అమరావతి: సినీ నటుడు నారా రోహిత్‌ ఇటీవల తనను అభినందిస్తూ రాసిన లేఖకు ముఖ్యమంత్రి చంద్రబాబునాయుడు స్పందించారు. సీఎం చంద్రబాబును ఉద్దేశించి ఆయన సోదరుడి కుమారుడు, సినీ నటుడు నారా రోహిత్‌ కొద్దిరోజుల క్రితం భావోద్వేగభరితంగా ఓ లేఖ రాశారు. 40 ఏళ్లుగా ప్రజల గుండెల్లో స్థానం సంపాదించుకున్నారని, రాజకీయంగా అనేక ఆటుపోట్లను ఎదుర్కొని కూడా ధైర్యంగా నిలబడ్డారని రోహిత్‌ ఆ లేఖలో కొనియాడారు. గత ఐదేళ్లుగా ఎంతో వేదన అనుభవించారని, కానీ పార్టీని, కార్యకర్తలను కంటికి రెప్పలా చూసుకున్నారని తెలిపారు.
నారా రోహిత్‌ లేఖపై చంద్రబాబు గురువారం స్పందించారు. ‘‘ప్రియమైన నారా రోహిత్‌… నీ లేఖ నా మనసును హత్తుకుంది. మన కుటుంబ సభ్యుల అండ, ఆశీస్సులు ఎల్లవేళలా నాకు ఉన్నాయి కాబట్టే… ఎన్ని ఒడిదుడుకులు ఎదురైనా తట్టుకుని నిలబడగలిగాను. నీకు ఎల్లప్పుడూ నా శుభాశీస్సులు వెన్నంటి ఉంటాయి… ప్రేమతో నీ పెదనాన్న’’ అంటూ చంద్రబాబు బదులిచ్చారు.
ప్రేమతో నీ పెదనాన్న…
నారా రోహిత్‌కు సీఎం చంద్రబాబు లేఖ
