- 24గంటల్లో యుద్దప్రాతిపదికన రోడ్లు
- పోల్కంపాడు దేవునిమాన్యంలో 7రోడ్లు
మంగళగిరి : ఇచ్చిన మాట ప్రకారం 24గంటల్లో ఏడురోడ్లు వేయించి తానేంటో నిరూపించుకున్నాడు యువనేత నారా లోకేష్ . మంగళగిరి నియోజకవర్గంలో తాడేపల్లి మండల పరిధిలోని పోల్కంపాడు దేవుడి మాన్యం నివాసితుల కోసం సొంత నిధులు వెచ్చించి జంగిల్ క్లియరెన్స్, గుంతల పూడ్చివేత, చిప్స్ పరిచి జనాలు తిరిగేందుకు వీలుగా రహదారుల ఏర్పాటుచేశారు. మా ఇళ్లు పడగొట్టడానికి జగన్ జేసీబీలు వస్తుంటే..మా ఇళ్లకు లోకేష్ రోడ్లు వేయించారని ఉండవల్లి వాసులు ఆనందం వ్యక్తంచేస్తున్నారు. మాట ఇచ్చిన ఒక్క రోజులోనే నెరవేర్చిన లోకేష్ కి వారు కృతజ్ఞతలు తెలిపారు. ప్రజల సమస్యలు పరిష్కరించడంలో నారా లోకేష్ స్టైలే వేరు. జనాన్ని ఆదుకుంటూ అసలు సిసలు నాయకుడిగా ప్రశంసలు అందుకుంటున్నారు. ప్రతిపక్షంలో వున్న పార్టీ నేత. అయినా సరే.. మాటిచ్చి%“%నారా లోకేష్%“%..24 గంటల్లో నెరవేర్చారని ప్రజలు హర్షాతిరేకం వ్యక్తం చేస్తున్నారు. బాదుడే బాదుడు కార్యక్రమంలో భాగంగా నారా లోకేష్ ఇంటింటికీ తిరుగుతూ ప్రజల సమస్యలు తెలుసుకుంటున్నారు. ఆపదలో వున్నవారిని ఆదుకుంటున్నారు. తన దృష్టికి తీసుకొచ్చిన సమస్యలను సొంత సొమ్ము వెచ్చించి వెంటనే పరిష్కరించేందుకు చర్యలు తీసుకుంటున్నారు. ప్రభుత్వం పరిష్కరించాల్సిన సమస్యలైతే నేరుగా సంబంధిత అధికారి ప్రజాప్రతినిధులకు విన్నవిస్తున్నారు. వారు స్పందించకపోతే..తెలుగుదేశం ప్రభుత్వం వచ్చిన వెంటనే సమస్య లేకుండా చేసే బాధ్యత తాను తీసుకుంటున్నారు. ఈ నెల 15వ తేదీన మంగళగిరి నియోజకవర్గం ఉండవల్లి గ్రామంలో నిర్వహించిన బాదుడే బాదుడు కార్యక్రమంలో నారా లోకేష్ పాల్గొన్నారు. ఈ సందర్భంగా దేవుని మాన్యం ప్రాంత ప్రజలు తమ రోడ్ల దుస్థితిని లోకేష్ కి చూపించారు. ఈ దుర్మార్గ ప్రభుత్వం అడ్డుకోకుండా వుంటే 48 గంటల్లో మీ రోడ్ల సమస్య పరిష్కరిస్తానని హామీ ఇచ్చారు లోకేష్. 24 గంటలు పూర్తి కాక ముందే ముళ్లపొదలు, గుంతలతో రూపురేఖలు మారిన రోడ్లు మరమ్మతులు ఆరంభించారు. జంగిల్ క్లియరెన్స్ చేయించి, గుంతలు పూడ్చిన తరువాత చిప్స్ తో ఏడు రోడ్లను సిద్ధం చేయించారు. రాత్రి తమ రోడ్ల ఇబ్బందులు తెలుసుకుని 24 గంటల్లో ఇళ్లకు వెళ్లేందుకు సాఫీగా రోడ్లను వేయించిన నారా లోకేష్ కి స్థానికులు కృతజ్ఞతలు తెలిపారు. దటీజ్ లోకేష్.
