- వైసీపీ కార్యకర్తల్లా పోలీసు ఉన్నతాధికారులు
- వారిపై క్రమశిక్షణా చర్యలు తీసుకోవాలి
- రాష్ట్ర ఎన్నికల ప్రధాన అధికారిని ఎన్డీయే నేతల ఫిర్యాదు
విజయవాడ, చైతన్యరథం: ప్రధాన మంత్రి నరేంద్ర మోదీ, తెలుగుదేశం అధినేత నారా చంద్రబాబు నాయుడు, జనసేన అధినేత పవన్ కళ్యాణ్, బీజేపీ రాష్ట్ర అధ్యక్షులు పురందేశ్వరి పాల్గొన్న ’ప్రజాగళం సభ’ను భగ్నం చేసేందుకు నలగురు పోలీసు ఉన్నతాధి కారులు కుట్రపన్నారని ఎన్డీయే నేతలు ఆరోపించారు. డీజీపీ రాజేంద్రనాధ్ రెడ్డి, ఇంటెలిజెన్స్ ఏడీజీ పీఎస్ఆర్ ఆంజనేయులు, గుంటూరు రేంజ్ ఐజీ పాల్ రాజ్, పల్నాడు ఎస్పీ రవిశంకర్ రెడ్డిలపై క్రమశిక్షణా చర్యలు తీసుకోవాలని రాష్ట్ర ఎన్నికల ప్రధాన అధికారిని కోరారు. భారతదేశ ప్రధాని నరేంద్ర మోదీ హాజరైన సభకు నిరంతరం అంతరాలు వస్తూన్నా పోలీసులు మాత్రం నిర్లక్ష్యంగా వ్యవహరించారని తెలిపారు. ఈ విషయంపై సోమవారం నాడు ఎన్డీఏ నేతలు వర్ల రామయ్య, పాతూరి నాగభూషణం, చిల్లపల్లి శ్రీనివాస రావు, బుచ్చి రాంప్రసాద్, షేక్ బాజి, బండ్రెడ్డి రామ కృష్ణ రాష్ట్ర ఎన్నికల ప్రధాన అధికారిని కలిసి ఫిర్యాదు చేశారు. అనంతరం విలేకరులతో మాట్లాడుతూ పోలీసుల వైఫల్యాన్ని దుయ్యబట్టారు.
సభను భగ్నం చేయాలని నలుగురు పోలీసు అధికారులు కంకణం కట్టుకున్నారు: తెదెపా పోలిట్ బ్యూరో సభ్యులు వర్ల రామయ్య
ఎన్నికల కోడ్ వచ్చిన తర్వాత కూడా రాష్ట్ర ప్రభుత్వం, పోలీసు శాఖ బరితెగించి వ్యవహరిస్తోందని తెలుగుదేశం సీనయర్ నేత వర్ల రామయ్య మండి పడ్డారు. ‘‘చట్టంతో పని లేదు. తమ విధి విధానాలంటే గౌరవం లేదు. ఎన్డీఏ ఆధ్వర్యంలో నిర్వహించిన ప్రజా గళం సభకు సాక్షాత్తు భారత ప్రధాని నరేంద్ర మోదీ ముఖ్య అతిథిగా హాజరయ్యారు. ఈ సభకు మేము ఊహించిన దానికంటే లక్షలాది మంది కదలి వచ్చారు. ఈ సభకు కావాల్సిన భద్రతా ఏర్పాట్లు చేయండని ఈ నెల 12వ తేదీన రాష్ట్ర డీజీపీకి తెలుగుదేశం పార్టీ నుంచి లేఖ పంపించాం. కానీ నిమ్మకు నీరెత్తినట్లు పోలీసులు కూర్చొని సభను చిన్నాభిన్నం చేసేందుకు కుట్రపన్నారు. మేము ఎంత చెప్పినా ట్రాఫిక్ను క్రమ బద్ధీకరించలేదు. విద్యుత్, సౌండ్ బాక్సుల స్తంబాలు పైకి అభిమానులు, కార్యకర్తలు ఎక్కితే వారిని దింపేం దుకు సాయం చేయమని మేము, మా వాలంటీర్లు పోలీసు వారిని కోరినా పట్టించుకోలేదు. ప్రోటోకాల్ను కూడా ఉల్లంఘించి విద్యుత్స్తంభాలు దిగాలని స్వయం గా ప్రధానే విజ్ఞప్తి చేశారు. ప్రదాని సభ అనుకున్నారో, దారిన పోయే దానయ్య సభ అనుకున్నారో మాకు అర్థం కాలేదు’’ అని ఆయన అన్నారు.
