తిరుపతి : టీడీపీ అధినేత నారా చంద్రబాబు నాయుడు శుక్రవారం ఉదయం తిరుమల శ్రీ వెంకటేశ్వరస్వామి వారిని దర్శించుకున్నారు. ఆయన వెంట సతీమణి నారా భువనేశ్వరి ఉన్నారు. చంద్రబాబు దంపతులకు వైకుంఠం క్యూ కాంప్లెక్స్‌ దగ్గర టీటీడీ అధికారులు స్వాగతం పలికి స్వామివారి దర్శనం చేయించారు. ధ్వజస్తంభానికి మొక్కుకున్న అనంతరం రంగనాయకుల మండపంలో చంద్రబాబు దంపతులకు అర్చకులు వేదాశీర్వచనం పలికారు. శ్రీవారి తీర్థ ప్రసాదాలను అందజేశారు. మాజీ మంత్రి అమర్నాథరెడ్డి, పెద్ద సంఖ్యలో స్థానిక నేతలు చంద్రబాబు వెంట ఉన్నారు.
శ్రీవారిని దర్శించుకున్న చంద్రబాబు దంపతులు
చంద్రబాబు తోపాటు శ్రీవారిని దర్శించుకున్న టీడీపీ నేతలు
