ్చారు.
బీసీలకు న్యాయం జరగాలి
సమాజంలో బీసీల స్థానం, నేటి తరుణంలో వారు ఎదుర్కొంటున్న సమస్యలు, వాటి పరిష్కారానికి చేపట్టా ల్సిన చర్యల గురించి యనమల రామకృష్ణుడు సుదీర్ఘం గా వివరించారు. భారత రాజ్యాంగ లక్ష్యాలలో ఒకటైన ‘సామాజిక న్యాయం’ ఇంకా పూర్తిస్థాయిలో వారికి అందాల్సివుందని, నేటి టెక్నాలజీ యుగంలో ఎక్కువగా చేతివృత్తులపై ఆధారపడే బీసీలు పలు సవాళ్లు ఎదు ర్కొంటున్నారని, వీటికి తగు పరిష్కారాలు చూపించా లని ఆయన అన్నారు.
బీసీల సమగ్రాభివృద్ధి, సామాజిక న్యాయం కోసం రాజకీయ సాధికారత, అధికారంలో భాగస్వామ్యం, ఆర్థిక పరిపుష్టి వీలైనంత త్వరలో తగుస్థాయిలో కల్పిం చాలని రామకృష్ణుడు అన్నారు. దేశంలో అమలులో ఉన్న ఆర్థిక విధానాలతో అసమానతలు పెరుగుతున్నా యని, దీని వలన బీసీలు ఎక్కువగా నష్టపోతున్నారని ఆయన అభిప్రాయపడ్డారు. పెరుగుతున్న ఈ అసమా నతల నేపథ్యంలో బీసీల శ్రేయస్సు కోసం ప్రత్యేక చర్య లు చేపట్టాల్సిన అవసరాన్ని ఆయన నొక్కి వక్కాణిం చారు. వెనుకబడిన తరగతులవారి ఆర్థిక స్థితిగతులను ప్రాధాన్యతాక్రమంలో వీలైనంత త్వరలో మెరుగు పర చాలని, అప్పుడే వారు రాజకీయాల్లో మరింత క్రియా శీలకం కాగలరని రామకృష్ణుడు తెలిపారు. టెక్నాలజీ విస్తరణతో సాంప్రదాయ చేతివృత్తులవారు ఉపాధి కోల్పోతున్నారని, దీనికి తగు పరిష్కార మార్గాలు కనుగొనాలని ఆయన సూచించారు.
వివరణాత్మక బీసీ డిక్లరేషన్‌
పలు కులాలతో రాష్ట్ర జనాభాలో సగానికి పైగా ఉన్న వెనుకబడిన తరగతులవారి సమగ్ర ప్రగతి కోసం దారులు చూపే ‘బీసీ డిక్లరేషన్‌’ సుదీర్ఘంగా ఉండ వచ్చ ని రామకృష్ణుడు తెలిపారు. వారి రాజకీయ, సామాజి క, ఆర్థిక సాధికారత కోసం రానున్న ఎన్నికల తరువాత ఏర్పడ నున్న తెదేపా-జనసేన కూటమి చేపట్టే సమగ్ర చర్యల వివరాలు అందులో ఉంటాయని ఆయన తెలిపారు.
బీపీ కులగణన అత్యవసరం
1931లో బ్రిటీష్‌ పాలకులు దేశంలో మొదటి జన గణనను చేపట్టినా, స్వాతంత్య్రానంతరం బీసీల కుల గణన కోసం పలు డిమాండ్లు వచ్చినా కొన్ని కారణా లతో అది జరగలేదని, ఇప్పుడు జరగాల్సిన తరుణం వచ్చిందని,ఈ అంశానికి తెదేపా ప్రాధాన్యత ఇస్తుందని రామకృష్ణుడు అన్నారు.
బీసీలకు జగన్‌రెడ్డి మోసం
వైసీపీ ముఖ్యమంత్రి జగన్‌రెడ్డి పాలనలో బీసీలు అన్ని విధాలుగా నష్టపోయారంటూ,బీసీ రిజర్వేషన్ల పట్ల జగన్‌ రెడ్డి వైఖరిని రామకృష్ణుడు ఎత్తిచూపారు. స్థానిక సంస్థల్లో బీసీల రిజర్వేషన్‌ను 24శాతం నుండి ముఖ్య మంత్రి చంద్రబాబునాయుడు 34 శాతానికి పెంచగా, దాన్ని జగన్‌రెడ్డి 24శాతానికి కుదించి బీసీల రాజకీయ సాధి కారతకు తూట్లు పొడిచారని రామకృష్ణుడు ఆగ్ర హం వ్యక్తంచేశారు. మొత్తం రిజర్వేషన్లు 50 శాతానికి మించ కూడదు అన్న నియమాన్ని కేంద్ర ప్రభుత్వం ద్వారా సవరించేందుకు జగన్‌రెడ్డి ఎట్టి చర్యలు చేపట్ట లేదని ఎత్తిచూపారు.
డిక్లరేషన్‌ అంశాలు
నేడు విడుదల కానున్న బీసీ డిక్లరేషన్‌లో కేంద్ర ప్రభుత్వ స్థాయిలో చేపట్టాల్సిన అంశాలతోపాటు రాష్ట్ర ప్రభుత్వస్థాయిలో అమలుచేయాల్సిన నిర్ణయాలు,వివిధ బీసీ కులాలవారీగా అందించాల్సిన మద్దతుకు సంబం ధించిన వివరాలుంటాయని తెదేపా బీసీ సాధికారత కమిటీి ఛైర్మన్‌ కొల్లు రవీంద్ర తెలిపారు.
ప్రస్తుత రాజకీయ, సామాజిక, ఆర్థిక వ్యవస్థలో బీసీలు ఎదుర్కుంటన్న సమస్యలు, కులాలవారీగా ప్రజ ల ఆశలు, ఆకాంక్షలకు సంబంధించి విస్తృత చర్చ జరి గింది.వీటి ఆధారంగా రూపొందించబడి నేడు విడుద ల కానున్న ‘బీసీ డిక్లరేషన్‌’ రాష్ట్రంలో వెనుక బడిన తర గతులవారి సమగ్ర వికాసం దిశలో కొత్త అధ్యాయానికి తెరతీస్తుందని సదస్సులో పాల్గొన్న నేతలు విశ్వాసం వెలిబుచ్చారు.
