- హోం మంత్రి వంగలపూడి అనిత వెల్లడి
- slprb.ap.gov.in వెబ్సైట్‌ లో పూర్తి వివరాలు
- రకరకాల కారణాలతో నిలిచిన ఎంపిక ప్రక్రియకు కూటమి ప్రభుత్వ చొరవతో మోక్షం
అమరావతి(చైతన్యరథం): రాష్ట్రంలో అర్ధాంతరంగా ఆగిపోయిన కానిస్టేబుల్‌ నియామక ప్రక్రియను సత్వరమే చేపట్టేందుకు కూటమి ప్రభుత్వం నిర్ణయం తీసుకుందని హోం, విపత్తుల నిర్వహణ శాఖల మంత్రి వంగలపూడి అనిత వెల్లడిరచారు. 6,100 పోస్టుల భర్తీకి సంబంధించిన శారీరక సామర్థ్య (పీఎంటీ,పీఈటీ) పరీక్షలను ఐదు నెలల్లోగా పూర్తి చేస్తామని ఆమె స్పష్టం చేశారు.
2022లో నిర్వహించిన ప్రిలిమినరీ పరీక్షకు 4,59,182 మంది హాజరుకాగా అందులో 95,209 మంది తదుపరి దశకు ఎంపికయ్యారన్నారు. పట్టభద్రుల ఎమ్మెల్సీ ఎన్నికలు సహా పలు కారణాల వల్ల వాయిదా పడడంతో పోలీస్‌ డిపార్ట్‌మెంట్‌లో 3580 సివిల్‌ కానిస్టేబుల్‌ పోస్టులు, 2520 Aూూూ కానిస్టేబుల్‌ పోస్టుల ప్రక్రియ వాయిదా పడిరదన్నారు. ప్రిలిమినరీ రాత పరీక్షకు మొత్తం 3,622 మంది హోంగార్డులు హాజరు కాగా అందులో 382 మంది హోంగార్డులు మాత్రమే అర్హత సాధించారన్నారు. ప్రిలిమినరీ రాత పరీక్షలో అర్హత సాధించని 100 మంది హోంగార్డులు 14 రిట్‌ పిటిషన్లను హైకోర్టులో వేశారు. హోంగార్డులను ప్రత్యేక కేటగిరీగా పరిగణించడం ద్వారా హోంగార్డుల కోటాలో ప్రత్యేక మెరిట్‌ జాబితాను ప్రకటించాలని వారు కోర్టును కోరారు. ఆ వంద మంది హోంగార్డులను తదుపరి దశకు అనుమతించాలని న్యాయస్థానం మధ్యంతర ఉత్తర్వులు జారీ చేసిందని హోం మంత్రి వివరించారు.
గత ప్రభుత్వం అప్పటి నుంచి ఏ నిర్ణయం తీసుకోకుండా రిక్రూట్‌మెంట్‌ ప్రక్రియను నిలిపివేసిన విషయాన్ని హోంమంత్రి గుర్తు చేశారు. ఈ విషయం ప్రస్తుత కూటమి ప్రభుత్వం దృష్టికి రావటంతో, దీనిపై న్యాయసలహా తీసుకొని.. దాని మేరకు ఈ రిక్రూట్‌మెంట్‌ ప్రక్రియలో రెండవ దశ (పీఎంటీ,పీఈటీ) పరీక్షలను వెంటనే కొనసాగించాలని నిర్ణయం తీసుకుందన్నారు. దీనికి సంబంధించి రెండవ దశ అప్లికేషన్‌ ఫారం నింపడానికి, భర్తీ ప్రక్రియకు సంబంధించిన పూర్తి వివరాలను స్టేట్‌ లెవల్‌ పోలీస్‌ రిక్రూట్‌మెంట్‌ బోర్డు (slprb.ap.gov.in) వెబ్‌సైట్‌లో పొందుపరుస్తామని మంత్రి తెలిపారు. రెండవ దశలో ఉత్తీర్ణులైన వారికి మూడవ దశ ప్రధాన రాత పరీక్ష (Final Written
Exam) జరుగుతుందని హోం మంత్రి అనిత తెలిపారు.
