అమరావతి,చైతన్యరథం: నిరుద్యోగ టీచర్లు గత మూడునెలలుగా ఎదురుచూస్తున్న ఎపి టెట్‌ ఫలితాలను మంగళవారం రాష్ట్ర విద్యా, ఐటి, ఎలక్ట్రానిక్స్‌ శాఖా మంత్రి నారా లోకేష్‌ విడుదల చేశాను. ఈ సందర్భంగా ఆయన ట్వీట్‌ చేస్తూ ‘‘టెట్‌ లో అర్హత సాధిస్తేనే డిఎస్సీ రాసేందుకు అర్హులు కావడం, డిఎస్సీలో టెట్‌ మార్కులకు 20శాతం వెయిటేజి ఉండటంతో ఈ ఫలితాల కోసం రాష్ట్రవ్యాప్తంగా 2.35 లక్షలమంది నిరుద్యోగ టీచర్లు ఆతృతగా ఎదురుచూస్తున్నారు. టెట్‌ లో అర్హత సాధించిన అభ్యర్థులకు నా శుభాకాంక్షలు. మన ప్రజాప్రభుత్వం ప్రకటించిన మెగా డిఎస్సీ కి అందరూ సన్నద్ధం కావాలని కోరుకుంటున్నాను. ఈ టెట్‌ లో క్వాలిఫై కాని అభ్యర్థులకు, కొత్తగా బిఈడి, డిఈడి పూర్తిచేసుకున్న వారికి అవకాశం కల్పిస్తూ త్వరలోనే టెట్‌ నిర్వహించబోతున్నాం. ఆ తరువాత మెగా డిఎస్సీ ఉండబోతుంది’’ అని పేర్కొన్నారు. కాగా మొత్తం 2,35,907 మంది టెట్‌ పరీక్ష రాయగా 1,37,004 మంది అంటే 58.4 శాతం మంది ఉత్తీర్ణులయ్యారు.
ఎపి టెట్‌ పరీక్షా ఫలితాలు విడుదల
త్వరలో మరో టెట్‌ నిర్వహిస్తామన్న మంత్రి లోకేష్‌
