- అభ్యర్థులకు విద్యాశాఖ సూచనలు
- అక్టోబర్ 3 నుండి 21 వరకు టెట్ పరీక్షలు
అమరావతి(చైతన్యరథం): ఉపాధ్యాయ అర్హత పరీక్ష (టెట్) నిర్వహణకు ఆంధ్రప్రదేశ్ ప్రభుత్వ పాఠశాల విద్యాశాఖ సన్నాహాలు చేస్తోంది. పాఠశాల విద్య డైరెక్టర్ వి విజయరామరాజు సోమవారం ఒక ప్రకటనలో టెట్ పరీక్ష వివరాలు తెలియజేశారు. టెట్కి 4,27,300 అభ్యర్థులు దరఖాస్తు చేసుకున్నారు. టెట్ పరీక్షల హాల్ టికెట్లను ఈ నెల 22న విడుదల చేశారు. అభ్యర్థులు తమ టెట్ హాల్టికెట్లు విద్యాశాఖ వెబ్ సైట్ (http://cse.ap.gov.in) నుండి డౌన్లోడ్ చేసుకోవచ్చు. ఇప్పటివరకు 2,84,309 మంది హాల్ టికెట్స్ డౌన్లోడ్ చేసుకున్నారు. హాల్ టికెట్ల లో ఏవైనా తప్పులు ఉన్నట్లయితే అవసరమైన ఒరిజనల్ సర్టిఫికెట్లు సమర్పించి పరీక్ష కేంద్రం దగ్గర నామినల్ రోల్స్లో సరిచేయించుకోవచ్చు. ఇందుకోసం పరీక్షా కేంద్రం దగ్గర అధికారులు ఏర్పాట్లు చేస్తారు. గతంలో నిర్ణయించిన షెడ్యూలు ప్రకారం అక్టోబర్ 3 వ తేదీ నుండి 21వ తేదీ వరకు (11, 12 తేదీలు మినహా) టెట్ పరీక్షలు జరుగుతాయి. ఏదైనా సందేహాలు ఉంటే డైరెక్టరేట్ కమిషనర్ కంట్రోల్ రూమ్కి ఉదయం 10 గంటల నుండి రాత్రి 10 గంటల వరకు ఫోన్ చేసి సమాచారం తెలుసుకోవచ్చు. ఫోన్ నెంబర్లు: 9398810958, 6281704160, 8121947387, 8125046997, 7995789286, 9398822554, 7995649286, 9963069286, 9398822618. లేదంటే సందేహాలను ఈ మెయిల్ ద్వారా grievences.tet@apschooledu.inకి పంపించవచ్చని విజయరామరాజు తెలిపారు.
