- ఏపీ ముస్సోలినిగా మారిని జగన్‌రెడ్డి
- చరిత్రంలో నియంతలు కనుమరగయ్యారు
- పోలీసుల ఏకపక్ష వైఖరి మంచిదికాదు
- మాజీ మంత్రి యనమల రామకృష్ణుడు
అమరావతి: కుప్పంలో తెలుగుదేశం పార్టీ జాతీ య అధ్యక్షులు నారా చంద్రబాబు నాయుడి పర్యటనపై వైసీపీ గూండాల దాడి పిరికిపంద చర్య అని టీడీపీ పొలిట్‌ బ్యూరో సభ్యులు, మాజీ మంత్రి యనమల రామ కృష్ణుడు పేర్కొన్నారు. నియంతలా ప్రజలను గుప్పిట్లో పెట్టుకుందామన్న రాజ్యాంగేతర శక్తులు చరిత్రలో కనుమరుగయ్యారని, ప్రజాస్వామ్యంలో ఇలాంటి అల్లర్లను ప్రోత్సహించేది పిరికిపందలేనని శుక్రవారం ఆయన ఒక ప్రకటనలో మండిపడ్డారు. తరచూ ప్రతిపక్ష నేత పర్యటనను అడ్డుకోవటం, దాడులకు పాల్పడటం ఏపీలో తప్ప దేశంలో మరెక్కడైనా ఉందా అని ప్రశ్నిం చారు. నాడు జగన్‌రెడ్డి తాత రాజారెడ్డి ప్యాక్షన్‌ని పెంచి పోషిస్తే నేడు జగన్‌రెడ్డి మళ్లీ రాష్ట్రంలో ఫ్యాక్షనిజానికి, రౌడీయిజానికి రెక్కలు తొడిగారన్నారు. ప్రశ్నించినవారిపై ముఖ్యమంత్రి జగన్‌రెడ్డి దాడులు చేయిస్తూ, ప్రతి పక్షాలపై అక్రమ కేసులు పెట్టి వేధిస్తూ నియంతృత్వంలో ముస్సోలినిని మరిపిస్తున్నారని మండిపడ్డారు.ముస్సోలినికి ఉన్న హ్రస్వ దృష్టి, అహంకార, అర్థం చేసుకోలేని లక్షణం జగన్‌ రెడ్డిలో అచ్చొచ్చినట్టు కన్పిస్తున్నాయని తెలిపారు. చరిత్రలో నియంతలు, రౌడీల పరిస్థితి ఏమైందో జగన్‌ రెడ్డి గమనించాలని హెచ్చరించారు. ఓటు అనే ఆయుధంతో జగన్‌రెడ్డి అరాచక, ఫ్యాక్షన్‌ పాలనను అంత మెందిందిచేందుకు ప్రజలు ఆకలితో ఉన్న సింహాల్లా ఎదురు చూస్తున్నారన్నారు. ఇటలీలో ఫాసిజం సృష్టికర్త ముస్సోలికి పట్టిన గతే ఏపీలో జగన్‌ రెడ్డికీ పడుతుందని హెచ్చరించారు.
పోలీసుల ఏకపక్ష వైఖరి మంచిదికాదు
పోలీసుల ఏకపక్ష వైఖరి సరికాదని, ఏ రాజకీయ పార్టీకి అధికారం శాశ్యతం కాదన్నారు. పోలీసులు నిష్ప క్షపాతంగా, చట్టబద్దంగా వ్యవహరించాలని పేర్కొన్నారు. వైసీపీ కొమ్ముకాస్తున్న పోలీసులకు భవిష్యత్‌లో ఇబ్బందులు తప్పవని హెచ్చరించారు. శాంతి భద్రతులు కాపా డాల్సిన పోలీసులు రౌడీలు, గూండాలైన వైసీపీ నేతలు, కార్యకర్తలు చేసిన తప్పులకు శిక్షలు పడకుండా చట్టం నుంచి వారిని కాపాడే ప్రయత్నం చేస్తున్నట్లు తెలిపారు. టీడీపీ ప్రభుత్వం అధికారంలోకి వచ్చాక తప్పులు చేసిన వైసీపీ నేతల్ని, వారి తప్పుడు పనులకు సహకరించిన పోలీసులను కలిపి శిక్షిస్తుందని హెచ్చరించారు. జగన్‌ రెడ్డి పాలనలో పెరిగిన నిత్యవసర వస్తువుల ధరలు, రైతు సమస్యలు, దళితులపై దాడులు, ప్రభుత్వానికి హైకోర్టు చివాట్లు ఇటువంటి ప్రభుత్వ వైపల్యాలను పక్కదారి పట్టించేందుకు జగన్‌ రెడ్డి రాష్ట్రంలో దాడులకు ప్రణాళిక రూపొందిస్తున్నారని ఆరోపించారు. ప్రభుత్వ వైఫల్యాలు, తప్పిదాలు బయటపడ్డ ప్రతిసారీ దాన్ని కప్పిపుచ్చుకునేందుకు రాష్ట్రంలో ఎక్కడో చోట అల్లర్లు, దాడులకు పాల్పడుతున్నట్లు తెలిపారు. జగన్‌ రెడ్డి పాలనలో ఏపీలో బ్రతకటం కంటే ఉక్రెయిన్‌ లో బతకటం మేలన్న భావనలో ప్రజలున్నట్లు పేర్కొన్నారు. అరాచకవాదికి, అసమర్థ పాలనకు ప్రజల చేతిలో మూల్యం తప్పదన్నారు. 151 సీట్లు గెలిచామన్న గర్వంతో ప్రజలు ఇచ్చిన అధికారాన్ని దుర్వినియోగం చేస్తూ నియంతృత్వంగా వ్యవహరిస్తున్న జగన్‌రెడ్డికి వచ్చే ఎన్నికల్లో సింగిల్‌ డిజిట్‌ కూడా దక్కదని యనమల రామకష్ణుడు హెచ్చరించారు.
