- బలవుతున్న వృద్ధులు, వికలాంగులు
- పింఛనపై సాక్షిలో విష ప్రచారం
- ఇళ్లవద్ద పింఛన్‌ పంపిణీ వద్దని ఈసీ చెప్పలేదు
- సచివాలయ ఉద్యోగుల చేత ఇంటివద్దనే పింఛన్ల పంపిణీ చేపట్టాలి
- ఇంటి వద్దనే పింఛన్‌ కోసం ఈసీని, కోర్టులను ఆశ్రయిస్తాం
- ధ్వజమెత్తిన టీడీపీ నేత బొండా
అమరావతి(చైతన్యరథం): పింఛన్ల పంపిణీపై జగన్‌ రెడ్డి రాక్షస క్రీడకు వయసు మళ్లిన అవ్వాతాతలు బలవుతున్నారని టీడీపీ పొలిట్‌బ్యూరో సభ్యుడు బొండా ఉమామహేశ్వరరావు మండిపడ్డారు. మంగళగిరిలోని టీడీపీ జాతీయ కార్యాలయంలో మంగళవారం నిర్వ హించిన విలేకరుల సమావేశంలో బొండా మాట్లాడు తూ… ఇంటింటికి పింఛన్ల పంపిణీని ఎన్నికల సంఘం ఆపిందని సాక్షిలో విష ప్రచారం చేయటం దుర్మార్గమ న్నారు. వాలంటీర్లను జగన్‌రెడ్డి తన స్వార్థం కోసం వాడుకుంటూ ఓటర్లను ప్రలోభాలకు గురి చేస్తున్నారు. అందుకే ఈసీ కేవలం వాలంటీర్‌ వ్యవస్థను పక్కన పెట్టాలని ఆదేశించింది. ఇంటింటికి వెళ్లి పింఛన్‌ ఇవ్వొ ద్దని ఈసీ ఎక్కడా చెప్పలేదు? సచివాలయ ఉద్యోగులు, ఇతర ఉద్యోగులతో ఇంటివద్దకే వెళ్లి ఫించన్‌ ఇచ్చేం దుకు జగన్‌రెడ్డికి వచ్చిన ఇబ్బందేమిటి? మీ రాజకీయ లబ్ధి కోసం సచివాలయాల వద్ద పింఛన్లు ఇస్తుంటే, మండుటెండల్లో వృద్ధులు, వికలాంగులు కిలోమీటర్ల దూరం నడుచుకుంటూ వెళ్లాలా? వడదెబ్బతగిలి వృద్ధు లు ప్రాణాలు కోల్పోతే జగన్‌రెడ్డి బాధ్యత వహిస్తారా? మరో 40రోజుల పాటు జగన్‌ ఆపద్ద్ధర్మ ముఖ్యమంత్రి గా ఉంటారు, లబ్ధిదారులకు ఇంటి వద్దనే పింఛన్‌ ఇవ్వాలని స్పష్టమైన ఆదేశాలు ఎందుకివ్వటం లేదు? ఇంటింటికి పింఛన్లుపంచటం కుదరదని సెర్ప్‌ సీఈవో మురళీధర్‌రెడ్డి చెబుతున్నారు. అసలు ఆయనకేం సం బందం? లేపాక్షి కుంభకోణంలో తన సహనిందితుడైన మురళీధర్‌రెడ్డిని తెచ్చి జగన్‌ సెర్ప్‌ సీఈవోగా పెట్టారు. అందుకే ఆయన తాడేపల్లి ప్యాలెస్‌ చెప్పినట్టు ఆడుతు న్నారు. సచివాలయ సిబ్బందితో పాటు, పంచాయితీ కార్యదర్శులు, వీఆర్వోలున్నారు. వారితో పింఛన్లు అందించకుండా కేవలం రాజకీయకక్షతో జగన్‌రెడ్డి డ్రామాలాడుతున్నారు. దీనిలో సమిధలు అవుతున్నది మాత్రం వృద్ధులు, వికలాంగులు, వితంతువులని బొండా ఆవేదన వ్యక్తం చేశారు.
వృద్ధుల ఉసురు తగులుతుంది
వృద్ధులు ఇంటి వద్దనే ఓటు వేసేలా చర్యలు తీసు కోవాలని కేంద్ర ఎన్నికల సంఘం ఆదేశాలిచ్చింది. అదే విధంగా పింఛన్‌ కూడా ఇంటి వద్దే ఇచ్చేలా చర్యలు తీసుకోవాలని కేంద్ర, రాష్ట్రఎన్నికల సంఘాలకు లేఖలు రాస్తాం. జగన్‌రెడ్డి అధికారులను బెదిరిస్తున్నారు, దీని పై ఈసీ దృష్టిపెట్టాలి. జగన్‌ చెప్పినట్టు ఆడుతూ వృద్ళు లు, వికలాంగులకు ఇబ్బందులు కలిగించేలా వ్యవహ రిస్తున్న సెర్ప్‌ సీఈవో మురళీధర్‌రెడ్డిని తక్షణమే విధుల నుంచి తప్పించాలి. జగన్‌రెడ్డి కమీషన్ల కోసం కక్కుర్తి పడి రూ.13వేల కోట్లు తనవారికి బిల్లుల రూపంలో చెల్లించి ఖజానా ఖాళీ చేశారు. పింఛన్లు ఇవ్వడానికి నిధులు లేవు. అందుకే జగన్‌రెడ్డి డ్రామా లాడుతున్నా రు. మంగళవారం రూ.4వేల కోట్ల అప్పు తెచ్చి,దానితో సచివాలయాల్లో పింఛన్లు ఇస్తారంట. వృద్ధుల ఉసురు జగన్‌రెడ్డికి తగలకపోదు. జగన్‌రెడ్డి తల్లిని తరిమేశాడు, సొంత బాబాయిని చంపిని వాళ్లకు కొమ్ము కాస్తున్నాడు. సొంత చెల్లిని దుర్భాషలాడుతున్నాడు. చీఫ్‌ సెకట్రరీ జవహర్‌రెడ్డి ఎన్నికల నిబంధనలకు విరుద్ధంగా వ్యవ హరించొద్దు. జగన్‌ ఉండేది మరోనలబై రోజులే, ఆయ నకు కొమ్ముకాసిన అధికారులు ఆ తర్వాత ఇబ్బందులు పడతారని బొండా స్పష్టం అన్నారు. పింఛన్లు ఇళ్ల వద్ద నే ఇచ్చేలా చర్యలు తీసుకోవాలని ఎన్నికల సంఘాన్ని, న్యాయస్ధానాన్ని ఆశ్రయిస్తామన్నారు. గతంలో మాదిరి ఇంటి వద్దకే వెళ్లి పింఛన్‌ ఇచ్చే వరకు ఎన్డీఏ కూటమి జగన్‌రెడ్డిని వదలి పెట్టబోదని బొండా హెచ్చరించారు.
