అమరావతి(చైతన్యరథం): పండుగలకు చేనేత వస్త్రాలను ధరించి నేతన్నలకు అండగా ఉందామని హోం శాఖ మంత్రి వంగలపూడి అనిత అన్నారు. ముఖ్యమంత్రి చంద్రబాబు నాయుడు సతీమణి నారా భువనేశ్వరి పిలుపు మేరకు చేనేతలకు తెలుగు ప్రజలు అండగా నిలవాలని అనిత అన్నారు. ఒంట్లో నరాలను దారాలుగా పోగు చేసి కష్టపడి..రక్తంతో రంగులు అద్దుతూ చెమటోడ్చే చేనేతల బతుకు చిత్రం మార్చడంలో ప్రతి ఒక్కరూ భాగస్వామ్యం కావాలన్నారు. రాబోయే రోజుల్లో వరుస పండుగల నేపథ్యంలో మన సంస్కృతి, సంప్రదాయాలను చాటే చేనేత వస్త్రాలను ధరించడంతో పాటు చేనేతల కళారూపాలకు పెద్దపీట వేయాలన్నారు. మన ఇంట్లో ఆనందంగా పండుగ చేసుకోవడంతో పాటు చేనేత వస్త్రాలపై ఆధారపడి బతికే అందరి ఇళ్లల్లో పండుగ సంతోషం నింపాలని హోంమంత్రి అనిత ఆకాంక్షించారు.
భువనమ్మ పిలుపు మేరకు..నేతన్నలకు అండగా ఉందాం
పండుగలకు చేనేత వస్త్రాలనే ధరిద్దాం: హోం మంత్రి అనిత
