- జగన్‌ చేయలేని పని చంద్రబాబు చేశారని కడుపుమంట
- అబద్ధాలనే నమ్ముకున్న వైసీపీ కచ్చితంగా గత చరిత్రగా మిగిలిపోతుంది
- వైసీపీ నేతలు ఇకనైనా నిజాలు మాట్లాడటం నేర్చుకోవాలి
- ధ్వజమెత్తిన ఎమ్మెల్యే కాలవ శ్రీనివాసులు
అమరావతి(చైతన్యరథం): అబద్ధాలు, అసత్యాన్ని నమ్ముకున్న వైసీపీ కచ్చితంగా గత చరిత్రగా మిగిలిపోతుందని రాయదుర్గం ఎమ్మెల్యే కాలవ శ్రీనివాసులు అన్నారు. వైసీపీ చేయలేని పనిని చంద్రబాబు చేశారన్న కడుపుమంటతో నీలి మీడియాతో విష ప్రచారం చేయిస్తూ.. ఉచిత ఇసుక పంపిణీపై తప్పుడు రాతలు రాయిస్తున్నారని మండిపడ్డారు. మంగళగిరిలోని టీడీపీ జాతీయ కార్యాలయంలో ఆయన బుధవారం విలేఖరుల సమావేశంలో మాట్లాడుతూ వైసీపీ పాలనలో కుదేలైన నిర్మాణ రంగానికి పునరుజ్జీవం కల్పించడానికి, లక్షలమంది కార్మికులు తిరిగి ఉపాధి పొందేందుకు ముఖ్యమంత్రి చంద్రబాబు ఉచిత ఇసుక విధానాన్ని తీసుకు వచ్చారన్నారు. ప్రభుత్వం గుర్తించిన స్టాక్‌ యార్డ్‌లలో ఉన్న ఇసుకను ఉచితంగా తీసుకోవడానికి ప్రభుత్వం అనుమతి ఇచ్చింది.
వైసీపీ చేయలేని పనిని చంద్రబాబు చేశారన్న అసూయతో వైసీపీ నేతలు రగిలిపోతున్నారు. ఉచిత ఇసుకపై నీలిమిడియాతో వైసీపీ దుష్ప్రచారం చేయిస్తోంది. గడిచిన ఐదేళ్లలో వైసీపీ నేతలు సహజవనరులను దోచుకున్నారు. అధికారికంగా టన్ను ఇసుకకు రూ.475 ధర పెట్టి ప్రభుత్వానికి రూ. 375 జమచేశారు. అనధికారికంగా అంతకు రెండిరతల ధరలకు విక్రయించి దండుకున్నారు. ఇప్పుడు రాష్ట్రంలోని అన్ని ప్రాంతాల్లోనూ ఉచితంగా ఇసుక అందుబాటులో ఉంది. లోడిరగ్‌, రవాణా ఛార్జీలను మాత్రమే వసూలు చేస్తూ ప్రజలకు ఇసుకను అందిస్తుంటే వైసీపీ నేతలకు కడుపుమంట ఎందుకని కాలవ ధ్వజమెత్తారు.
విషం కక్కుతున్నారు
లక్షల మందికి మేలు జరుగుతుంటే వైసీపీ నేతలకు ఎందుకు కడుపుమంట? ఉచిత ఇసుకపై ఎందుకు విషం కక్కుతున్నారు? వైసీపీ నాయకుడు కొడాలి నాని వెళ్లి ఉచిత ఇసుక విధానాన్ని పరిశీలించి అంతా సక్రమంగానే ఉందని మౌనంగా తిరిగొచ్చాడు. ఉచిత ఇసుకతో దాదాపు 125 వృత్తుల వారు బతికేందుకు చంద్రబాబు అవకాశం కల్పిస్తే వైసీపీ, నీలిమీడియా విష ప్రచారం చేస్తున్నారు. ప్రభుత్వం ఏర్పడిన నెలలోనే ఒక్కొక్క హామీని అమలు చేస్తూ.. ప్రజల్లోకి వెళ్తుంటే తప్పుడు ప్రచారాలు చేస్తున్నారు. గత ఐదేళ్లలో వైసీపీ నేతల స్వార్థం, ధనదాహానికి నిర్మాణరంగం కుదేలైంది. వ్యవసాయం తరువాత అతి ఎక్కువ మందికి ఉపాధి కల్పించే నిర్మాణరంగాన్ని ఇబ్బందుల పాలు చేశారు. 50 లక్షల మంది భవనిర్మాణ కార్మికులు విపరీతమైన ఆర్థిక సంక్షోభంలో కూరుకుపోయేలా చేశారు. కొత్త ఇసుక పాలసీతో భవనిర్మాణ కార్మికులను జగన్‌ రోడ్డు పాలు చేశారని కాలవ విమర్శించారు.
