- టీడీపీలో ఉన్నప్పుడు నానీ స్థానం చంద్రబాబు పక్కన
- నేడు వైసీపీ ఛోటా నాయకుల భజన బృందంలో..
- నానీపై టీడీపీ అభ్యర్థి 2 లక్షల మెజారిటీతో గెలుస్తాడు
- కనకదుర్గ ఫ్లైఓవర్‌ నిర్మాణంలో అతని పాత్ర శూన్యం
- టీడీపీ అధికార ప్రతినిధి నాగుల్‌ మీరా ఎద్దేవా
అమరావతి: తెలుగుదేశంలో ఉన్నప్పుడు కేశినేని నానీకి మోసగాడిగా.. ద్రోహిగా కనిపించిన జగన్‌రెడ్డి, నేడు గొప్పవ్యక్తిగా కనిపించడం విడ్డూరంగా ఉందని టీడీపీ అధికార ప్రతినిధి నాగుల్‌ మీరా ఎద్దేవా చేశారు. పీఆర్పీ, టీడీపీల మాదిరే త్వరలోనే వైసీపీ కూడా నానీ ని భరించలేమనే స్థితికి వస్తుందని, నానీకి నైతిక విలు వలు లేవు అనడానికి అతను చేస్తున్న వ్యాఖ్యలే నిదర్శ నమని విమర్శించారు. మంగళగిరిలోని పార్టీ జాతీయ కార్యాలయంలో శుక్రవారం ఆయన విలేకరులతో మాట్లాడుతూ త్వరలో జరగబోయే సార్వత్రిక ఎన్నికల్లో విజయవాడ పార్లమెంట్‌ ప్రజలు నానీకి ఘోర పరా భవాన్ని కానుకగా ఇవ్వనున్నారని స్పష్టంచేశారు. టీడీపీ ఎంపీ అభ్యర్థి నానీపై 2లక్షల ఓట్ల మెజారిటీతో గెలవ బోతున్నాడు. తెలుగుదేశంలో ఉంటే చంద్రబాబు పక్కన నిలబడే వ్యక్తి,నేడు వైసీపీలో విజయసాయిరెడ్డి వెనకాల నిలబడే స్థితికి వచ్చాడు. విజయవాడ పార్లమెంట్‌ను శాసిస్తానని చెప్పుకున్న నానీ, నేడు వైసీపీలోని చిన్నా చితకా నేతలకు భజన చేసే దుస్థితికి దిగజారాడని విమర్శించారు.
అమరావతి పేరెత్తే అర్హత వైసీపీ నేతలకు లేదు
రాజధాని అమరావతి గురించి నానీ చేస్తున్న వ్యాఖ్య లు అన్నీ అసంబద్ధమైనవి. అమరావతిలో చదరపు గజం భూమి రూ.8వేలు ఉందంటున్న నానీకి విజయ వాడలో చదరపు గజం ఎంత ఉందో తెలియదా? విజ యవాడలో రూ.10వేలు ఉంటే, హైదరాబాద్‌లో రూ.18వేలు ఉంది. భూములపై నిరాధార ఆరోపణలు చేసి,చేసి.. వైసీపీ వాళ్లు తేలుకుట్టిన దొంగల్లా సైలెంట్‌ అయ్యారు. గతంలో వారు చేసిన నిరాధార ఆరోపణల నే ఇప్పుడు నానీ మళ్లీ చేస్తున్నాడు. అమరావతి రైతు లు, మహిళలపై ఈ ప్రభుత్వం,ఈ ముఖ్యమంత్రి చేసిన దాష్టీకం, దమనకాండ నానీకి కనిపించలేదా? జరిగిన దారుణాలు ఆయన మర్చిపోయాడా? రాష్ట్రంలోని అన్ని వర్గాల ప్రజలు అమరావతి రైతులు పక్షాన నిలిస్తే, భూములిచ్చిన రైతులు, మహిళల్ని ఆ ప్రాంతంపై కక్ష పెట్టుకున్న జగన్మోహన్‌రెడ్డి దారుణంగా హింసించాడు. పోలీసులతో చిత్రహింసలకు గురిచేసి, వారిపై తప్పుడు కేసులు మోపి అన్యాయంగా జైళ్లకు పంపాడు. ప్రజా రాజధాని అమరావతి పేరెత్తే అర్హత నానీకే కాదు, వైసీపీ నేతలెవరికీ లేదు. 2024లో చంద్రబాబు ముఖ్య మంత్రి అవ్వగానే మొదట ప్రారంభించేది రాజధాని పనులేనన్న వాస్తవాన్ని నానీ గ్రహించాలని నాగుల్‌ మీరా అన్నారు.