‘‘పల్నాడు ఎస్పీ అనవసరంగా ఖాకీ చొక్క వేసు కున్నాడు. వైసీపీ కార్యకర్తగా పల్నాడు ఎస్పీ వ్యవహ రించారు. సభను భగ్నం చేసేందుకు సాయ శక్తులా ఎస్పీ పనిచేశాడు. లక్షన్నర ప్రజలు వస్తారని ఇంటెలి జెన్స్ వాళ్ళు అనుకన్నారు.. కానీ పది లక్షల మందికి పైగా జనం వచ్చేసరికి సభను భగ్నం చేయాలని ఇంటె లిజెన్స్ డీజీ కంకణం కట్టుకున్నాడు. ప్రధాని ప్రసంగిం చే సభలో మైక్ డిస్టర్బ్ కావడం ఏమిటి? ప్రధాని మాట్లాడుతుంటే కరెంట్ పోవడం ఎప్పుడైనా ఉందా? ప్రధాని ప్రసంగంలో 11 నిమిషాలు కరెంట్ పోవడం ఏమిటి? ఇది కేవలం పోలీసుల వైఫల్యం మాత్రమే. జగన్రెడ్డి ఓడిపోతే వాలంటరీ రిటైర్మెంట్ తీసుకొని వెళ్ళిపోతానని డీజీలు, ఐజీలు, ఎస్పీలు అనుకుంటు న్నారు. అప్పటి వరకు ఎందుకు ఇప్పుడే పారిపోండి. రాష్ట్ర ప్రభుత్వానికి సేవ చేయడంలో వీళ్ళందరూ పునీ తులు అవుతున్నారు.అందుకే డీజీపీ రాజేంద్రనాధ్ రెడ్డి, ఇంటెలిజెన్స్ ఏడీజీ పీఎస్ఆర్ ఆంజనేయులు, గుంటూ రు రేంజ్ ఐజీ పాల్ రాజ్, పల్నాడు ఎస్పీ రవిశంకర్ రెడ్డిలపై క్రమశిక్షణా చర్యలు తీసుకోవాలని ఆధారాల తో సహా ఎన్నికల కమిషన్కు ఫిర్యాదు చేశాం. ఈ నలుగురు అధికారులు ఎన్నికల విధుల్లో గనుక పాల్గొం టే ఎన్నికల సజావుగా సాగవు కాబట్టి వారిని ఎన్నికలు అయ్యేంతవరకు ఎటువంటి కార్యకలాపాల్లో, విధుల్లో ఉండకుండా, వారిని దూరంగా పెట్టాలని ఎన్నికల అధికారిని కోరాం’’ అని రామయ్య తెలియజేశారు.
