- అసలు చర్చే లేని అంశంపై వైసీపీ దుష్ప్రచారం
- తిరుమల లడ్డూపై సిట్ దర్యాప్తులో అన్ని విషయాలు బయటకు వస్తాయి
- గత వైసీపీ పాలనలో వెనుకబడిన ఏపీని ముందుకు తీసుకెళ్తాం
- విశాఖను ఐటీ కేంద్రంగా తీర్చిదిద్దుతాం
- సీఐఐ ఇన్ఫ్రాస్ట్రక్టర్ సదస్సు అనంతరం మీడియాతో మంత్రి నారా లోకేష్
విశాఖపట్నం(చైతన్యరథం): విశాఖ ఉక్కు ప్రైవేటీకరణపై అసలు చర్చే లేదని.. దీనిపై వైసీపీ దుష్ప్రచారం చేస్తోందని విద్య, ఐటీ శాఖల మంత్రి నారా లోకేష్ స్పష్టం చేశారు. విశాఖ ఉక్కు ప్రైవేటీకరణ జరగనివ్వబోమన్నారు. విశాఖ నోవాటెల్లో సీఐఐ ఇన్ఫ్రాస్ట్రక్టర్ సదస్సు అనంతరం ఆయన బుధవారం మీడియాతో మాట్లాడుతూ.. ఐదేళ్ల తర్వాత ఏపీలో పెద్దఎత్తున పెట్టుబడులు పెట్టేందుకు ముందుకు వచ్చిన అనేకమంది పారిశ్రామికవేత్తలు, అందుకు కావాల్సిన ఫైనాన్షియర్స్, ప్రజాప్రతినిధులు కలిసికట్టుగా ఈ సమ్మిట్ ఏర్పాటు చేసుకున్నారు. భవిష్యత్లో విశాఖకు ఏం చేయాలి, మౌలిక సదుపాయాల ప్రాజెక్టులను ఎలా ముందుకు తీసుకెళ్లాలి, భోగాపురం ఎయిర్పోర్ట్ నిర్మాణంతో పాటు భోగాపురానికి రోడ్డు, మెట్రో కనెక్టివిటీపై సదస్సులో చర్చించాం. అభివృద్ధి వికేంద్రీకరణలో భాగంలో ఒక్కో జిల్లాకు ఒక్కో ఫోకస్ ఏరియాను గతంలోనే టీడీపీ ప్రభుత్వం రూపొందించింది. గతంలోనే అనేక పెట్టుబడులు వచ్చాయి. వైసీపీ ఐదేళ్ల పాలనలో స్పీడ్ బ్రేకర్లా అవి ఆగిపోయాయి. వాటిని ముందుకు తీసుకెళ్లేందుకు ఏం చేయాలనే అంశాలపై కూడా చర్చించామని మంత్రి లోకేష్ తెలిపారు.
గత వైసీపీ పాలనలో వెనుకబడిన ఏపీని ముందుకు తీసుకెళ్తాం
గత ప్రభుత్వం రోడ్లు నిర్మించలేదు, కనీస గుంతలు కూడా పూడ్చలేదు. దీనివల్ల ప్రజలు ఇబ్బందులు పడ్డారు. పారిశ్రామికవేత్తలు కూడా వెనక్కి వెళ్లిపోయారు. ఎకనామిక్ యాక్టివిటీ మొత్తం రివైజ్ చేయాలి, మౌలిక సదుపాయాలపై పెద్దఎత్తున పెట్టుబడులు పెట్టాలి. వెనుకబడిన ఏపీని మళ్లీ ముందుకు తీసుకుళ్లేందుకు సమ్మిట్ ద్వారా చర్చించాం. పారిశ్రామికవేత్తలు, పెట్టుబడిదారుల సలహాలతో వాటిని ముందుకు తీసుకెళ్తాం. 20 లక్షల ఉద్యోగాల కల్పనే మా లక్ష్యం. అందుకోసం పెట్టుబడులను పెద్దఎత్తున ఆహ్వానిస్తున్నాం. ఎవరెక్కువ ఉద్యోగాలు కల్పిస్తే అందుకు తగ్గట్లుగా రాయితీలు కల్పిస్తామని మంత్రి లోకేష్ స్పష్టం చేశారు.