రూ.400 కోట్లు ఎందుకు పెట్టారో నానీ చెప్పాలి
తాను ఉన్నది ఉన్నట్టు మాట్లాడతాను అంటున్న నానీ.. రాష్ట్రంలో కల్తీ మద్యం ఎందుకు అధిక ధరకు అమ్ముతున్నారో చెప్పాలి. జగన్‌ రెడ్డి క్వార్టర్‌ మద్యాన్ని రూ.200లకు ఎందుకు అమ్మిస్తున్నాడో సమాధానం చెప్పాలి. అదే విధంగా లారీ ఇసుక రూ.12 నుంచి రూ.15వేలకు ఎందుకు అమ్ముతున్నారో కూడా చెప్పా లి. ఒకే ఎత్తున్న అంబేద్కర్‌ విగ్రహ నిర్మాణానికి తెలం గాణ ప్రభుత్వం రూ.150 కోట్లు ఖర్చు పెడితే, జగన్‌ రెడ్డి ప్రభుత్వం రూ.400 కోట్లు ఎందుకు ఖర్చుచేసిందో కూడా నానీ సమాధానం చెప్పాలి. కేంద్ర నిధుల్ని వైసీపీ ప్రభుత్వం ఇష్టానుసారం దుర్వినియోగం చేస్తోం ది అన్న కేంద్రమంత్రుల వ్యాఖ్యలపై, ఒక పార్లమెంటేరి యన్‌గా నానీ స్పందించాలి. నానీ ఎక్కడున్నా చేసేది కోవర్ట్‌ ఆపరేషనే. వైసీపీలో ఉండి మరో పార్టీకి కోవర్ట్‌ గా పనిచేస్తాడు. గతంలో టీడీపీలో ఉంటూ వైసీపీ కోవర్ట్‌గా పనిచేశాడు. తెలుగుదేశం గెలవదని సర్వేలు చెబుతున్నాయి అంటున్న నానీ.. అదే పార్టీ బీ ఫామ్‌ కోసం ఎందుకు వెంపర్లాడాడు? తెలుగుదేశంలో ఉన్న ప్పుడు తన పార్లమెంట్‌ పరిధిలోని ఏడు నియోజక వర్గాల అభ్యర్థుల్ని పిలిచి వారితో మాట్లాడి, వారికి ఏనా డూ భోజనం పెట్టించని కేశినేని నానీ, ఇప్పుడు వైసీపీ వారికి బ్రహ్మండంగా భోజనాలు పెడుతున్నాడు. ఢల్లీి లో కూడా ఇలానే వ్యవహరించాడని నాగుల్‌మీరా తప్పుబట్టారు.
కనకదుర్గ ఫ్లైఓవర్‌ నిర్మాణంలో నానీ పాత్ర శూన్యం
చంద్రబాబు ముఖ్యమంత్రిగా ఉన్నప్పుడు విజయ వాడ నగరం కళకళలాడితే, నేడు వెలవెలబోతున్నది నిజం కాదా నానీ? విజయవాడ నగరంలో రోడ్లు వేసింది, డ్రైనేజ్‌ లు నిర్మించింది, మొక్కలు నాటించింది టీడీపీ ప్రభుత్వంలో కాదా నానీ? కనకదుర్గ ఫ్లై ఓవర్‌ నిర్మాణం చేపట్టింది చంద్రబాబు అయితే, అంతా తనవల్లేనని నానీ చెప్పుకోవడం హాస్యాస్పదం. చంద్రబాబు ముఖ్యమంత్రి హోదాలో కనకదుర్గ ఫ్లై ఓవర్‌ గురించి మాట్లాడినప్పుడు నానీ ఆయనకు కాగితాలు అందించి ఉండొచ్చుగానీ, దాని నిర్మాణంలో నానీ పాత్ర శూన్యం. విజయవాడ పార్లమెంట్‌ పరిధి లోని ఏడు నియోజకవర్గాల్లో నానీని పట్టించుకునే నాథుడే లేడు. అవినీతి, దోపిడీ, కుంభకోణాల్లో కూరుకుపోయిన వైసీపీలో చేరిన నానీ కూడా త్వరలోనే రాజకీయ జీవితానికి ముగింపు పలికి పాతాళంలోకి కూరుకు పోవడం ఖాయమని నాగుల్‌మీరా అన్నారు.
నానీ లాంటి వారిని ప్రజలు పట్టించుకోరు
టీడీపీలో ఉన్నప్పుడు వచ్చే సార్వత్రిక ఎన్నికల్లో వైసీపీకి కేవలం 25 స్థానాలు మాత్రమే వస్తాయన్న నానీ, ఇప్పుడు వైసీపీలోకి వెళ్లాక టీడీపీకి 40 స్థానాలు మాత్రమే దక్కుతాయంటున్నాడు. ఏ రోటికాడ ఆ పాట పాడే నానీ లాంటి వారిని ప్రజలు పట్టించుకోరు. రాష్ట్ర ప్రజలందరూ తమ బతుకులు, తమ బిడ్డల భవిష్యత్‌ బాగుపడాలని కోరుకుంటున్నారు. చంద్రబాబు గెలిస్తేనే తమకు భవిష్యత్‌ అని ప్రజలంతా గట్టిగా నమ్ముతున్నారు. మరలా జగన్‌ రెడ్డికి ఓటేస్తే రాష్ట్రం ఖాళీ అవుతుందని ప్రజలకు అర్థమైంది. టీడీపీ రా..కదలిరా సభకు వచ్చిన జనాన్నిచూసి గుడివాడ నానీకి గుండెలు అదిరిపోయాయి. కొడాలి నానీ ఎప్పుడూ గుడివాడలో ఉండడు. సభకు వెళ్లిన మేమే 2 కిలోమీటర్లు నడిచి సభా ప్రాంగణానికి వెళ్లాం. నానీ జబ్బుతో బాధపడుతూ.. చంద్రబాబు సభకు జనమే రాలేదంటే ఎవరు నమ్ముతారు?. తారకరాముడిని గెలిపించిన గుడివాడ ప్రజలు వచ్చే ఎన్నికల్లో వెనిగండ్ల రాముని గెలిపించడానికి సిద్ధంగా ఉన్నారు. నానీ చేసిన పనులు.. బూతులకు ప్రజలు సిగ్గుతో చచ్చిపోతున్నారు. గెలవనని అర్థమయ్యే నానీ నోటతో పబ్బం గడుపతున్నాడని మీరా ఎద్దేవా చేశారు.
