ప్రజాస్వామ్యం గెలవాలి…రాక్షస పాలన పోవాలి

వినుకొండ(చైతన్యరథం): రానున్న సార్వత్రిక ఎన్నికల్లో రాక్షస పాలన ఓడాలి…ప్రజాస్వామ్యం గెలవాలని టీడీపీ అధినేత చంద్రబాబు సతీమణి నారా భువనేశ్వరి ఆకాంక్షించారు. రాష్ట్ర ప్రజలు తమ ఓటు హక్కుతో వైసీపీ ప్రభుత్వాన్ని గద్దె దించి, ప్రజా ప్రభుత్వానికి స్వాగతం పలకాలని భువనేశ్వరి అన్నారు. వినుకొండ నియోజకవర్గం, శావల్యాపురం మండలం, వేల్పూరు గ్రామంలో గురువారం నారా భువనేశ్వరి నిజం గెలవాలి కార్యక్రమంలో పర్యటించారు. పార్టీ కార్యకర్త బోయపాటి మణికంఠ కుటుంబాన్ని పరామర్శించారు. నిజం గెలవాలి కార్యక్రమం చేస్తున్న తనకు సంఫీుభావం తెలిపేందుకు వచ్చిన వేలాదిమంది పార్టీ కార్యకర్తలు, అభిమానులు, నాయకులతో భువనేశ్వరి మాట్లాడుతూ రానున్న ఎన్నికల్లో రాష్ట్ర ప్రజలు వేసే ఓటుపై రాష్ట్ర భవిష్యత్తు…భావితరాల భవిష్యత్తు ఆధారపడి ఉందన్నారు. వైసీపీ పాలనలో మహిళలకు భద్రత లేదు. గత ఐదేళ్లుగా మహిళలపై అకృత్యాలు జరుగుతూనే ఉన్నాయి. మహిళలకు రక్షణ కల్పించడంలో వైసీపీ ప్రభుత్వం పూర్తిగా విఫలమైంది.

చంద్రబాబు ముఖ్యమంత్రిగా ఉన్నప్పుడు మహిళలపై అకృత్యాలకు పాల్పడాలంటే నిందితులు భయపడేవారు. కొంతమంది నిందితులు శిక్షలకు భయపడి ఆత్మహత్యలు చేసుకునేవారు. వైసీపీ దుర్మార్గాలను నిలదీసిన టీడీపీ కార్యకర్తలు, నాయకులను వైసీపీ గూండాలు దారుణంగా హత్య చేశారు, మరికొన్ని ప్రాంతాల్లో దాడులు చేశారు. ఇసుక అక్రమ రవాణాను అడ్డుకున్నాడనే కోపంతో నందం సుబ్బయ్యను అతి కిరాతకంగా వైసీపీ గూండాలు చంపేశారు. తెలుగుదేశంపార్టీ కార్యకర్తల పార్టీ…టీడీపీని ముందుకు నడిపించేది పసుపు సైనికులే. టీడీపీ కార్యకర్తలంతా ఎన్టీఆర్‌ ఆశయాలకు వారసులే. రానున్న ఎన్నికల్లో పసుపు సైనికులు తమ సైకిల్‌ వేగాన్ని పెంచాలి…ఎవరైనా వైసీపీ గూండాలు అడ్డొస్తే వారిని తొక్కుకుంటూ ముందుకు వెళ్లిపోవాలి. చంద్రబాబు బతికేది ప్రజల కోసమే…ఆయన చివరి శ్వాసవరకు ప్రజలే ఊపిరిగా బ్రతుకుతారు.

చంద్రబాబును అక్రమంగా జైల్లో నిర్బంధిస్తే…ఆ 53రోజులు రాష్ట్ర ప్రజలు చంద్రబాబుపై చూపిన ప్రేమ, విధేయత, విశ్వాసం చూసి ప్రజలతో ఆయనకు ఉన్న అనుబంధం అర్థమైంది. మనుషులు కొంత కాలం ఉంటారు…ఆ తర్వాత మరణిస్తారు…కానీ మంచి పనులు ఎప్పటికీ చిరకాలం మిగిలిపోతాయి…వాటిలో చంద్రబాబు నిర్మించిన హైటెక్‌ సిటి, సైబరాబాద్‌, అమరావతి, పట్టిసీమ, పోలవరం, రాయలసీమకు తాగునీటి పథకాలు, సంక్షేమ పథకాలు ఇలా ఎన్నో శాశ్వతంగా నిలిచిపోతాయి. చంద్రబాబు ముఖ్యమంత్రి అయ్యాక సూపర్‌ సిక్స్‌ పథకాలను అమలు చేస్తారు. రానున్న ఎన్నికల్లో పసుపు జెండాను ఎగరేద్దాం…ప్రజాస్వామ్యాన్ని నిలబెడదాం…భావితరాల భవిష్యత్తును కాపాడుకుందాం… అని భువనేశ్వరి పిలుపు ఇచ్చారు.

నిజం గెలవాలి వినుకొండ, తిరువూరు నియోజకవర్గాల షెడ్యూల్‌…12-04-2024

ఉదయం 10:00 ` వినుకొండ శారదాంబ రెసిడెన్సి నుండి పర్యటన ప్రారంభం.
11:05 ` వినుకొండ నియోజకవర్గం, బొల్లాపల్లి మండలం, రెమిడిచెర్ల గ్రామంలో కార్యకర్త కుటుంబానికి పరామర్శ.
సాయంత్రం 5:20 ` తిరువూరు నియోజకవర్గం, విసన్నపేటమండలం, కొండపర్వ గ్రామంలో కార్యకర్త కుటుంబానికి పరామర్శ.
5:45 ` తిరువూరు నియోజకవర్గం, విసన్నపేట మండలం కొండపర్వ గ్రామంలో కార్యకర్త కుటుంబానికి పరామర్శ.
6:35 ` తిరువూరు నియోజకవర్గం, ఏ కొండూరు మండలం కుమ్మరికుంట్ల గ్రామంలో కార్యకర్త కుటుంబానికి పరామర్శ.
రాత్రి 7:20 ` తిరువూరు నియోజకవర్గం, ఏ కొండూరు నియోజకవర్గం, పోలిశెట్టిపాడు గ్రామంలో కార్యకర్త కుటుంబానికి పరామర్శ.
7:45 ` తిరువూరు నియోజకవర్గం, తిరువూరు రూరల్‌ మండలం, కాకర్ల గ్రామంలో కార్యకర్త కుటుంబానికి పరామర్శ.
8:20 ` తిరువూరు నియోజకవర్గం, తిరువూరు టౌన్‌, శ్రీరస్తు కన్వెన్షన్‌ వద్ద రాత్రి బస.