అధికార పక్షానికి పోలీసులు కొమ్ము కాశారు: బీజేపీ రాష్ట్ర మీడియా ఇన్ఛార్జ్ పాతూరి నాగభూషణం
ప్రధాని విషయంలో ప్రోటోకాల్ పాటించని నాటి తెలంగాణ ముఖ్యమంత్రి పరిస్థతి ఇప్పుడు ఎలా ఉందో మనందరికి తెలుసునని, రానున్న రోజుల్లో జగన్రెడ్డి పరిస్థితి కూడా అలానే కాబోతుందని బీజేపీ నేత పాతూ రి నాగభూషణం జోస్యం చెప్పారు. ‘‘ప్రజాగళం సభకు రావాల్సిన చాలామంది ప్రజలు రోడ్లపైనే ఉండిపోయా రు. పోలీసులు కావాలనే ట్రాఫిక్న క్రమ బద్ధీకరించ లేదు. కేవలం సభను భగ్నం చేయాలనే వైసీపీ ప్రభు త్వం కుట్ర చేసింది. డయాస్ మీద కూర్చునే నాయకు లకు స్టేజ్ పాసులు అడిగితే ఎస్పీ మా కాల్స్కు స్పందిం చలేదు. చివరికి ఎస్పీజీకి కంప్లెంట్ చేస్తే గానీ మాకు ఎస్పీ పాసులు ఇవ్వలేదు. ప్రధానిని సత్కరించేందుకు, స్వాగతించేందుకు బొకేలు, శాలువాలు కూడా స్టేజ్ మీదకు తీసుకెళ్లనివ్వకుండా పల్నాడు ఎస్పీ అడ్డుకున్నా రు. ఇటువంటి అరాచకాలు చేశారు కాబట్టే ఈసీని కలిసి ఫిర్యాదు చేయాల్సి వచ్చింది. అధికార పార్టీకి పోలీసు అధికారులు కొమ్ము కాయడం సరికాదు. రానున్న రోజుల్లో మోదీ, అమిత్ షా సభలు జరగను న్నాయి. మరలా ఇటువంటి దుర్మార్గమైన చర్యలు జరగకుండా ఉండాలని ఈసీకి ఫిర్యాదు చేశాం. నిన్నటి సభలో పోలీసుల తీరుపై పీఎంవోకు కూడా ఫిర్యాదు చేస్తాం’’ అని నాగభూషణం తెలిపారు.
భారత ప్రజాస్వామ్యానికే అవమానకరం: జనసేన కృష్టా జిల్లా అధ్యక్షుడు బండ్రెడ్డి రామకృష్ణ
ప్రపంచంలో అతిపెద్ద ప్రజాస్వామ్యానికి అధినేత ప్రధాని నరేంద్ర మోదీ.. మన రాష్ట్రంలో పర్యటిస్తుంటే కావాల్సిన భ్రద్రతా ఏర్పాట్లుచేయడంలో పోలీసు యం త్రాంగం విఫలమయ్యిందని జనసేన నేత బండ్రెడ్డి రామకృష్ణ అన్నారు. ‘‘ప్రధాని మోదీ హాజరైన సభలో 11 నిమిషాల పాటు విద్యుత్ నిలిపివేశారు. ఇలాంటి పోలీసు వ్యవస్థను పెట్టుకొని ఎన్నికలు నిర్వహించడం చాలా కష్టం. పోలీసు వ్యవస్థలో ఖచ్చితంగా మార్పులు చేయాలని ఎన్నికల అధికారిని మేము కోరాం. నిన్న జరిగిన సంఘటన భారత ప్రజాస్వామ్యానికి అవమాన కరం. తీసుకోవాల్సిన జాగ్రత్తలు, భద్రత చేయడంలో పోలీసులు విఫలమయ్యారు. సౌండ్ బాక్సులు వద్దకు జనం రాకుండా చూసే బాధ్యత పోలీసులదే. ఎటు వంటి భద్రత తీసుకోవాలో ఎన్ఎస్జీ చెప్పినా పోలీసులు నిర్లక్ష్యంగా వ్యవహరించారు. ఈవిషయాన్ని పరిగణలో నికి తీసుకొని వారిపై క్రమశిక్షణా చర్యలు తీసుకొవాలిన ఎన్నికల అధికారిని కలిసి ఫిర్యాదు చేశాం’’ అని తెలియజేశారు.