విశాఖను ఐటీ డెస్టినేషన్గా తీర్చిదిద్దుతాం
గతంలో అనేక డేటా సెంటర్ సంస్థలతో ఒప్పందాలు కుదుర్చుకున్నాం. వాటిని గత ప్రభుత్వం పక్కనపెట్టేసింది. రాబోయే రోజుల్లో పెద్దఎత్తున విశాఖలో పెట్టుబడులు రాబోతున్నాయి. విశాఖను ఇతర రాష్ట్రాలతో పోటీపడే విధంగా చేస్తాం. నిరుద్యోగ యువతకు సొంత రాష్ట్రంలోనే ఉద్యోగాలు కల్పిస్తాం. ఇప్పటికే అనేక ఐటీ, ఎలక్ట్రానిక్స్ కంపెనీతో మేం చర్చించాం. విశాఖలో ఉన్న ఐటీ కంపెనీలతో సమావేశమై వారికున్న సమస్యలపై చర్చించి, అవన్నీ పరిష్కరించాం. ఓ పెద్ద ఐటీ కంపెనీ 1500 మందికి ఉద్యోగాలు కల్పించనుంది. వచ్చే ఐదేళ్లలో 20వేల మందికి ఉద్యోగాలు కల్పిస్తాం. ఆ కంపెనీ వెళ్లే మార్గంలో గత ప్రభుత్వం వీధిదీపాలు కూడా వేయలేదు. వారికి కావాల్సిన బస్ సౌకర్యాలు కల్పించలేదు. అవన్నీ క్లియర్ చేశాం. కొంతమంది పారిశ్రామికవేత్తలు కూడా వచ్చారు. ఫీల్డ్ విజిట్స్కి కూడా వెళ్తున్నామని మంత్రి లోకేష్ చెప్పారు.
రాబోయే వంద రోజుల్లో ఐటీ పాలసీ
రాబోయే వంద రోజుల్లో ఐటీ, జీసీసీ పాలసీ తీసుకువస్తాం. రాబోయే రోజుల్లో పెద్దఎత్తున ఐటీ పెట్టుబడులు తీసుకువస్తాం. ఎమర్జింగ్ టెక్నాలజీస్ పై దృష్టిసారిస్తున్నాం. డేటా సెంటర్ల ఏర్పాటును ప్రోత్సహిస్తున్నాం. గతంలో ఓ సంస్థతో ఒప్పందం కుదుర్చుకున్నాం. దాదాపు లక్ష కోట్ల పెట్టుబడి పెట్టేందుకు ముందుకు వచ్చారు. భూమి కూడా ఇచ్చి శంకుస్థాపన కూడా చేశాం. వైసీపీ ప్రభుత్వంలో నీరుగారిపోయింది. వారందరితో సమావేశమై త్వరలోనే భవిష్యత్ కార్యాచరణ ప్రకటిస్తామని మంత్రి లోకేష్ తెలిపారు.
