శ్రీశైల భ్రమరాంబిక అమ్మవారు, మల్లికార్జునస్వామి వారిని టీడీపీ జాతీయ ప్రధాన కార్యదర్శి నారా లోకేష్‌ గురువారం కుటుంబ సమేతంగా దర్శించుకున్నారు. ఆలయం వద్ద ఆయనతో పాటు ఆయన సతీమణి బ్రాహ్మణి, కుమారుడు దేవాన్ష్‌కు ఆలయ అధికారులు స్వాగతం పలికారు. అనంతరం లోకేష్‌ దంపతులు స్వామివారికి రుద్రాభిషేకం, అమ్మవారికి కుంకుమార్చన పూజలు చేశారు. ఆలయ ప్రాంగణంలో ఆలయ అర్చకులు వారికి వేదాశీర్వచనం పలికి తీర్థప్రసాదాలు, స్వామి, అమ్మవార్ల చిత్రపటాలు బహూకరించారు. అంతకుముందు సాక్షి గణపతి ఆలయాన్ని, వీరభద్ర స్వామి ఆలయాన్ని లోకేష్‌ దంపతులు దర్శించుకున్నారు. సాక్షి గణపతి ఆలయంలో ప్రత్యేక పూజలు నిర్వహించారు.
శ్రీశైలం మల్లన్న సేవలో యువనేత
శ్రీశైలంలో స్వామి, అమ్మవార్లను దర్శించుకున్న లోకేష్‌ దంపతులు