వైసీపీ చరిత్ర ముగిసింది
వైసీపీ ప్రభుత్వం కనికరం లేకుండా నిర్మాణ రంగాన్ని నిర్వీర్యం చేసింది. కూటమి ప్రభుత్వం ప్రజలకోసం పనిచేస్తోంది. వైసీపీకి ప్రతిపక్ష హోదా కూడా ఇవ్వలేదంటే జగన్‌ రెడ్డిని ఎంత కసితో ప్రజలు ఓడిరచారో ఆ పార్టీ నేతలకు అర్థం కావడంలేదా? వైసీపీని రాష్ట్రం నుండి తరమికొట్టడానికి తిరుగులేని తీర్పు ఇచ్చినా వైసీపీ నేతలకు సిగ్గు, బుద్ధి రావడంలేదు. నీలిబుద్ధి, వక్రబుద్ధి ఇంకా మారకుంటే వైసీపీ నేతలను ఆ దేవుడు కూడా బాగుచేయలేడు. ఉచిత ఇసుక విధానం ఒక పవిత్రకార్యక్రమం, లక్షల మందికి మేలు చేసే కార్యక్రమంపై విష ప్రచారం చేస్తారా? మీకు అసలు బుద్ధి ఉందా? ఇకనైనా మారండి ప్రజల తరుఫున మాట్లాడటం నేర్చుకోండి. సోషల్‌ మీడియా పేటిఎం బ్యాచ్‌ ఉందని, నీలి మీడియా పత్రిక ఉందని ఒక అసత్యాన్ని పదే పదే చెప్పడం ద్వారా దాన్ని నిజం చేద్దామనే భ్రమలో ఉన్నారు. మీ అబద్ధాలను ప్రజలు తిప్పి కొట్టి చంద్రబాబుకు పట్టం కట్టారు అయినా మారలేదు.
నిజాలను మరుగు పరచాలనో, సత్యాన్ని సమాధి చేయాలని ప్రయత్నం చేస్తే ఆ సత్యమే మిమల్ని, మీ పార్టీని దహిస్తుంది. కచ్చితంగా వైసీపీ అనేది ఒక గత చరిత్రగా మిగిలిపోతుంది. వైసీపీ భవిష్యత్‌ లేని పార్టీ. వైసీపీ నేతలు ఇకనైనా నిజాలు మాట్లాడటం నేర్చుకోవాలి. ప్రభుత్వంపై విషం చిమ్మడం మానుకోవాలి. చంద్రబాబు బలమైన నాయకత్వం ఏపీకి అవసరమని నమ్మి ప్రజలందరు ఏకపక్షంగా తీర్పు ఇచ్చారు. పవన్‌ కళ్యాణ్‌ సహకారం, బీజేపీ బలంతో ఎన్డీఏ కూటమికి అఖండ మెజార్టీ వచ్చింది. ప్రజలందరి మేలుకోసం, ఆంధ్రప్రదేశ్ రాష్ట్ర సర్వతోముఖాభివృద్ధికోసం కూటమి ప్రభుత్వం బలమైన చర్యలు తీసుకోంటుంది. భవిష్యత్‌లో మరన్ని అద్భుతాలు జరగబోతున్నాయి. ఆంధ్రప్రదేశ్ రాతను మార్చే శక్తి, యుక్తి చంద్రబాబుకు ఉంది. ప్రజానీకం కోసం, ఆంధ్రప్రదేశ్ భవిష్యత్‌ కోసం ఎన్డీఏ ప్రభుత్వం తీసుకునే ప్రతి నిర్ణయాని స్వాగతించి బలపర్చాలని ప్రజలకు కాలవ విజ్ఞప్తి చేశారు.