గత ఐదేళ్లలో విధ్వంసం
పరిశ్రమలకు పెండిరగ్లో ఉన్న రాయితీలను అందజేస్తాం. వారం రోజుల్లో కన్సల్టేటివ్ ఫోరం ఏర్పాటుచేస్తాం. పెట్టుబడిదారులు ఎదుర్కొంటున్న సమస్యలను పరిష్కరిస్తాం. గత ఐదేళ్లలో మొత్తం విధ్వంసం చేశారు. ఈడీబీ(ఎకనామిక్ డెవలప్ మెంట్ బోర్డు)ని రద్దు చేశారు. దీనిని పునరుద్దరించాం. గతంలో ఐటీ మంత్రి ఎప్పుడూ ఐటీ పరిశ్రమలతో సమావేశం నిర్వహించలేదు. మేం ఫోకస్డ్ గా వెళ్తున్నాం. టాటా ఛైర్మన్ స్వయంగా వచ్చారు. ఇప్పుడు వైజాగ్ గురించి, ఏపీ గురించి మాట్లాడుకుంటున్నారు. గతంలో లులు సంస్థకు చంద్రబాబు రెడ్ కార్పెట్ వేసి తీసుకువచ్చారు. ఆ సంస్థ వచ్చి ఉంటే 20వేల మందికి ఉద్యోగాలు వచ్చేవి. వాళ్లని జగన్ రెడ్డి వెళ్లగొట్టారు. ఏపీలో తప్ప అన్ని రాష్ట్రాల్లో పెట్టుబడులు పెడతామంటున్నారు. పొరపాటున మళ్లీ సైకో వస్తే పరిస్థితి ఏమిటని పారిశ్రామికవేత్తలు భయపడుతున్నారని మంత్రి లోకేష్ అన్నారు.
విశాఖ ఉక్కుపై వైసీపీ దుష్ప్రచారం
చట్టాన్ని ఉల్లంఘించిన అధికారులపై న్యాయబద్ధంగా చర్యలు తీసుకుంటాం. మేం ఎవరం పరదాలు కట్టుకుని తిరగడం లేదు. ప్రజలకు అందుబాటులో ఉన్నాం. ఎన్నికలకు ముందు విశాఖ ఉక్కు ప్రైవేటీకరణకు వ్యతిరేకంగా మేం మాట్లాడాం. గత ప్రభుత్వం విశాఖ ఉక్కు పరిశ్రమను పట్టించుకోలేదు. వారికి కావాల్సిన రాయితీలు ఇవ్వలేదు. మైనింగ్ రద్దు చేశారు. ముఖ్యమంత్రి చంద్రబాబు ఈ విషయమై కేంద్ర పెద్దలతో మాట్లాడారు. విశాఖ ఉక్కు ప్రైవేటీకరణపై అసలు చర్చే జరగలేదు. వైసీపీ దుష్ప్రచారం చేస్తోంది. విశాఖ ఉక్కు ప్రైవేటీకరణ జరగనివ్వబోమని టీడీపీ రాష్ట్ర అధ్యక్షుడు పల్లా శ్రీనివాసరావు స్పష్టంగా చెప్పారు. కేంద్రం ఇటీవల రూ.500 కోట్ల గ్రాంట్ కూడా ఇచ్చింది. వైసీపీ గత ఐదేళ్ల పాలనలో ఒక్క రూపాయి కూడా రాలేదని మంత్రి లోకేష్ తెలిపారు.
తిరుమల లడ్డూపై సిట్ దర్యాప్తులో అన్నీ బయటకు వస్తాయి
బాబాయి హత్య కేసులో జగన్ రెడ్డి ఎందుకు సీబీఐ విచారణ కోరలేదు. సీబీఐ కేసుల్లో కోర్టుకు వెళ్లకుండా ఎగ్గొడుతున్నారు. తిరుమల లడ్డూపై ప్రమాణానికి నేను సిద్ధమని సవాల్ చేస్తే.. వైవీ సుబ్బారెడ్డి పారిపోయారు. నెయ్యిని మార్కెట్ ధర కంటే 40 శాతం తక్కువ ధరకు కంపెనీలు సరఫరా చేశాయి. సిట్ దర్యాప్తులో అన్ని విషయాలు బయటకు వస్తాయి. వైసీపీ కప్పిపుచ్చుకోవడానికి ప్రయత్నిస్తోంది. రాజకీయాలు కాదు కావాల్సింది. ఇవాళ ప్రజల మనోభావాలు దెబ్బతిన్నాయని మంత్రి లోకేష్ అన్నారు.
