- సీఎం చంద్రబాబు, మాజీ ఉపరాష్ట్రపతి వెంకయ్య రాక
- కార్యక్రమంలో పాల్గొననున్న సినీ, రాజకీయ ప్రముఖులు
- అన్నగారి అంతరంగం ‘తారకరామం’ పుస్తకావిష్కరణ
అమరావతి(చైతన్యరథం): మహానటుడు, ప్రజానాయకుడు ఎన్టీఆర్‌ సినీ వజ్రోత్సవ వేడుకలను శనివారం విజయవాడలో అంగరంగ వైభవంగా నిర్వహించటానికి అన్ని ఏర్పాట్లు పూర్తిచేశామని ఎన్టీఆర్‌ లిటరేచర్‌ కమిటీ చైర్మన్‌ టి.డి.జనార్దన్‌ ఒక ప్రకటనలో తెలిపారు. ముఖ్యమంత్రి చంద్రబాబు, భారత మాజీ ఉపరాష్ట్రపతి ముప్పవరపు వెంక య్యనాయుడు, భారతీయ జనతా పార్టీ రాష్ట్ర అధ్యక్షురాలు దగ్గుబాటి పురందరేశ్వరి, ఎన్టీఆర్‌ కుమారులు మోహనకృష్ణ, రామకృష్ణ, జయశంకర్‌కృష్ణతో పాటు తెలుగు సిని మా రంగంలోని నిర్మాతలు, దర్శకులు, నటీనటులు పాల్గొంటారని వెల్లడిరచారు. 1949 లో మీర్జాపురం రాజావారు ఎల్‌.వి.ప్రసాద్‌ దర్శకత్వంలో నిర్మించిన ‘మనదేశం’ చిత్రం లో నందమూరి తారక రామారావు నటుడిగా పరిచయం అయ్యారని, ఆయన తొలి సినిమా విడుదలై 75 సంవత్సరాలు పూర్తయిన సందర్భంగా సినీ వజ్రోత్సవ వేడుకలను విజయవాడలో నిర్వహిస్తున్నట్లు చెప్పారు. మనదేశం చిత్ర నిర్మాత కృష్ణవేణి కూడా ఈ కార్యక్రమానికి హాజరవుతున్నారని తెలిపారు. ఎన్టీఆర్‌ సినిమా రంగంలో ప్రవేశించిన తర్వాత ఆయన స్వయంగా పత్రికలలో రాసిన వ్యాసాలు, సినిమా జర్నలిస్టు లకు ఇచ్చిన ఇంటర్వ్యూలతో ‘తారకరామం’ అనే అన్నగారి అంతరంగం పుస్తకాన్ని ఈ వజ్రోత్సవ వేడుకల సందర్భంగా ఆవిష్కరిస్తున్నట్లు తెలిపారు. ‘తారకరామం’ గ్రంథం సీనియర్‌ జర్న లిస్ట్‌, రచయిత భగీరథ సంపాదకత్వంతో అపూర్వంగా రూపొందిందని ఇది అన్నగారి అంతరంగాన్ని సంపూర్ణంగా ఆవిష్కరిస్తుందనటంలో ఏ మాత్రం సందేహం లేదని తెలిపారు.
